કરોડોની કિંમતની છે આ લક્ઝરી ઈલેક્ટ્રીક કાર, ભારતમાં આ ટોપ-7 ઈલેક્ટ્રીક કાર થશે લોન્ચ

પોર્શ એક પ્રખ્યાત જર્મન કાર બ્રાન્ડ છે. ખૂબ જ ટૂંક સમયમાં આ કંપની ભારતમાં તેની ઓલ-ઈલેક્ટ્રિક કાર પોર્શ Taycan લોન્ચ કરવા જઈ રહી છે. Porsche Taycan ભારતમાં 12 નવેમ્બરે લોન્ચ થવાની છે. આ વાહન સિંગલ ચાર્જમાં 420-463 કિમી સુધી ચાલી શકે છે. Porsche Taycanની કિંમત લગભગ 2 કરોડ રૂપિયાને આસપાસ હોઈ શકે છે.

જ્યારે આપણે લક્ઝરી કાર વિશે વાત કરીએ ત્યારે સૌથી પહેલી કાર જે મનમાં આવે છે તે છે Rolls Royce. ખૂબ જ ટૂંક સમયમાં આ કંપની તેની પ્રથમ સંપૂર્ણ ઈલેક્ટ્રિક કાર સ્પેક્ટર લોન્ચ કરવા જઈ રહી છે. તે 2023 સુધીમાં બજારમાં આવવાની ધારણા છે. તે જ સમયે, કંપનીએ 2030 સુધીમાં તેના તમામ વાહનોને ઈલેક્ટ્રિક બનાવવાનો દાવો કર્યો છે. અત્યાર સુધી સ્પેક્ટરની માત્ર થોડી જ તસવીરો સામે આવી છે. આ કારની કિંમત આશરે 3 કરોડ રૂપિયાને આસપાસ રહી શકે છે.

લેમ્બોર્ગિનીની Urus ભારતમાં તેની સૌથી વધુ વેચાતી કાર છે. જો કે હાલમાં તેનું પેટ્રોલ વર્ઝન માર્કેટમાં છે, પરંતુ કંપનીનું કહેવું છે કે 2025 સુધીમાં તે તેનું ઓલ-ઈલેક્ટ્રીક વર્ઝન લોન્ચ કરશે. હાલમાં, Urusની કિંમત 3 કરોડ રૂપિયાને આસપાસ છે, તેથી જ્યારે તેનું ઈલેક્ટ્રિક મોડલ બજારમાં આવશે, ત્યારે તે તેના કરતા વધુ મોંઘું હશે. લેમ્બોર્ઘિની Urus મૂળભૂત રીતે એક લક્ઝરી સ્પોર્ટ્સ કાર છે.

જેગુઆર લેન્ડ રોવર, જે એક સમયે યુકેના રસ્તાઓનું ગૌરવ હતું, તે હવે ભારતના ટાટા મોટર્સનો એક ભાગ છે. રસ્તાઓ પર દોડતી લક્ઝરી સેડાન ખૂબ જ સુંદર દેખાવ ધરાવે છે. પરંતુ હવે જેગુઆરનું ઓલ-ઈલેક્ટ્રિક મોડલ, જગુઆર આઈ-પેસ આવવાનું શરૂ થઈ ગયું છે. Jaguar I-Pace માત્ર 4.8 સેકન્ડમાં 0-100 કિમીની સ્પીડ પકડી લે છે. આ કારની કિંમત 1.05 કરોડ રૂપિયાથી શરૂ થાય છે.

લક્ઝરી કાર્સમાં પણ ઓડીનું પોતાનું આગવું સ્થાન છે. તાજેતરમાં જ ઓડીએ ભારતમાં તેની સંપૂર્ણ ઈલેક્ટ્રિક કાર Audi e-tron GT પણ લોન્ચ કરી છે. આ કાર વિશે કંપનીનો દાવો છે કે તે માત્ર 22 મિનિટમાં 80% ચાર્જ થઈ જાય છે અને એક જ ચાર્જમાં 500 કિમી સુધી ચાલે છે. તેની કિંમત 1.80 કરોડ રૂપિયાથી શરૂ થાય છે.

ભારતમાં નવા લક્ઝરી વાહનોના આગમન પહેલા મર્સિડીઝ કાર એક સમયે સામાન્ય લોકોમાં સમૃદ્ધિનું પ્રતીક હતું. મર્સિડીઝ-બેન્ઝ હજુ પણ ભારતમાં સૌથી વધુ વેચાતી અને ઉત્પાદિત લક્ઝરી કાર છે. કંપનીએ તેને સંપૂર્ણ ઈલેક્ટ્રિક કાર મર્સિડીઝ બેન્ઝ EQC રજૂ કરી છે. જે સિંગલ ચાર્જમાં 400 કિમીની રેન્જ આપે છે. આ 5 સીટર સેડાનની કિંમત 1.07 કરોડ રૂપિયાથી શરૂ થાય છે.

આ યાદીમાં બેંગલુરુ સ્થિત સ્ટાર્ટઅપ કંપનીનું નામ કેવી રીતે ભૂલી શકાય. Mean Metal Motors(MMM)એ તાજેતરમાં તેની ઈલેક્ટ્રિક સુપરકાર અઝાનીને લોન્ચ કરી છે. આ અંગે કંપનીનો દાવો છે કે તે માત્ર 2 સેકન્ડમાં 0-100 કિમીની સ્પીડ પકડી લે છે. તે સિંગલ ચાર્જમાં 700 કિમી સુધી જઈ શકે છે. જોકે આ કારની કિંમત કરોડથી ઓછી હોઈ શકે છે. તેની કિંમત લગભગ 90 લાખ રૂપિયા હોવાની અપેક્ષા છે અને તેનો પ્રથમ પ્રોટોટાઇપ ડિસેમ્બર 2022 સુધીમાં જાહેર કરવામાં આવશે.