ಭಾರತದ ಈ ವ್ಯಕ್ತಿ 5.6 ಕೋಟಿ ರೂಪಾಯಿ ಪ್ರತಿನಿತ್ಯ ದಾನ ಮಾಡ್ತಾರೆ.. ಟಾಟಾ, ಅಂಬಾನಿ, ಅದಾನಿ ಎಲ್ಲರ ಮೀರಿಸಿದವ!

Indias biggest donor : ಎಡೆಲ್‌ಗಿವ್ ಹುರುನ್ ಭಾರತದ ಮಹಾದಾನಿಗಳ ಪಟ್ಟಿ 2023 ಅನ್ನು ನವೆಂಬರ್ 2 ರಂದು ಬಿಡುಗಡೆ ಮಾಡಿದೆ.

Shiv Nadar

Indias philanthropy list : ಎಡೆಲ್‌ಗಿವ್ ಹುರುನ್ ಭಾರತದ ಮಹಾದಾನಿಗಳ ಪಟ್ಟಿ 2023 ಅನ್ನು ನವೆಂಬರ್ 2 ರಂದು ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ HCL ಸಹ-ಸಂಸ್ಥಾಪಕ ಶಿವ ನಾಡರ್ ಭಾರತದ ಶ್ರೀಮಂತ ಅತ್ಯಂತ ಉದಾರ ವ್ಯಕ್ತಿಯಾಗಿ ತನ್ನ ಅಗ್ರಸ್ಥಾನವನ್ನು ಉಳಿಸಿಕೊಂಡಿದ್ದಾರೆ. ಭಾರತದ ಮಹಾದಾನಿಯಾಗಿದ್ದಾರೆ.

ಐವರು ಸ್ನೇಹಿತರ ಜೊತೆ ಸೇರಿ ಗ್ಯಾರೇಜ್ ನಲ್ಲಿ ಕಂಪನಿ ಆರಂಭಿಸಿದ್ದ ಶಿವ ನಾಡರ್‌ HCL ಟೆಕ್ನಾಲಜೀಸ್ ಎಂಬ ಸಾಮ್ರಾಜ್ಯವನ್ನೇ ಕಟ್ಟಿದ್ದಾರೆ. ಪುಟ್ಟ ಜಾಗದಲ್ಲಿ ಕ್ಯಾಲ್ಕುಲೇಟರ್‌, ಮೈಕ್ರೊಪ್ರೊಸೆಸರ್‌ ತಯಾರಿಕೆ ಮಾಡಲು ಆರಂಭಿಸಿ ಬೃಹತ್‌ ಉದ್ಯಮ ಕಟ್ಟಿದ ಶಿವ ನಾಡರ್  ಇಂದು ಭಾರತದ ಮಹಾದಾನಿಯಾಗಿದ್ದಾರೆ. 

ಇದೀಗ ಕಂಪನಿಯು ಯುನೈಟೆಡ್ ಸ್ಟೇಟ್ಸ್‌ನ ಉನ್ನತ IT ಕಂಪನಿಗಳಲ್ಲಿ ಒಂದಾಗಿದೆ. ವಾರ್ಷಿಕ ಆದಾಯವು $11.8 ಬಿಲಿಯನ್‌ ಮೀರಿದೆ ಎಂದು ಹಲವು ವರದಿಗಳು ಉಲ್ಲೇಖಿಸಿವೆ.

ಇದನ್ನೂ ಓದಿ : ಕೇರಳ ಸಿಎಂಗೆ 7ನೇ ತರಗತಿ ವಿದ್ಯಾರ್ಥಿಯಿಂದ ಜೀವ ಬೆದರಿಕೆ ಕರೆ..! 

ನಾಡರ್ ಅವರು ಸ್ವಯಂ-ನಿರ್ಮಿತ ಬಿಲಿಯನೇರ್ ಆಗಿದ್ದಾರೆ. ಸುಮಾರು 2,07,700 ಕೋಟಿ ನಿವ್ವಳ ಮೌಲ್ಯದೊಂದಿಗೆ ಭಾರತದ ಮೂರನೇ ಶ್ರೀಮಂತ ವ್ಯಕ್ತಿ ಇವರು. ಅವರು FY23 ರಲ್ಲಿ 2,042 ಕೋಟಿ ರೂಪಾಯಿಗಳನ್ನು ದೇಣಿಗೆ ನೀಡಿದ್ದಾರೆ ಎಂದು ವರದಿಯಾಗಿದೆ. ಅಂದರೆ ಪ್ರತಿದಿನ ಸರಿಸುಮಾರು 5.6 ಕೋಟಿ ರೂಪಾಯಿ ದಾನ ಮಾಡಿದ್ದಾರೆ. ಅವರ ನಂತರ ವಿಪ್ರೋ ಸಂಸ್ಥಾಪಕ ಅಧ್ಯಕ್ಷ ಅಜೀಂ ಪ್ರೇಮ್‌ಜಿ 1,774 ಕೋಟಿ ದೇಣಿಗೆ ನೀಡಿದ್ದಾರೆ. 

ವಾರ್ಷಿಕ ₹376 ಕೋಟಿ ದೇಣಿಗೆಯೊಂದಿಗೆ ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮತ್ತು ಭಾರತದ ಶ್ರೀಮಂತ ವ್ಯಕ್ತಿ ಮುಖೇಶ್ ಅಂಬಾನಿ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಗೌತಮ್ ಅದಾನಿ ₹285 ಕೋಟಿ ದೇಣಿಗೆ ನೀಡಿದ್ದು, 5ನೇ ಸ್ಥಾನದಲ್ಲಿದ್ದಾರೆ. ರತನ್ ಟಾಟಾ ಈ ವರ್ಷದ ಟಾಪ್ 10 ಲೋಕೋಪಕಾರಿ ಪಟ್ಟಿಯಲ್ಲಿ ಇಲ್ಲ.

1945 ರಲ್ಲಿ ಶಿವ ನಾಡರ್ ತಮಿಳುನಾಡಿನ ಮೂಲೈಪೋಜಿಯಲ್ಲಿ ಜನಿಸಿದರು. ಮಧ್ಯಮ ವರ್ಗದಲ್ಲಿ ಜನಿಸಿದ ಈ ಮಗು ಇಂದು ನೂರಾರು ಜನರಿಗೆ ಆಸರೆ ಆಗಿದ್ದಾರೆ. ಅವರು ಶಾಲೆಯಲ್ಲಿ ಚೆನ್ನಾಗಿ ಓದುತ್ತಿದ್ದರು. ಕೊಯಮತ್ತೂರಿನ ಗೌರವಾನ್ವಿತ PSG ಕಾಲೇಜ್ ಆಫ್ ಟೆಕ್ನಾಲಜಿಯಿಂದ ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದರು. 21 ವರ್ಷ ವಯಸ್ಸಿನವರೆಗೂ ಇಂಗ್ಲಿಷ್‌ನಲ್ಲಿ ಸಂವಹನ ಮಾಡಲು ಸಾಧ್ಯವಾಗಲಿಲ್ಲ. ಅವರು 1967 ರಲ್ಲಿ ಪುಣೆಯಲ್ಲಿ ಕೂಪರ್ ಇಂಜಿನಿಯರಿಂಗ್ ಲಿಮಿಟೆಡ್‌ನಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು. 

ಇದನ್ನೂ ಓದಿ : 'ನೈತಿಕ ಸಮಿತಿ ಸಭೆಯಲ್ಲಿ ನನ್ನ ವಸ್ತ್ರಾಪಹರಣ ನಡೆಸಲಾಗಿದೆ' ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಪತ್ರ ಬರೆದ ಮಹಿಳಾ ಸಂಸದೆ!

1970 ರಲ್ಲಿ ಅವರು HCL ಟೆಕ್ನಾಲಜೀಸ್ ಅನ್ನು ಸ್ಥಾಪಿಸಿದರು. ಇದು ಸಿಂಗಾಪುರದ ಕಂಪನಿಗೆ ಸೇವೆ ಸಲ್ಲಿಸುವ ಹಾರ್ಡ್‌ವೇರ್ ಕಂಪನಿಯಾಗಿ ಪ್ರಾರಂಭವಾಯಿತು. ಈ ವ್ಯವಹಾರವು ಮೊದ ಮೊದಲು ದೆಹಲಿಯ ಗ್ಯಾರೇಜ್‌ನಿಂದ ಕಾರ್ಯನಿರ್ವಹಿಸುತ್ತಿತ್ತು. 1980 ರ ದಶಕದ ಆರಂಭದಲ್ಲಿ ಅವರ ಕಂಪನಿಯ ಆದಾಯವು 1 ಮಿಲಿಯನ್ ತಲುಪಿದಾಗ, ಅವರು ತಮ್ಮ ಮೊದಲ ಯಶಸ್ಸನ್ನು ಅನುಭವಿಸಿದರು.

1991 ರಲ್ಲಿ ನಾಡರ್ ಅವರ ನಿರ್ದೇಶನದ ಅಡಿಯಲ್ಲಿ ಮೂರು ಪ್ರಮುಖ ಆರ್ಥಿಕ ಬದಲಾವಣೆಗಳನ್ನು ಅನುಸರಿಸಿದ ಭಾರತೀಯ IT ಉತ್ಕರ್ಷದ ಮೇಲೆ ನಿಗಮವು ಬಂಡವಾಳ ಹೂಡಿತು. ಅವರ ಪತ್ನಿಯ ಹೆಸರು ಕಿರಣ್ ನಾಡರ್, ಶಿವ ನಾಡರ್ ಫೌಂಡೇಶನ್‌ನ ಟ್ರಸ್ಟಿ ಮತ್ತು ಕಿರಣ್ ನಾಡರ್ ಮ್ಯೂಸಿಯಂ ಆಫ್ ಆರ್ಟ್‌ನ ಸಂಸ್ಥಾಪಕರಾಗಿದ್ದಾರೆ.

ಶಿವ ನಾಡರ್ ಅವರ ಕುಟುಂಬವು ಅವರ ಹೆಸರಿನಲ್ಲಿ ಶಿವ ನಾಡರ್ ಫೌಂಡೇಶನ್ ಎಂಬ ಚಾರಿಟಬಲ್ ಟ್ರಸ್ಟ್‌ ಅನ್ನು ನಡೆಸುತ್ತಿದೆ. ಇದು ಪ್ರಾಥಮಿಕವಾಗಿ ಶಿಕ್ಷಣ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸುತ್ತದೆ. ನೂರಾರು ವಿದ್ಯಾರ್ಥಿಗಳ ಕನಸಿಗೆ ಬೆಳಕಾಗಿದೆ. 

ಇದನ್ನೂ ಓದಿ : Daily GK Quiz: ಯಾವ ನಗರವನ್ನು ಭಾರತದ ‘ಗೋಲ್ಡನ್ ಸಿಟಿ’ ಎಂದು ಕರೆಯುತ್ತಾರೆ..?