ಈ ಸರ್ಕಾರಿ ಯೋಜನೆಯಲ್ಲಿ ಒಮ್ಮೆ ಹೂಡಿಕೆ ಮಾಡಿದರೆ ಪ್ರತಿ ತಿಂಗಳು ಸಿಗುತ್ತದೆ 5000 ರೂಪಾಯಿಗಳು

ಈ ಸರ್ಕಾರಿ ಯೋಜನೆಯಲ್ಲಿ, ಪತಿ ಮತ್ತು ಪತ್ನಿ ಜಂಟಿ ಖಾತೆಯನ್ನು ತೆರೆಯಬಹುದು. ಒಮ್ಮೆ ಈ ಯೋಜನೆಯಲ್ಲಿ ಹಣವನ್ನು ಠೇವಣಿ ಮಾಡಿದರೆ, ಪ್ರತಿ ತಿಂಗಳು ನಿಮ್ಮ ಖಾತೆಗೆ ನಿಗದಿತ ಮೊತ್ತ ಬರುತ್ತದೆ. 

Written by - Ranjitha R K | Last Updated : Mar 5, 2022, 01:02 PM IST
  • ಸರ್ಕಾರಿ ಯೋಜನೆಗಳಲ್ಲಿ ಹೂಡಿಕೆ ಮಾಡುವುದು ಯಾವಾಗಲೂ ಸುರಕ್ಷಿತ
  • ಪ್ರತಿ ತಿಂಗಳು ಕೈ ಸೇರುತ್ತದೆ ನಿಗದಿತ ಮೊತ್ತ
  • ಈ ಯೋಜನೆಯ ಮೆಚ್ಯುರಿಟಿ ಅವಧಿ 5 ವರ್ಷಗಳು
ಈ ಸರ್ಕಾರಿ ಯೋಜನೆಯಲ್ಲಿ ಒಮ್ಮೆ ಹೂಡಿಕೆ ಮಾಡಿದರೆ ಪ್ರತಿ ತಿಂಗಳು ಸಿಗುತ್ತದೆ 5000 ರೂಪಾಯಿಗಳು  title=
ಸರ್ಕಾರಿ ಯೋಜನೆಗಳಲ್ಲಿ ಹೂಡಿಕೆ ಮಾಡುವುದು ಯಾವಾಗಲೂ ಸುರಕ್ಷಿತ (file photo)

ನವದೆಹಲಿ : ಸರ್ಕಾರಿ ಯೋಜನೆಗಳಲ್ಲಿ ಹೂಡಿಕೆ ಮಾಡುವುದು ಯಾವಾಗಲೂ ಸುರಕ್ಷಿತವಾಗಿರುತ್ತದೆ. ಪೋಸ್ಟ್ ಆಫೀಸ್‌ನಲ್ಲಿ ಇಂತಹ ಹಲವು ಯೋಜನೆಗಳಿವೆ (Monthly saving scheme). ಇದರಲ್ಲಿ ಹೂಡಿಕೆ ಮಾಡುವುದರೊಂದಿಗೆ ಹೆಚ್ಚಿನ ಆದಾಯವನ್ನುಗಳಿಸುವುದು ಸಾಧ್ಯವಾಗುತ್ತದೆ. ಈ ಯೋಜನೆಯಲ್ಲಿ ಒಮ್ಮೆ ಹೂಡಿಕೆ ಮಾಡಿದ ನಂತರ ಪ್ರತಿ ತಿಂಗಳು ಉತ್ತಮ ಆದಾಯವನ್ನು ಪಡೆಯಬಹುದು

ಮೆಚುರಿಟಿ ಸಮಯ 5 ವರ್ಷಗಳು :
ಅಂಚೆ ಕಚೇರಿಯ ಈ ಯೋಜನೆಯಲ್ಲಿ, ಗಂಡ ಮತ್ತು ಹೆಂಡತಿ ಇಬ್ಬರೂ ಒಟ್ಟಿಗೆ ಖಾತೆಯನ್ನು ತೆರೆಯಬಹುದು (Post office saving scheme). ಮದುವೆಯಾಗಿಲ್ಲದಿದ್ದರೆ ಈ ಖಾತೆಯನ್ನು ಒಬ್ಬರ ಹೆಸರಿನಲ್ಲಿ ಮಾತ್ರ ಖಾತೆಯನ್ನು ತೆರೆಯಬಹುದು. ಈ ಪೋಸ್ಟ್ ಆಫೀಸ್ ಯೋಜನೆಯ ಹೆಸರು 'ಮಾಸಿಕ ಉಳಿತಾಯ ಯೋಜನೆ ' (Monthly Saving Scheme) . ಇದರಲ್ಲಿ, ಒಟ್ಟು ಮೊತ್ತದ ಹಣವನ್ನು ಠೇವಣಿ ಮಾಡಲು ಇರುವ ಮೆಚ್ಯೂರಿಟಿ ಸಮಯ 5 ವರ್ಷಗಳು.

ಇದನ್ನೂ ಓದಿ : Ration card : ಈಗ ಮನೆಯಲ್ಲಿ ಕುಳಿತು ಪಡಿತರ ಚೀಟಿ ಪಡೆಯಿರಿ! Online ಅರ್ಜಿ ಸಲ್ಲಿಸುವುದು ಹೇಗೆ? ಇಲ್ಲಿ ತಿಳಿಯಿರಿ

ನೀವು ಎಷ್ಟು ಹೂಡಿಕೆ ಮಾಡಬಹುದು ?
ಇಲ್ಲಿ ಹೂಡಿಕೆ ಮಾಡುವ ಮೂಲಕ ನಿಮ್ಮ ಹಣ ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ. ಈ ಯೋಜನೆಯಲ್ಲಿ, ಒಬ್ಬ ವ್ಯಕ್ತಿಯ ಹೆಸರಿನಲ್ಲಿ ಗರಿಷ್ಠ 4.5 ಲಕ್ಷ  ಹೂಡಿಕೆ ಮಾಡಬಹುದು. ಪತಿ-ಪತ್ನಿಯ ಜಂಟಿ ಖಾತೆ 9 ಲಕ್ಷ ರೂ.ವರೆಗೆ ಹೂಡಬಹುದು.

ಯಾವ ಆಧಾರದ ಮೇಲೆ ಪ್ರತಿ ತಿಂಗಳು ಹಣ ಸಿಗುತ್ತದೆ?
ಈ ಯೋಜನೆಯು ವಾರ್ಷಿಕ 6.6% ಬಡ್ಡಿದರವನ್ನು ನೀಡುತ್ತದೆ. ಅಂದರೆ,  9 ಲಕ್ಷ ರೂ. ಠೇವಣಿ ಇಟ್ಟರೆ, ಪ್ರತಿ ವರ್ಷ  59,400 ರೂ. ಬಡ್ಡಿ ಸಿಗುತ್ತದೆ (Interest rate on saving scheme). ಇದನ್ನು 12 ತಿಂಗಳಲ್ಲಿ ಭಾಗಿಸಿದರೆ ಪ್ರತಿ ತಿಂಗಳು 4950 ರೂ. ಸಿಕ್ಕಿದಂತಾಗುತ್ತದೆ. ಅದರಲ್ಲಿ ಮಾಡಿದ ಹೂಡಿಕೆಯು 5 ವರ್ಷಗಳಲ್ಲಿ ಮೆಚ್ಯೂರ್ ಆಗುತ್ತದೆ. 5 ವರ್ಷಗಳು ಪೂರ್ಣಗೊಂಡ ನಂತರ, ಅದನ್ನು ಮತ್ತೆ 5 ವರ್ಷಗಳವರೆಗೆ ಎರಡು ಬಾರಿ ವಿಸ್ತರಿಸಬಹುದು.

ಇದನ್ನೂ ಓದಿ: ಪೆಟ್ರೋಲ್ ಬೆಲೆ ಏರಿಕೆ ಬಗ್ಗೆ ಚಿಂತೆ ಪಡಬೇಕಿಲ್ಲ, 10 ದಿನಗಳಲ್ಲಿ ಮಾರುಕಟ್ಟೆಗೆ ಬರಲಿದೆ ಹೊಸ electric bike

ಪ್ರೀ-ಮೆಚ್ಯೂರ್ ಖಾತೆಯಲ್ಲಿ ಎಷ್ಟು ಹಣವನ್ನು ಸ್ವೀಕರಿಸಲಾಗುತ್ತದೆ?
ಈ ಖಾತೆಯ ಮುಕ್ತಾಯದ ಅವಧಿ 5 ವರ್ಷಗಳು. ಆದರೆ ಈ ಖಾತೆಯನ್ನು ಪ್ರೀ-ಮೆಚ್ಯೂರ್ ಮಾಡಿದರೆ, ಠೇವಣಿ ಮೊತ್ತದ 2 ಪ್ರತಿಶತವನ್ನು ಕಡಿತಗೊಳಿಸಿ ಅದನ್ನು 3 ವರ್ಷಗಳ ನಂತರ ಮರುಪಾವತಿ ಮಾಡಲಾಗುತ್ತದೆ. 3 ವರ್ಷಗಳ ನಂತರ, ಮೊತ್ತದಿಂದ 1% ಕಡಿತಗೊಳಿಸಿ ನೀಡಲಾಗುತ್ತದೆ. 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು TwitterFacebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.

 

Trending News