ಡಿಎಲ್ , ಆರ್‌ಸಿಗೆ ಡಿಜಿಟಲ್ ಸ್ಪರ್ಶ ನೀಡಲು ಮುಂದಾದ ಸಾರಿಗೆ ಇಲಾಖೆ..!!

Digital DL, RC: ನಮ್ಮ ಮೆಟ್ರೋ ಬಳಿಕ ರಾಜ್ಯ ಸಾರಿಗೆ ಇಲಾಖೆ ಡಿಜಿಟಲ್‌ ಕ್ರಾಂತಿಗೆ ಮುಂದಾಗಿದೆ.  ಡಿಎಲ್ & ಆರ್‌ಸಿ ಕಾರ್ಡ್ ನಲ್ಲಿ ಕೊಂಚ ಬದಲಾವಣೆ ತರಲು ಆರ್‌ಟಿ‌ಓ ಪ್ಲ್ಯಾನ್ ಮಾಡಿಕೊಂಡಿದೆ. ಹಾಗಿದ್ದರೆ, ಏನಿದು ಸ್ಮಾರ್ಟ್ ಕಾರ್ಡ್ , ಇದರ ವಿಶೇಷತೆ ಎಂದು ಎಂದು ತಿಳಿಯೋಣ... 

ಡಿಜಿಟಲ್ ಕ್ರಾಂತಿಗೆ ಮುಂದಾಗಿರುವ ಸಾರಿಗೆ ಇಲಾಖೆ ಚಿಪ್‌ಗಳು ಮತ್ತು ಕ್ಯೂಆರ್ ಕೋಡ್‌ಗಳನ್ನು ಒಳಗೊಂಡ ಅತ್ಯಾಧುನಿಕ ಸೌಲಭ್ಯಗಳುಳ್ಳ ಡಿಎಲ್ ಮತ್ತು ಆರ್‌ಸಿ ಪರಿಚಯಿಸಲು ಯೋಚಿಸುತ್ತಿದೆ. ಈ ಮೊದಲಿದ್ದ ಡಿ‌ಎಲ್, ಆರ್‌ಸಿ  ಕಾರ್ಡುಗಳಿಗೆ ಹೋಲಿಸಿದರೆ, ಈ ಕಾರ್ಡುಗಳಲ್ಲಿ ಹೆಚ್ಚುವರಿ ಮಾಹಿತಿ ಇರಲಿದ್ದು, ಈ ಕಾರ್ಡ್ ಸಹಾಯದಿಂದ ಕಾರ್ಡ್ ದಾರರ ಮಾಹಿತಿ ಅಧಿಕಾರಿಗಳಿಗೆ, ಟ್ರಾಫಿಕ್ ಪೊಲೀಸರಿಗೆ ಕ್ಷಣಮಾತ್ರದಲ್ಲಿ ಲಭ್ಯವಾಗಲಿದೆ. ಇದರಿಂದ ಟ್ರಾಫಿಕ್ ಪೊಲೀಸರು ಮತ್ತು  ಅಧಿಕಾರಿಗಳಿಗೆ ವಾಹನ ಮಾಲೀಕನ ಹಾಗೂ ಆತನ ಡಿಎಲ್ ಬಗ್ಗೆ ಮಾಹಿತಿ ಬಹುಬೇಗನೆ ಸಿಗಲಿದೆ.

ಇದನ್ನೂ ಓದಿ- ಸರ್ಕಾರಿ ನೌಕರರಿಗೊಂದು ಗುಡ್ ನ್ಯೂಸ್, ಈ ಸಣ್ಣ ಬದಲಾವಣೆಯಿಂದ ಗ್ರೇಡ್ ವೇತನದಲ್ಲಿ ₹49,420 ಜಬರ್ದಸ್ತ್ ಹೆಚ್ಚಳ!

ಡಿಜಿಟಲ್ ಡಿ‌ಎಲ್, ಆರ್‌ಸಿ ವಿಶೇಷತೆಗಳು ಈ ಕೆಳಕಂದಂತಿವೆ:  
>> ಈ ಸ್ಮಾರ್ಟ್ ಕಾರ್ಡ್ ಗೆ ಚಿಪ್ ಕೂಡ ಅಳವಡಿಸಲಾಗಿರುತ್ತದೆ
>> ಡಿಎಲ್ ನ  ಮುಂಭಾಗದಲ್ಲಿ ಕಾರ್ಡುದಾರನ ಹೆಸರು, ವ್ಯಾಲಿಡಿಟಿ, ಜನ್ಮ ದಿನಾಂಕ, ರಕ್ತದ ಗುಂಪು, ವಿಳಾಸ, ಫೋಟೋ ಇತ್ಯಾದಿ ಮಾಹಿತಿಗಳನ್ನು ಒಳಗೊಂಡಿರುತ್ತದೆ. 
>> ಕಾರ್ಡಿನ ಹಿಂಭಾಗದಲ್ಲಿ ಕ್ಯೂಆರ್ ಕೋಡ್ ಜೊತೆಗೆ ವಾಹನದ ಮಾದರಿ, ತುರ್ತು ಸಂಪರ್ಕ ಸಂಖ್ಯೆಗಳನ್ನು ನಮೂದಿಸಲಾಗಿರುತ್ತದೆ. 
>> ಆರ್‌ಸಿಯ ಮುಂಭಾಗದಲ್ಲಿ ರಿಜಿಸ್ಟ್ರೇಷನ್ ನಂಬರ್ ರಿಜಿಸ್ಟ್ರೇಷನ್ ದಿನಾಂಕ
ವ್ಯಾಲಿಡಿಟಿ, ಇಂಜಿನ್ ನಂಬರ್ಗಳು, ಮಾಲೀಕನ ಮಾಹಿತಿ ಮತ್ತು ವಿಳಾಸ ಇರಲಿದೆ. 
>> ಆರ್‌ಸಿ ಕಾರ್ಡಿನ ಹಿಂಭಾಗದಲ್ಲಿ ವಾಹನ ತಯಾರಕರ ಹೆಸರು, ಮಾಡೆಲ್, ವಾಹನದ ಮಾದರಿ ಸೇರಿದಂತೆ ಇತ್ಯಾದಿ ಮಾಹಿತಿಗಳು ಲಭ್ಯವಿರಲಿದೆ. 

ಇದನ್ನೂ ಓದಿ- ಕೋಕಾ-ಕೋಲಾ ಇಂಡಿಯಾದಿಂದ ರೆಡಿ-ಟು ಡ್ರಿಂಕ್ ಟೀ ಪಾನೀಯಗಳ ಯೋಜನೆ!

ಹೊಸ ಡಿಜಿಟಲ್ ಸ್ಮಾರ್ಟ್ ಕಾರ್ಡ್  ಪೂರೈಕೆದಾರರನ್ನು ಆಯ್ಕೆ ಮಾಡಲು ಟೆಂಡರ್ ಪ್ರಕ್ರಿಯೆ ಆರಂಭಿಸುವಂತೆ ಸಾರಿಗೆ ಇಲಾಖೆಗೆ ರಾಜ್ಯ ಸರ್ಕಾರ ಸೂಚನೆ ನೀಡಿದೆ. ಇಲಾಖೆಯು ಐದು ವರ್ಷಗಳ ಗುತ್ತಿಗೆಯನ್ನು ಪರಿಗಣಿಸುತ್ತಿದ್ದು, ಅಂತಿಮ ನಿರ್ಧಾರವು ಸರ್ಕಾರದ್ದಾಗಿದೆ. ಎಲ್ಲವೂ ಅಂದುಕೊಂಡಂತೆ ಆದರೆ, ಹೊಸ ವರ್ಷದ ಆರಂಭದಲ್ಲಿ ಅಂದಾಜು 2024 ರ ಫೆಬ್ರವರಿ ನಂತರ ಹೊಸ ಡಿಎಲ್ ಕಾರ್ಡ್ ಲಭ್ಯವಾಗುವ ಸಾಧ್ಯತೆ ಇದೆ ಎಂದು ಸಾರಿಗೆ ಇಲಾಖೆ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.