Christmas and new year 2024 celebration: ક્રિસમસ અને ન્યૂ ઇયર સેલિબ્રેશન માટે બેસ્ટ છે આ 4 જગ્યા, ફરવા માટે 2 દિવસ છે પુરતા

જો કે દેશ અને દુનિયામાં ઘણા હિલ સ્ટેશન છે, પરંતુ આજે આપણે જે હિલ સ્ટેશનની વાત કરવા જઈ રહ્યા છીએ તે માત્ર 2 દિવસમાં જ જઈને પરત ફરી શકાય છે. આ તમામ હિલ સ્ટેશન માત્ર ઉત્તરાખંડમાં આવેલા છે. જ્યારે પણ ઉત્તરાખંડના હિલ સ્ટેશનની વાત આવે છે ત્યારે સામાન્ય રીતે નૈનીતાલ અને મસૂરી જેવા પ્રખ્યાત હિલ સ્ટેશનના નામ આવે છે, પરંતુ આ ફોટો ગેલેરીમાં અમે એવા હિલ સ્ટેશનો વિશે માહિતી આપવા જઈ રહ્યા છીએ જેમના નામ તમે ભાગ્યે જ સાંભળ્યા હશે.

શિયાળામાં ધનોલ્ટીમાં તમને એકદમ અલગ અનુભવ મળશે. અહીં કેમ્પિંગ અને એડવેન્ચર એક્ટિવિટી પણ કરવામાં આવે છે. ક્રિસમસ દરમિયાન અહીંની મુલાકાત લઈને તમને એક અલગ અનુભવ મળે છે.

ઉત્તરાખંડમાં આવેલ ઔલી એક ખૂબ જ સુંદર જગ્યા છે, જે દરિયાની સપાટીથી લગભગ 3000 મીટર ઉંચી છે. આ હિલ સ્ટેશન સ્નોબોર્ડિંગ અને સ્કીઇંગ માટે શ્રેષ્ઠ સ્થળ છે.

ચૌકોરી હિલ સ્ટેશન ઉત્તરાખંડના તે હિલ સ્ટેશનોમાંથી એક છે જ્યાં સૂર્યાસ્ત અને સૂર્યોદય બંનેનો સુંદર નજારો જોઈ શકાય છે. આ હિલ સ્ટેશનની ખાસ વાત એ છે કે તે ઓક, રોડોડેન્ડ્રોન વૃક્ષો, મકાઈના ખેતરો અને બગીચાઓથી ભરેલું છે.

આ હિલ સ્ટેશન પૌરી ગઢવાલ જિલ્લામાં સમુદ્ર સપાટીથી 1700 મીટરની ઉંચાઈ પર આવેલું છે. આ હિલ સ્ટેશન ઉત્તરાખંડના સૌથી સુંદર હિલ સ્ટેશનોમાંથી એક છે. આ સ્થળ ઓક અને દેવદારના વૃક્ષોથી ઢંકાયેલું છે, તેથી હિમવર્ષા દરમિયાન તે ખૂબ જ સુંદર જગ્યા લાગે છે.