Cheapest SUV : 6 ಲಕ್ಷಕ್ಕಿಂತ ಕಡಿಮೆ ಬೆಲೆಗೆ ಸಿಗುವ SUV ಕಾರು.! ಇದರ ಐದು ಪ್ರಮುಖ ವೈಶಿಷ್ಟ್ಯಗಳಿವು

Cheapest SUV (file photo)

ಬೆಂಗಳೂರು : ಕೈಗೆಟುಕುವ ದರದಲ್ಲಿ SUV ಅನ್ನು ಖರೀದಿಸಲು ಬಯಸುತ್ತಿದ್ದರೆ,  ಮಾರುಕಟ್ಟೆಯಲ್ಲಿ ಹಲವಾರು ಆಯ್ಕೆಗಳು ಲಭ್ಯವಿದೆ. ಅವುಗಳಲ್ಲಿ  SUV ನಿಸ್ಸಾನ್ ಮ್ಯಾಗ್ನೈಟ್ ಕೂಡಾ ಸೇರಿದೆ. ಯಾವುದೇ ಕಾರು ಖರೀದಿಸುವಾಗಲೂ ಅದರ ಬಗ್ಗೆ ಸರಿಯಾದ ಮಾಹಿತಿಯನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ. ಈ ಹಿನ್ನೆಲೆಯಲ್ಲಿ  ಅಗ್ಗದ ಬೆಲೆಯಲ್ಲಿ SUV ಖರೀದಿಸಲು ಬಯಸುವವರಿಗೆ  ಈ ಬಗ್ಗೆ ಸೂಕ್ತ ಮಾಹಿತಿ ಇಲ್ಲಿದೆ. 

ನಿಸ್ಸಾನ್ ಮ್ಯಾಗ್ನೈಟ್ ಎಂಜಿನ್ : 
ನಿಸ್ಸಾನ್ ಮ್ಯಾಗ್ನೈಟ್ ಎರಡು ಪೆಟ್ರೋಲ್ ಎಂಜಿನ್‌, 1-ಲೀಟರ್  ನ್ಯಾಚುರಲಿ ಆಸ್ಪಿರೇಟೆಡ್ ಎಂಜಿನ್ (72PS/96Nm) ಮತ್ತು 1-ಲೀಟರ್ ಟರ್ಬೊ-ಪೆಟ್ರೋಲ್ ಎಂಜಿನ್ (100PS/160Nm) ಆಯ್ಕೆಯೊಂದಿಗೆ ಬರುತ್ತದೆ.  ಇದು 5 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಮತ್ತು CVT ಆಯ್ಕೆಯೊಂದಿಗೆ ಬರುತ್ತದೆ. 

ಇದನ್ನೂ ಓದಿ : Arecanut Price: ರಾಜ್ಯದ ಅಡಿಕೆ ಮಾರುಕಟ್ಟೆಯ ಇಂದಿನ ಧಾರಣೆ ಹೀಗಿದೆ ನೋಡಿ

ನಿಸ್ಸಾನ್ ಮ್ಯಾಗ್ನೈಟ್ ವೈಶಿಷ್ಟ್ಯಗಳು :
SUV ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಜೊತೆಗೆ 8-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಹೊಂದಿರುತ್ತದೆ. ಇದಲ್ಲದೇ ಆಟೋ ಎಸಿ, ರಿಯರ್ ವೆಂಟ್‌ಗಳು, ವೈರ್‌ಲೆಸ್ ಫೋನ್ ಚಾರ್ಜರ್, ಏರ್ ಪ್ಯೂರಿಫೈಯರ್, ಜೆಬಿಎಲ್ ಸ್ಪೀಕರ್ ಮತ್ತು ಆಂಬಿಯೆಂಟ್ ಲೈಟಿಂಗ್‌ನಂತಹ ವೈಶಿಷ್ಟ್ಯಗಳು ಲಭ್ಯವಿದೆ.

ನಿಸ್ಸಾನ್ ಮ್ಯಾಗ್ನೈಟ್‌ನ ಬಾಹ್ಯ ವಿನ್ಯಾಸ :
ಕಾರು 16-ಇಂಚಿನ ಡ್ಯುಯಲ್-ಟೋನ್ ಅಲಾಯ್ ವ್ಹೀಲ್ ನೊಂದಿಗೆ ಬರುತ್ತದೆ.  ಇದಲ್ಲದೆ, ಎಲ್-ಆಕಾರದ ಎಲ್ಇಡಿ ಡಿಆರ್ ಎಲ್ ಲಭ್ಯವಿದೆ.  360-ಡಿಗ್ರಿ ಕ್ಯಾಮೆರಾಗಳು ಮತ್ತು  ಪಡಲ್ ಲ್ಯಾಂಪ್ ಲಭ್ಯವಿದೆ. ಎಲ್ಇಡಿ ಡಿಆರ್ ಎಲ್  ಕೆಳಗೆ ಫಾಗ್ ಲ್ಯಾಂಪ್ ಗಳು ಕೂಡಾ ಇರಲಿವೆ. 

ನಿಸ್ಸಾನ್ ಮ್ಯಾಗ್ನೈಟ್ ಬೆಲೆ :
 6 ಲಕ್ಷ  ರೂಪಾಯಿಗಿಂತ  ಕಡಿಮೆ ಬೆಲೆಗೆ ಈ ಕಾರು ಪ್ರಾರಂಭವಾಗುತ್ತದೆ.  ಆದರೂ ಇದರ ಟಾಪ್ ರೂಪಾಂತರಕ್ಕೆ 10 ಲಕ್ಷ ರೂ. ನೀಡಬೇಕಾಗುತ್ತದೆ. ಇದರ ಮೂಲ ರೂಪಾಂತರದ ಬೆಲೆ  5.97 ಲಕ್ಷ ರೂ.  ಮತ್ತು  ಟಾಪ್ ರೂಪಾಂತರದ ಬೆಲೆ  10.79 ಲಕ್ಷ ರೂಪಾಯಿ. 

ಇದನ್ನೂ ಓದಿ : Gold Price Today : ಮತ್ತೆ ಏರಿಕೆಯಾಯಿತು ಚಿನ್ನದ ದರ .!

ಇದು ನೇರವಾಗಿ ರೆನಾಲ್ಟ್ ಕೈಗರ್ ಜೊತೆ ಸ್ಪರ್ಧಿಸುತ್ತದೆ. ಎರಡರ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವೇನೂ ಇಲ್ಲ.  ಕೈಗರ್ ನ ಬೆಲೆ 5.99 ಲಕ್ಷದಿಂದ 10.62 ಲಕ್ಷದವರೆಗೆ ಇರುತ್ತದೆ. ಇದು ಎರಡು ಎಂಜಿನ್ ಆಯ್ಕೆಯನ್ನು ಹೊಂದಿದೆ. 1-ಲೀಟರ್  ನ್ಯಾಚುರಲಿ ಆಸ್ಪರೆಟೆಡ್ ಪೆಟ್ರೋಲ್ (72PS/96Nm) ಮತ್ತು 1-ಲೀಟರ್ ಟರ್ಬೊ-ಪೆಟ್ರೋಲ್ (100PS/160Nm). ಇದು 5-ಸ್ಪೀಡ್ ಮ್ಯಾನುವಲ್, AMT ಮತ್ತು CVT ಆಯ್ಕೆಯೊಂದಿಗೆ ಬರುತ್ತದೆ.