ರೈಲ್ವೆ ಹೊಸ ನಿಯಮ: ಈಗ ಆರ್‌ಎಸಿ ಟಿಕೆಟ್ ಹೊಂದಿರುವವರಿಗೂ ಸಿಗುತ್ತೆ ಈ ಸರ್ವಿಸ್

Railways New Rule: ಆರ್‌ಎಸಿ ಟಿಕೆಟ್ ಹೊಂದಿರುವವರಿಗೆ ಸಂಬಂಧಿಸಿದಂತೆ ರೈಲ್ವೆ ಮಂಡಳಿ ವಿಶೇಷ ಆದೇಶ ಹೊರಡಿಸಿದೆ. ಅಂತಹ ಟಿಕೆಟ್ ಹೊಂದಿರುವವರಿಗೆ ಬೆಡ್‌ರೋಲ್ ಕಿಟ್‌ಗಳನ್ನು ಒದಗಿಸುವಂತೆ ರೈಲ್ವೆ ಮಂಡಳಿಯು ಎಲ್ಲಾ ವಲಯಗಳಿಗೆ ಆದೇಶಗಳನ್ನು ನೀಡಿದೆ.

Railways New Rule: ನೀವು ರೈಲಿನಲ್ಲಿ ಕಾಯ್ದಿರಿಸುವ ಟಿಕೆಟ್ ಹೊಂದಿದ್ದರೆ ಮತ್ತು ಸೀಟುಗಳು ಭರ್ತಿಯಾಗಿದ್ದರೆ, ವೈಟಿಂಗ್ ಲಿಸ್ಟ್ ಪ್ರಾರಂಭವಾಗುವ ಮೊದಲು ಲಭ್ಯವಿರುವ ಟಿಕೆಟ್ ಆರ್‌ಎಸಿ (ರದ್ದತಿ ವಿರುದ್ಧ ಮೀಸಲಾತಿ) ವರ್ಗದಲ್ಲಿ ಬರುತ್ತದೆ. ಆರ್‌ಎಸಿ ಟಿಕೆಟ್‌ಗಳನ್ನು ಹೊಂದಿರುವ ಪ್ರಯಾಣಿಕರು ಇಬ್ಬರು ಪ್ರಯಾಣಿಕರ ನಡುವೆ ಕಾಯ್ದಿರಿಸಿದ ಕೋಚ್‌ನಲ್ಲಿ ಕೆಳಗಿನ ಸೀಟುಗಳನ್ನು ಹಂಚಿಕೊಳ್ಳಬೇಕಾದ ನಿಯಮ ಈವರೆಗೂ ಇತ್ತು. ಈ ನಿಯಮಗಳು ಸ್ಲೀಪರ್ ಕ್ಲಾಸ್ ಮತ್ತು ಏರ್ ಕಂಡೀಷನರ್ (ಎಸಿ) ಕ್ಲಾಸ್ ಎರಡಕ್ಕೂ ಅನ್ವಯಿಸುತ್ತವೆ. 

ಈಗ ಏರ್ ಕಂಡೀಷನರ್ ಕೋಚ್‌ಗಳಲ್ಲಿ ಪ್ರತಿ ಆಸನಕ್ಕೆ ಒಂದು ಬೆಡ್‌ರೋಲ್ ಸೌಲಭ್ಯ ಮಾತ್ರ ಲಭ್ಯವಿರುತ್ತದೆ. ಆದರೆ ಪ್ರಯಾಣಿಕರ ಶುಲ್ಕವು ಸಂಪೂರ್ಣ ಆಸನ ಮತ್ತು ಬೆಡ್‌ರೋಲ್ ಕಿಟ್ ಶುಲ್ಕವನ್ನು ಒಳಗೊಂಡಿರುತ್ತದೆ.

ಇದಲ್ಲದೇ ನೀವು ವೈಟಿಂಗ್ ಟಿಕೆಟ್ ತೆಗೆದುಕೊಂಡು ಕಾಯ್ದಿರಿಸಿದ ಟಿಕೆಟ್ ಅನ್ನು ರದ್ದುಗೊಳಿಸಿದರೆ ವೈಟಿಂಗ್ ಟಿಕೆಟ್ ಕೂಡ ಆರ್‌ಎಸಿ ಆಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಪ್ರಯಾಣಿಕರು ಕೆಲವೊಮ್ಮೆ ತಮ್ಮ ಸಂಪೂರ್ಣ ಪ್ರಯಾಣವನ್ನು ಅರ್ಧದಷ್ಟು ಆಸನಗಳಲ್ಲಿ ಪೂರ್ಣಗೊಳಿಸಬೇಕಾಗುತ್ತದೆ. ಇಂತಹ ಪರಿಸ್ಥಿತಿಗೆ ಸಂಬಂಧಿಸಿದಂತೆ ರೈಲ್ವೇ ಮಂಡಳಿ ಇದೀಗ ಆರ್‌ಎಸಿ ಸೀಟುಗಳಲ್ಲಿ ಪ್ರಯಾಣ ಮಾಡಬೇಕಾದ ಪ್ರಯಾಣಿಕರಿಬ್ಬರಿಗೂ ಪ್ರತ್ಯೇಕ ಬೆಡ್ ರೋಲ್‌ಗಳನ್ನು ನೀಡುವಂತೆ ಭಾರತೀಯ ರೈಲ್ವೆ ನಿರ್ದೇಶನ ನೀಡಿದೆ.

ಇದನ್ನೂ ಓದಿ- ಆಯುಷ್ಮಾನ್ ಭಾರತ್ ಕಾರ್ಡ್‌ಗಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಇಲ್ಲಿದೆ ಸುಲಭ ವಿಧಾನ

ಡಿಸೆಂಬರ್ 18 ರಂದು ರೈಲ್ವೆ ಮಂಡಳಿ ಹೊರಡಿಸಿರುವ ಸುತ್ತೋಲೆಯ ಪ್ರಕಾರ ಆರ್‌ಎಸಿ ಪ್ರಯಾಣಿಕರಿಗೆ ಬೆಡ್ ರೋಲ್ ನೀಡುವ ಕುರಿತಾದ ಆದೇಶವು ಎಲ್ಲಾ ವಲಯಗಳಿಗೂ ಅನ್ವಯಿಸುತ್ತದೆ.

ರೈಲ್ವೆ ಮಂಡಳಿಯ ಪ್ರಧಾನ ಕಾರ್ಯನಿರ್ವಾಹಕ ನಿರ್ದೇಶಕ ಶೈಲೇಂದ್ರ ಸಿಂಗ್ ಅವರು ಈ ಸೌಲಭ್ಯವನ್ನು ಪ್ರಾರಂಭಿಸುವಂತೆ ಸೂಚಿಸಿ ಡಿಸೆಂಬರ್ 18 ರಂದು ಎಲ್ಲಾ ವಲಯಗಳ ರೈಲ್ವೆ ಜನರಲ್ ಮ್ಯಾನೇಜರ್‌ಗಳಿಗೆ ಸುತ್ತೋಲೆ ಕಳುಹಿಸಿದ್ದಾರೆ. ಇದರಲ್ಲಿ ಏರ್ ಕಂಡಿಷನರ್ ಕ್ಲಾಸ್‌ನಲ್ಲಿರುವ ಆರ್‌ಎಸಿ ಪ್ರಯಾಣಿಕರಿಗೂ ಕಾಯ್ದಿರಿಸಿದ ಸೀಟ್ ಪ್ರಯಾಣಿಕರಂತೆ ಸಂಪೂರ್ಣ ಬೆಡ್‌ರೋಲ್ ಕಿಟ್ ನೀಡಬೇಕು ಎಂದು ಹೇಳಲಾಗಿದೆ. ಮಂಡಳಿಯು ಈ ಹಿಂದೆ ಹೊರಡಿಸಿದ್ದ ಆದೇಶವನ್ನೂ ಸುತ್ತೋಲೆಯಲ್ಲಿ ಉಲ್ಲೇಖಿಸಲಾಗಿದೆ.

ಆರ್‌ಎಸಿ ಟಿಕೆಟ್ ಹೊಂದಿರುವ ಯಾವುದೇ ಪ್ರಯಾಣಿಕರು ಬೆಡ್‌ರೋಲ್ ಪಡೆದಿಲ್ಲ ಎಂದು ದೂರು ನೀಡಿದರೆ, ಸಂಬಂಧಪಟ್ಟವರ ವಿರುದ್ಧವೂ ಕ್ರಮ ತೆಗೆದುಕೊಳ್ಳಲಾಗುವುದು. ಏರ್ ಕಂಡೀಷನರ್ ಕೋಚ್‌ಗಳಲ್ಲಿ ಆರ್‌ಎಸಿ ಟಿಕೆಟ್‌ನಲ್ಲಿ ಪ್ರಯಾಣಿಸುವ ಎಲ್ಲಾ ಪ್ರಯಾಣಿಕರಿಗೆ ಪ್ರತ್ಯೇಕ ಬೆಡ್‌ರೋಲ್‌ಗಳನ್ನು ಒದಗಿಸುವ ಆದೇಶವನ್ನು ಕಟ್ಟುನಿಟ್ಟಾಗಿ ಅನುಸರಿಸಲಾಗುತ್ತಿದೆ ಎಂದು ಸಿಪಿಆರ್‌ಒ ಹಿಮಾಂಶು ಶೇಖರ್ ಉಪಾಧ್ಯಾಯ ಹೇಳಿದ್ದಾರೆ.

ಇದನ್ನೂ ಓದಿ- ಆಕಸ್ಮಿಕವಾಗಿ ಬೇರೆಯವರ ಹಣ ನಿಮ್ಮ ಅಕೌಂಟ್'ಗೆ ಬಂದಿದ್ಯಾ? ಈ ವಿಷಯಗಳು ನಿಮಗೂ ತಿಳಿದಿರಲಿ

ಅರ್ಧ ಸೀಟಿಗೆ ಅರ್ಧ ದರ
ರೈಲಿನಲ್ಲಿ ಸೀಟುಗಳು ಖಾಲಿಯಾದ ತಕ್ಷಣ ಆರ್‌ಎಸಿ ಟಿಕೆಟ್ ಗಳನ್ನು ಟಿಕೆಟ್ ಹೊಂದಿರುವ ಪ್ರಯಾಣಿಕರಿಗೆ ವ್ಯವಸ್ಥಿತವಾಗಿ ನೀಡಲಾಗುತ್ತದೆ. ಹೆಚ್ಚಿನವರು ಅರ್ಧ ಸೀಟಿನಲ್ಲಿ ಸಂಪೂರ್ಣ ಪ್ರಯಾಣವನ್ನು ಪೂರ್ಣಗೊಳಿಸಬೇಕು. ಆಸನಗಳು ಅರ್ಧವಾಗಿದ್ದರೆ ಪ್ರಯಾಣ ದರವೂ ಅರ್ಧದಷ್ಟು ಪ್ರಯಾಣ ದರವನ್ನು ನೀಡಬೇಕು ಎಂದು ಪ್ರಯಾಣಿಕರು ಹಲವು ಬಾರಿ ಒತ್ತಾಯಿಸಿದ್ದಾರೆ.