Phonepe-Paytmಗೆ ಮುಳುವಗಾಲಿದೆ ಜಿಯೋ ! UPI ಪೇಮೆಂಟ್ ಸೆಕ್ಟರ್ ಗೂ ಕಾಲಿಟ್ಟ ಮುಖೇಶ್ ಅಂಬಾನಿ

Jio UPI Payments:ಮುಖೇಶ್ ಅಂಬಾನಿ ಯುಪಿಐ ಮಾರುಕಟ್ಟೆಯನ್ನು ವಶಪಡಿಸಿಕೊಳ್ಳಲು ಗ್ರಾಹಕರಿಗೆ ಹಲವು ಆಕರ್ಷಕ ಕೊಡುಗೆಗಳನ್ನು ನೀಡಬಹುದು.ಜಿಯೋದ ಈ ಪ್ಲಾನ್‌ನಿಂದಾಗಿ ಇತರ ಕಂಪನಿಗಳ ಕಳವಳ ಹೆಚ್ಚುತ್ತಿದೆ.

Jio UPI Payments : ಟೆಲಿಕಾಂ ವಲಯದಲ್ಲಿ ಇತಿಹಾಸವನ್ನು ಸೃಷ್ಟಿಸಿದ ನಂತರ, ಮುಖೇಶ್ ಅಂಬಾನಿ ಈಗ UPI ವಲಯವನ್ನು ಪ್ರವೇಶಿಸುವ ಯೋಚನೆಯಲ್ಲಿದ್ದಾರೆ. ಈ ವಿಭಾಗಕ್ಕೆ ಜಿಯೋ ಪ್ರವೇಶದಿಂದಾಗಿ, PhonePe ಮತ್ತು Paytmಗೆ ಭಾರೀ ಟಕ್ಕರ್ ಸಿಗುವುದು ಗ್ಯಾರಂಟಿ. ಉಚಿತ ಡೇಟಾ ಮತ್ತು ಕರೆ ಸೌಲಭ್ಯಗಳನ್ನು ಒದಗಿಸುವ ಮೂಲಕ ಜಿಯೋ ಟೆಲಿಕಾಂ ವಲಯದಲ್ಲಿ ಗ್ರಾಹಕರನ್ನು ತನ್ನತ್ತ ಸೆಳೆಯುವಲ್ಲಿ ಯಶಸ್ವಿಯಾಗಿ ಈ  ಮಾರುಕಟ್ಟೆಯನ್ನು ತನ್ನ ವಶಕ್ಕೆ ತೆಗೆದುಕೊಂಡಿದೆ.  

ಸುದ್ದಿಯ ಪ್ರಕಾರ, Jio ಶೀಘ್ರದಲ್ಲೇ ಸೌಂಡ್‌ಬಾಕ್ಸ್ (Jio Soundbox) ಅನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವ ಸಿದ್ದತೆಯಲ್ಲಿದೆ. Jio ಚಿಲ್ಲರೆ ಮಳಿಗೆಗಳಲ್ಲಿ ಸೌಂಡ್‌ಬಾಕ್ಸ್ ಅನ್ನು  ಈಗಾಗಲೇ ಪ್ರಾರಂಭಿಸಿದೆ. ಇದು ನೇರವಾಗಿ Paytm ಸೌಂಡ್‌ಬಾಕ್ಸ್‌ನೊಂದಿಗೆ ಸ್ಪರ್ಧಿಸುತ್ತದೆ. 

ಇದನ್ನೂ ಓದಿ : ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಶೀಘ್ರದಲ್ಲೇ ಲಭ್ಯವಾಗಲಿದೆ ಈ ಸೌಲಭ್ಯ

Paytm ಬಿಕ್ಕಟ್ಟಿನ ಪ್ರಯೋಜನ ಪಡೆಯಲಿದೆಯೇ ಜಿಯೋ : 
ಮುಕೇಶ್ ಅಂಬಾನಿಯವರ ಜಿಯೋ ಪೇ ಅಪ್ಲಿಕೇಶನ್‌ಗೆ ಸೌಂಡ್‌ಬಾಕ್ಸ್ ಅನ್ನು ಶೀಘ್ರದಲ್ಲೇ ಸೇರಿಸಲಾಗುವುದು. ವರದಿಯ ಪ್ರಕಾರ, Jio ನಿಂದ ಸೌಂಡ್‌ಬಾಕ್ಸ್‌ನ ಪ್ರಯೋಗವೂ ಪ್ರಾರಂಭವಾಗಿದೆ.ಪ್ರಸ್ತುತ, ಈ ವಿಭಾಗದಲ್ಲಿ ಅನೇಕ ಅಪ್ಲಿಕೇಶನ್‌ಗಳು ಈಗಾಗಲೇ ಲಭ್ಯವಿದೆ. ಪ್ರಸ್ತುತ, ಪೇಟಿಎಂ ವಿರುದ್ಧ RBI ತೆಗೆದುಕೊಂಡ ದೊಡ್ಡ ಕ್ರಮದ ಲಾಭವನ್ನು ಮುಖೇಶ್ ಅಂಬಾನಿ ಪಡೆಯುವ ಸಾಧ್ಯತೆ ಇದೆ.  

ಗ್ರಾಹಕರಿಗೆ ಸಿಗಬಹುದು ಆಕರ್ಷಕ ರಿಯಾಯಿತಿ : 
ಮುಖೇಶ್ ಅಂಬಾನಿ ಯುಪಿಐ ಮಾರುಕಟ್ಟೆಯನ್ನು ವಶಪಡಿಸಿಕೊಳ್ಳಲು ಗ್ರಾಹಕರಿಗೆ ಹಲವು ಆಕರ್ಷಕ ಕೊಡುಗೆಗಳನ್ನು ನೀಡಬಹುದು.ಜಿಯೋದ ಈ ಪ್ಲಾನ್‌ನಿಂದಾಗಿ ಇತರ ಕಂಪನಿಗಳ ಕಳವಳ ಹೆಚ್ಚುತ್ತಿದೆ. Paytm ಮೇಲೆ ವಿಧಿಸಲಾದ ನಿಷೇಧದ ಲಾಭವನ್ನು Jio ಸುಲಭವಾಗಿ ಪಡೆಯಬಹುದು. 

ಇದನ್ನೂ ಓದಿ : Xstream Air Fiber ಹೊಸ ಯೋಜನೆಗಳನ್ನು ಬಿಡುಗಡೆ ಮಾಡಿದ Airtel

ಫ್ಲಿಪ್‌ಕಾರ್ಟ್ ಕೂಡ ಒದಗಿಸುತ್ತಿದೆ ಸೌಲಭ್ಯ :
ಪ್ರಸ್ತುತ ಫೋನ್ ಪೇ, ಗೂಗಲ್ ಪೇ, ಅಮೆಜಾನ್ ಪೇ ಮತ್ತು ಪೇಟಿಎಂ ಆಪ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇತ್ತೀಚೆಗೆ ಫ್ಲಿಪ್ಕಾರ್ಟ್ ಕೂಡಾ ಮಾರುಕಟ್ಟೆಯಲ್ಲಿ UPI ಸೇವೆಯ ಸೌಲಭ್ಯವನ್ನು ಪ್ರಾರಂಭಿಸಿದೆ. Flipkart Axis Bank ಸಹಯೋಗದೊಂದಿಗೆ UPI ಸೌಲಭ್ಯವನ್ನು ಪ್ರಾರಂಭಿಸಿದೆ.ಕಂಪನಿಯು UPI ಹ್ಯಾಂಡಲ್ (@fkaxis) ಅನ್ನು ಪ್ರಾರಂಭಿಸಿದೆ. ಪ್ರಸ್ತುತ ಇದು ಆಂಡ್ರಾಯ್ಡ್ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ.