July 1 ರಿಂದ ಚಪ್ಪಲ್-ಸ್ಯಾಂಡಲ್ ಗಳಿಗೆ ಈ ನಿಯಮಗಳು ಅನ್ವಯಿಸಲಿವೆ ಎಚ್ಚರ!

Footwear QCO: ಶೂ ಮತ್ತು ಚಪ್ಪಲಿಗಳಂತಹ ಪಾದರಕ್ಷೆಗಳನ್ನು ತಯಾರಿಸುವ ಮತ್ತು ಆಮದು ಮಾಡಿಕೊಳ್ಳುವ ದೊಡ್ಡ ಮತ್ತು ಮಧ್ಯಮ ಉದ್ಯಮದಾರರು ಜುಲೈ 1 ರಿಂದ 24 ಉತ್ಪಾದನೆಗಳ ಮೇಲೆ ಕಡ್ಡಾಯವಾದ ಮಾದಂಡಗಳನ್ನು ಅನುಸರಿಸಬೇಕಾಗಲಿದೆ.  ಚೀನಾದಂತಹ ದೇಶಗಳಿಂದ ಕಳಪೆ ಗುಣಮಟ್ಟದ ಉತ್ಪನ್ನಗಳನ್ನು ಆಮದು ಮಾಡಿಕೊಳ್ಳುವುದನ್ನು ತಡೆಯಲು ಈ ಮಾನದಂಡಗಳನ್ನು ಜಾರಿಗೊಳಿಸಲಾಗುತ್ತಿದೆ.

ಕಳಪೆ ಗುಣಮಟ್ಟದ ಉತ್ಪನ್ನಗಳ ಆಮದಿಗೆ ಕಡಿವಾಣ ಹಾಕಲಾಗುವುದು
ಪ್ರಸ್ತುತ ಈ ಗುಣಮಟ್ಟದ ಮಾನದಂಡಗಳನ್ನು ದೊಡ್ಡ ಮತ್ತು ಮಧ್ಯಮ ಪ್ರಮಾಣದ ತಯಾರಕರು ಮತ್ತು ಆಮದುದಾರರಿಗೆ ಮಾತ್ರ ಅನ್ವಯಿಸಲಿವೆ.  ಆದರೆ ಜನವರಿ 1, 2024 ರಿಂದ ಸಣ್ಣ ಪ್ರಮಾಣದ ಪಾದರಕ್ಷೆ ತಯಾರಕರಿಗೂ ಅನ್ವಯವಾಗಲಿವೆ ಎಂದು ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್ (ಬಿಐಎಸ್) ಮಹಾನಿರ್ದೇಶಕ ಪ್ರಮೋದ್ ಕುಮಾರ್ ತಿವಾರಿ ಹೇಳಿದ್ದಾರೆ. .

ಈ ಗಡುವಿನೊಳಗೆ ಯಾವುದೇ ಸಡಿಲಿಕೆ ನೀಡಲಾಗುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಕ್ವಾಲಿಟಿ ಕಂಟ್ರೋಲ್ ಆರ್ಡರ್ (ಕ್ಯೂಸಿಒ) ಗುಣಮಟ್ಟದ ಪಾದರಕ್ಷೆ ಉತ್ಪನ್ನಗಳ ದೇಶೀಯ ಉತ್ಪಾದನೆಯನ್ನು ಖಚಿತಪಡಿಸುತ್ತದೆ ಮತ್ತು ಕಳಪೆ ಗುಣಮಟ್ಟದ ಉತ್ಪನ್ನಗಳ ಆಮದನ್ನು ತಡೆಯಲಿದೆ.

ಜುಲೈ 1ರಿಂದ ನಿಯಮ ಜಾರಿಯಾಗಲಿದೆ
2020 ರ ಅಕ್ಟೋಬರ್‌ನಲ್ಲಿ 24 ಪಾದರಕ್ಷೆಗಳು ಮತ್ತು ಸಂಬಂಧಿತ ಉತ್ಪನ್ನಗಳಿಗೆ ಸರ್ಕಾರವು QCO ಗೆ ಅಧಿಸೂಚನೆ ಹೊರಡಿಸಿದೆ, ಆದರೆ ನಂತರ ಅದರ ಗಡುವನ್ನು ಮೂರು ಬಾರಿ ವಿಸ್ತರಿಸಲಾಗಿದೆ. ಈ ಬಾರಿಯೂ ಪಾದರಕ್ಷೆ ತಯಾರಕರು ಅದನ್ನು ಮತ್ತೆ ವಿಸ್ತರಿಸಲು ಒತ್ತಾಯಿಸಿದ್ದರು.  ಆದರೆ ಜುಲೈ 1 ರಿಂದ ಅದನ್ನು ಜಾರಿಗೆ ತರಲು ಸರ್ಕಾರ ನಿರ್ಧರಿಸಿದೆ.

ಈ ಮಾನದಂಡಗಳಲ್ಲಿ, ಪಾದರಕ್ಷೆಗಳನ್ನು ತಯಾರಿಸಲು ಬಳಸುವ ಚರ್ಮ, PVC ಮತ್ತು ರಬ್ಬರ್‌ನಂತಹ ಕಚ್ಚಾ ಸಾಮಗ್ರಿಗಳ ಹೊರತಾಗಿ, ಸೋಲ್ ಮತ್ತು ಹೀಲ್‌ಗೆ ಮಾರ್ಗಸೂಚಿಗಳಿವೆ. ಈ ಮಾನದಂಡಗಳು ರಬ್ಬರ್ ಗಮ್ ಬೂಟುಗಳು, PVC ಸ್ಯಾಂಡಲ್‌ಗಳು, ರಬ್ಬರ್ ಥಾಂಗ್‌ಗಳು, ಕ್ರೀಡಾ ಬೂಟುಗಳು ಮತ್ತು ಗಲಭೆ ವಿರೋಧಿ ಪಾದರಕ್ಷೆಗಳಂತಹ ಉತ್ಪನ್ನಗಳಿಗೆ ಅನ್ವಯಿಸುತ್ತವೆ. ಇದರಿಂದ ಕ್ಯೂಸಿಒ ವ್ಯಾಪ್ತಿಯಲ್ಲಿ ಇರಿಸಲಾಗಿರುವ ಒಟ್ಟು ಪಾದರಕ್ಷೆ ಉತ್ಪನ್ನಗಳ ಸಂಖ್ಯೆ 27 ಕ್ಕೆ ಏರಿದೆ ಎಂದು ತಿವಾರಿ ಹೇಳಿದ್ದಾರೆ. ಉಳಿದ 27 ಉತ್ಪನ್ನಗಳನ್ನು ಮುಂದಿನ ಆರು ತಿಂಗಳಲ್ಲಿ QCO ವ್ಯಾಪ್ತಿಗೆ ತರಲಾಗುವುದು ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ-Airbus ಅತಿ ದೊಡ್ಡ ಆರ್ಡರ್ ನೀಡಿದ IndiGo, 500 ವಿಮಾನಗಳ ಖರೀದಿಗೆ ಆರ್ಡರ್

ಬಿಐಎಸ್‌ನ ಎರಡು ಪ್ರಯೋಗಾಲಯಗಳಾಗಿರುವ, ಪಾದರಕ್ಷೆಗಳ ವಿನ್ಯಾಸ ಮತ್ತು ಅಭಿವೃದ್ಧಿ ಸಂಸ್ಥೆ ಅಭಿವೃದ್ಧಿ ಸಂಸ್ಥೆಯ (ಎಫ್‌ಡಿಡಿಐ), ಕೇಂದ್ರೀಯ ಚರ್ಮ ಸಂಶೋಧನಾ ಸಂಸ್ಥೆ (ಎಫ್‌ಡಿಡಿಐ) ಮತ್ತು 11 ಖಾಸಗಿ ಪ್ರಯೋಗಾಲಯಗಳಲ್ಲಿ ಪಾದರಕ್ಷೆ ಉತ್ಪನ್ನಗಳನ್ನು ಪರೀಕ್ಷಿಸಲು ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ ಎಂದು ಅವರು ಮಾಹಿತ್ಯನ್ನು ನೀಡಿದ್ದಾರೆ.

ಇದನ್ನೂ ಓದಿ-Unsecured Lending: ಇನ್ಮುಂದೆ ವೈಯಕ್ತಿಕ ಸಾಲ, ಕ್ರೆಡಿಟ್ ಕಾರ್ಡ್ ಪಡೆಯುವುದು ಮತ್ತಷ್ಟು ಕಷ್ಟಕರವಾಗಲಿದೆ, ಕಾರಣ ಇಲ್ಲಿದೆ

ಇದಕ್ಕಾಗಿ BIS 'ಸಾರ್ವಜನಿಕ ಕರೆ ಸೌಲಭ್ಯ'ವನ್ನು ಪ್ರಾರಂಭಿಸಿದೆ, ಅದರ ಸಹಾಯದಿಂದ ನಿಮ್ಮ ಸಲಹೆಗಳು, ಪ್ರಶ್ನೆಗಳು ಅಥವಾ ದೂರುಗಳನ್ನು BIS ಉಪಕ್ರಮಗಳು, ಯೋಜನೆಗಳು ಮತ್ತು ಇತರ ವಿಷಯಗಳಲ್ಲಿ ಇರಿಸಬಹುದು. ಇದಲ್ಲದೆ, BIS ತನ್ನ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್ ಪ್ಲಾಟ್‌ಫಾರ್ಮ್ 'ಮಾನಕ್ ರಥ' ಅನ್ನು ಸಹ ತಂದಿದೆ, ಅದರಲ್ಲಿ ಬಳಕೆದಾರರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಬಹುದು.

ಇದನ್ನೂ ನೋಡಿ-