Photo: ઠંડીની સીઝનમાં થઈ કેસર કેરીની આવક, હરાજીમાં 10 હજાર રૂપિયે વેચાયું 1 બોક્સ

ખંભાળા ગામના ખેડૂતના આંબામા કેસર કેરી આવતા પોરબંદર માર્કેટિંગ યાર્ડ ખાતે આજે ફરી એક વખત કેસર કેરીની આવક થઈ હતી.  

 ખોડીયાર ટ્રેડિંગ કંપની ખાતે આજે 10 કિલો કેસર કેરીના 2 બોક્સની આવક થતા 10001 રૂપિયા કીલો ઉંચો ભાવ બોલાયો હતો એમ કુલ 20 કિલો બોક્સના 20010 રૂપિયા ઉંચા ભાવે વેંચાણ થયું હતું.  

પોરબંદરના ખંભાળાના બગીચાની કેસર કેરીની હરાજી કરવામાં આવી હતી. જ્યારે દિલીપ ભાઈ નામના વ્યક્તિએ બે બોક્સ કેરીના 20 હજાર રૂપિયા ચુકવીને ખરીદી કરી હતી.   

પોરબંદર જિલ્લાના બરડા ડુંગર વિસ્તારના અનેક ગામોમાં કેસર કેરીના આંબાનું મોટી સંખ્યામાં વાવેતર કરવામાં આવેલ છે. ત્યારે આ સિઝનમાં શિયાળની શરૂઆત થતા જ પોરબંદર માર્કેટિંગ યાર્ડ ખાતે ત્રીજી વખત કેસર કેરીનું આગમન થતા હરાજી કરવામાં આવી હતી.

ઉલેખ્ખનીય છે કે આ વર્ષે પણ કેરીની સીઝન કરતા 5 મહિના જેટલી વહેલી આવક થઈ રહી છે.