ರಾಜ್ಯ ಆರೋಗ್ಯ ಇಲಾಖೆಯು ಶೀಘ್ರದಲ್ಲೇ 874 ವಿವಿಧ ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಬಿಡುಗಡೆ ಮಾಡಲಿದೆ. ಈಗಾಗಲೇ ಈ ಹುದ್ದೆಗಳಿಗೆ ಅಂತಿಮ ನೇಮಕ ನಿಯಮಗಳನ್ನು ಬಿಡುಗಡೆ ಮಾಡಿದೆ.
ಕರ್ನಾಟಕ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯು ಕಲ್ಯಾಣ ಕರ್ನಾಟಕ ಹಾಗೂ ಉಳಿದ ಮೂಲ ವೃಂದದ ಜೂನಿಯರ್ ಮೆಡಿಕಲ್ ಲ್ಯಾಬೋರೇಟರಿ ಟೆಕ್ನಾಲಜಿಸ್ಟ್‌, ಜೂನಿಯರ್ ಹೆಲ್ತ್‌ ಅಸಿಸ್ಟಂಟ್ ಹಾಗೂ ಫಾರ್ಮಸಿ ಆಫೀಸರ್ / ಫಾರ್ಮಸಿಸ್ಟ್‌ ಹುದ್ದೆಗಳು ಸೇರಿದಂತೆ ಒಟ್ಟು 854 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದೆ. ಇದಕ್ಕಾಗಿ ನೇರ ನೇಮಕಾತಿಯನ್ನು ನಡೆಸಲು ಮುಂದಾಗಿದೆ. ಒಟ್ಟು 854 ಸ್ಥಾನಗಳ ನೇಮಕಾತಿಗೆ ಸಂಬಂಧಿಸಿದಂತೆ ನಿಯಮಾವಳಿ ಅಂತಿಮಗೊಳಿಸಿದೆ.
ಇದನ್ನೂ ಓದಿ: Child Birth: 2 ಗಂಡು.. 2 ಹೆಣ್ಣು 4 ಮಕ್ಕಳಿಗೆ ಜನ್ಮ ಕೊಟ್ಟ ಮಹಾತಾಯಿ
ಹುದ್ದೆವಾರು ಶೈಕ್ಷಣಿಕ ಅರ್ಹತೆಗಳು ಇಂತಿದೆ:
ಜೂನಿಯರ್ ಮೆಡಿಕಲ್ ಲ್ಯಾಬೋರೇಟರಿ ಟೆಕ್ನಾಲಜಿಸ್ಟ್‌: ಕಲ್ಯಾಣ ಕರ್ನಾಟಕದ 54, ಉಳಿದ ಮೂಲ ವೃಂದ 150 ಹುದ್ದೆಗಳು ನೇಮಕ ಮಾಡಲಾಗುತ್ತಿದೆ. ಈ ಹುದ್ದೆಗಳಿಗೆ ಎಸ್‌ಎಸ್‌ಎಲ್‌ಸಿ ನಂತರ ಕರ್ನಾಟಕ ಔದ್ಯೋಗಿಕ ಶಿಕ್ಷಣ ಮಂಡಳಿಯಿಂದ ಎರಡು ವರ್ಷಗಳ ಡಿಪ್ಲೋಮಾ ಪೂರೈಸಿರಬೇಕು. ಇಲ್ಲವೇ ಪಿಯುಸಿ ವಿಜ್ಞಾನ ವಿಭಾಗದಲ್ಲಿ ಉತ್ತೀರ್ಣರಾಗಿ ಕರ್ನಾಟಕ ಅರೆ ವೈದ್ಯಕೀಯ ಮಂಡಳಿಯಿಂದ ಸಂಬಂಧಿಸಿದ ವಿಷಯದಲ್ಲಿ 2 ವರ್ಷ ಡಿಪ್ಲೋಮಾ ಮಾಡಿರಬೇಕು.
ಫಾರ್ಮಸಿಸ್ಟ್‌: ಉಳಿಕೆ ಮೂಲ ವೃಂದದ 400, ಹೈದೆರಾಬಾದ್ ಕರ್ನಾಟಕದ 93 ಹುದ್ದೆಗಳಿವೆ. ಈ ಹುದ್ದೆಗೆ ಅರ್ಜಿ ಹಾಕಲು 10 ನೇ ತರಗತಿ ನಂತರ ಫಾರ್ಮಸಿ ಡಿಪ್ಲೋಮಾ ಪಾಸ್ ಮಾಡಿರಬೇಕು. ಅಲ್ಲದೇ, ಕರ್ನಾಟಕ ಫಾರ್ಮಸಿ ಕೌನ್ಸಿಲ್‌ನಲ್ಲಿ ನೊಂದಾವಣೆ ಮಾಡಿರಬೇಕು.
ಮೇಲಿನ ಎರಡು ಹುದ್ದೆಗಳಿಗೆ ರೂ.27,650-52650 ವರೆಗೆ ವೇತನ ಶ್ರೇಣಿಯನ್ನು ಪಡೆಯಬಹುದಾಗಿದೆ.
ಇದನ್ನೂ ಓದಿ: ಎಸ್‌ಡಿಎಂ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ಡಾ.ಬಿ.ಯಶೋವರ್ಮಾ ನಿಧನ
ಜೂನಿಯರ್ ಹೆಲ್ತ್‌ ಅಸಿಸ್ಟಂಟ್: ಇದರಡಿ 111 ಕಲ್ಯಾಣ ಕರ್ನಾಟಕ ಹುದ್ದೆಗಳು ಮಹಿಳೆಯರಿಗೆ ಮೀಸಲಿವೆ. ಈ ಹುದ್ದೆಗೆ 10 ನೇತರಗತಿ ಪಾಸಾಗಿರಬೇಕು. ಬಳಿಕ ಎಎನ್‌ಎಂ ಕೋರ್ಸ್‌ ಮಾಡಿದ್ದು, ರಾಜ್ಯ ನರ್ಸಿಂಗ್ ಮಂಡಳಿಯಲ್ಲಿ ನೋಂದಾಯಿತರಾಗಿರಬೇಕು. ವೇತನ ಶ್ರೇಣಿ Rs.23,500-47,650 ವರೆಗೆ ಪಡೆಯಬಹುದು.
ಇತರೆ ಯಾವೆಲ್ಲ ಹುದ್ದೆಗಳು:
- ಸೈಕಾಲಜಿಸ್ಟ್‌
- ಸೈಕಿಯಾಟ್ರಿಕ್ ಸೋಷಿಯಲ್ ವರ್ಕರ್
- ಮೈಕ್ರೋಬಯಾಲಜಿಸ್ಟ್‌
- ಡಯಾಲಿಸಿಸ್ ಟೆಕ್ನಿಷಿಯನ್
- ಎಲೆಕ್ಟ್ರಿಷಿಯನ್
- ಇಸಿಜಿ ಟೆಕ್ನಿಷಿಯನ್
- ಅಸಿಸ್ಟಂಟ್ ಎಂಟಮಾಲಜಿಸ್ಟ್‌
- ಡೆಮಟಲ್ ಮೆಕ್ಯಾನಿಕ್
- ಆಫ್ತಾಲ್ಮಿಕ್ ಆಫೀಸರ್
- ಫಿಜಿಯೋಥೆರಫಿಸ್ಟ್‌
ಈ ಹುದ್ದೆಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಡಿಪ್ಲೋಮಾ/ಡಿಗ್ರಿ/ಇಂಜಿನಿಯರಿಂಗ್ ಪಾಸ್ ಮಾಡಿರಬೇಕು. ಈ ಹುದ್ದೆಗಳಿಗೆ ಶೀಘ್ರದಲ್ಲಿ ಅರ್ಜಿ ಆಹ್ವಾನಿಸಲಾಗುವುದು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
