શહેરમાં દારૂ, ગાંજા, ચરસ, અને ડ્રગ્સ બાદ હવે નાના ટાબરિયાઓથી લઇને યુવક યુવતીએમાં નવા નશાએ દસ્તક આપી છે અને આજકાલના ટાબરીયાઓ નશા કરવા માટે નવો કીમિયો અપનાવી રહ્યો છે. જેમાં સામાન્ય દેખાતી નોટ બુકની સ્ટેશનરીમાં મળતું વાઈટ્નર છે. વાઈટ્નર આ નશાના ખોરોને આસાનીથી દુકાનેથી મળી જાય છે. તાજેતરમાં જ અમદાવાદ શહેરના બાપુનગર વિસ્તારમાંથી એક યુવક વાઈટ્નરના નશામાં સપડાયા હોવાનું સામે આવતા યુવકના પિતાએ બાપુનગર પોલીસમાં ફરીયાદ કરતા પોલીસ સ્ટેશનરીના માલિકની ધરપકડ કરી હતી. પરંતુ આ સામાન્ય દુકાને મળતા વાઈટ્નર પર પોલીસ કઇ રીતે કાર્યવાહી કરે તે મોટો પ્રશ્ન છે.