ಪಿಂಚಣಿದಾರರಿಗೆ ಸರ್ಕಾರದ ದೊಡ್ಡ ಗಿಫ್ಟ್ :ಇಂದಿನಿಂದ ಹೊಸ ಪಿಂಚಣಿ ವ್ಯವಸ್ಥೆ

ಇಪಿಎಫ್ ಚಂದಾದಾರರಿಗೆ ಒಳ್ಳೆಯ ಸುದ್ದಿ.ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ಜನವರಿ 1 ರಿಂದ ಪಿಂಚಣಿ ಪಡೆಯುವ ನಿಯಮಗಳಲ್ಲಿ ಪ್ರಮುಖ ಬದಲಾವಣೆ ಮಾಡಿದೆ. ಇನ್ನು ಮುಂದೆ, ಇಪಿಎಸ್ ಪಿಂಚಣಿದಾರರು ತಮ್ಮ ಪಿಂಚಣಿ ಮೊತ್ತವನ್ನು ದೇಶದ ಯಾವುದೇ ಬ್ಯಾಂಕ್‌ನಿಂದ ಹಿಂಪಡೆಯಬಹುದು. 

ಕೇಂದ್ರೀಕೃತ ಪಿಂಚಣಿ ಪಾವತಿ ವ್ಯವಸ್ಥೆ : 
EPFO ಕೇಂದ್ರೀಕೃತ ಪಿಂಚಣಿ ಪಾವತಿ ವ್ಯವಸ್ಥೆಯನ್ನು (CPPS) ಜಾರಿಗೆ ತಂದಿರುವುದರಿಂದ, ಈ ಹೊಸ ನಿಯಮದೊಂದಿಗೆ, ಪಿಂಚಣಿ ಹಿಂಪಡೆಯುವ ಪ್ರಕ್ರಿಯೆಯು ಸಂಪೂರ್ಣವಾಗಿ ಬದಲಾಗುತ್ತದೆ. ಇದು ಪಿಂಚಣಿ ಪಡೆಯುವ  ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ ಮತ್ತು ಹೆಚ್ಚು ಅನುಕೂಲಕರವಾಗಿರುತ್ತದೆ. 

ಇದನ್ನೂ ಓದಿ : ತೆರಿಗೆ ಪಾವತಿದಾರರಿಗೆ ಸಿಹಿ ಸುದ್ದಿ!ಆದಾಯ ತೆರಿಗೆ ಇಲಾಖೆಯಿಂದ ದೊಡ್ಡ ಮಟ್ಟದ ರಿಲೀಫ್

CPPS ಅನುಷ್ಠಾನದ ನಂತರ, ಪಿಂಚಣಿದಾರರು ಒಂದು ನಗರದಿಂದ ಮತ್ತೊಂದು ನಗರಕ್ಕೆ ಸ್ಥಳಾಂತರಗೊಂಡರೂ ಅಥವಾ ಬ್ಯಾಂಕ್ ಅಥವಾ ಶಾಖೆಯನ್ನು ಬದಲಾಯಿಸಿದರೂ ಪಿಂಚಣಿ ಪಾವತಿ ಆದೇಶವನ್ನು (PPO) ಬದಲಾಯಿಸುವ ಅಗತ್ಯವಿಲ್ಲ. ಪಿಂಚಣಿದಾರರು ತಮ್ಮ ಪಿಂಚಣಿಯನ್ನು ದೇಶದಾದ್ಯಂತ ಯಾವ ಬ್ಯಾಂಕ್ ಶಾಖೆಯಿಂದ ಬೇಕಾದರೂ ಪಡೆಯಬಹುದು.

ಇಪಿಎಫ್ ಪಿಂಚಣಿ: ಇಪಿಎಸ್ ಪಿಂಚಣಿ ಎಂದರೇನು?
EPFO ಅಡಿಯಲ್ಲಿ, ಖಾಸಗಿ ಉದ್ಯೋಗದಲ್ಲಿರುವ EPF ಸದಸ್ಯರಿಗೆ ನೌಕರರ ಪಿಂಚಣಿ ಯೋಜನೆಯಡಿಯಲ್ಲಿ ಪಿಂಚಣಿ ನೀಡಲಾಗುತ್ತದೆ. ನೌಕರನು ತನ್ನ ನಿವೃತ್ತಿಯ ನಂತರ ಈ ಪಿಂಚಣಿಯನ್ನು ಪಡೆಯುತ್ತಾನೆ. ನಿವೃತ್ತಿಯ ಮೊದಲು ಕೆಲವು ಸಂದರ್ಭಗಳಲ್ಲಿ ನೌಕರರಿಗೆ ಪಿಂಚಣಿ ನೀಡಲಾಗುತ್ತದೆ. ನೌಕರರ ಭವಿಷ್ಯವನ್ನು ಭದ್ರಪಡಿಸಲು ಸರ್ಕಾರದಿಂದ ಈ ಪಿಂಚಣಿ ನೀಡಲಾಗುತ್ತದೆ.

ಇಪಿಎಸ್ ಪಿಂಚಣಿಗೆ ಅರ್ಹತೆ :  
ಇಪಿಎಸ್‌ಒ ಪಡೆಯಲು, ಉದ್ಯೋಗಿಗಳು ಇಪಿಎಫ್‌ಒ ಅಡಿಯಲ್ಲಿ ನೋಂದಾಯಿಸಿಕೊಳ್ಳಬೇಕು ಮತ್ತು ಕನಿಷ್ಠ 10 ವರ್ಷಗಳವರೆಗೆ ಕೊಡುಗೆ ನೀಡಬೇಕು. ನಂತರ, ಉದ್ಯೋಗಿಗೆ 58 ವರ್ಷ ವಯಸ್ಸಾದಾಗ, ಪಿಂಚಣಿ ಪಡೆಯಲು ಪ್ರಾರಂಭಿಸುತ್ತಾನೆ. ಇದರ ಹೊರತಾಗಿ, ಯಾವುದೇ ಕಾರಣದಿಂದ ನೌಕರನು ಅಂಗವಿಕಲನಾಗಿದ್ದರೆ ಅಥವಾ ಅವನ ಕೆಲಸವನ್ನು ಕೊನೆಗೊಳಿಸಿದರೆ, ಷರತ್ತುಗಳ ಪ್ರಕಾರ ಪಿಂಚಣಿ ನೀಡಲಾಗುತ್ತದೆ.

ಇದನ್ನೂ ಓದಿ : Arecanut Price: ಹೊಸ ವರ್ಷದ ಮೊದಲ ದಿನವೇ ಅಡಿಕೆ ಧಾರಣೆ ಏರಿಕೆ! ಇಂದಿನ ದರದ ಹೇಗಿದೆ ನೋಡಿ

ಪಿಂಚಣಿದಾರರಿಗೆ ಬಿಗ್ ರಿಲೀಫ್:
ಈ ಹೊಸ ಬದಲಾವಣೆಯು ಪಿಂಚಣಿದಾರರಿಗೆ ಹೆಚ್ಚಿನ ಸಮಾಧಾನ ತಂದಿದೆ. ಇದರಿಂದ ಪಿಂಚಣಿದಾರರಿಗೆ ಇನ್ನು ಮುಂದೆ ಪಿಂಚಣಿ ಪಡೆಯಲು ಯಾವುದೇ ತೊಂದರೆಯಾಗುವುದಿಲ್ಲ.ಸರಕಾರದ ಈ ನಡೆ ಇಪಿಎಫ್ ಸದಸ್ಯರಿಗೆ ಹಲವು ಸೌಲಭ್ಯಗಳನ್ನು ಒದಗಿಸುತ್ತದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.