ವರದಕ್ಷಿಣೆಯಾಗಿ ಫಾರ್ಚೂನರ್ ಕಾರು ಕೊಡದ ಪತ್ನಿ ಕೊಂದ ಪತಿ ಮತ್ತು ಅತ್ತೆ, ಮಾವ!

Woman Killed By Husband And In-Laws: ಕರಿಷ್ಮಾ ಕೊಲೆಯಾದ ದುರ್ದೈವಿ. ಕೊಲೆ ಆರೋಪಿಗಳಾದ ಪತಿ ವಿಕಾಸ್ ಭಟ್ ಅಲಿಯಾಸ್ ಬಿಟ್ಟು, ಈತನ ತಂದೆ ಸೊಂಪಲ್ ಭಟ್ಟಿ, ತಾಯಿ ಬಂತ ಆರೋಪಿಗಳಾಗಿದ್ದಾರೆ.

ಫಾರ್ಚೂನರ್‌ ಕಾರಿಗಾಗಿ ಕೊಲೆ!

ನವದೆಹಲಿ: ವರದಕ್ಷಿಣೆಯಾಗಿ ಫಾರ್ಚೂನರ್ ಕಾರು ಕೊಡಿಸದ ಪತ್ನಿಯನ್ನು ಪತಿ ಮತ್ತು ಅತ್ತೆ-ಮಾವ ಸೇರಿ ಕೊಲೆ ಮಾಡಿರುವ ಆಘಾತಕಾರಿ ಘಟನೆ ನಡೆದಿದೆ. ಹಣ ಮತ್ತು ಫಾರ್ಚೂನರ್‌ ಕಾರು ಕೊಡಿಸುವಂತೆ ಪೀಡಿಸಿ ಸೊಸೆಯ ಮೇಲೆ ಹಲ್ಲೆ ಮಾಡಿದ ಪ್ರಕರಣ ಸಂಬಂಧ ಅತ್ತೆ-ಮಾವ ಮತ್ತು ಗಂಡನನ್ನು ಪೊಲೀಸರು ಬಂಧಿಸಿದ್ದಾರೆ. 

ಕರಿಷ್ಮಾ ಕೊಲೆಯಾದ ದುರ್ದೈವಿ. ಕೊಲೆ ಆರೋಪಿಗಳಾದ ಪತಿ ವಿಕಾಸ್ ಭಟ್ ಅಲಿಯಾಸ್ ಬಿಟ್ಟು, ಈತನ ತಂದೆ ಸೊಂಪಲ್ ಭಟ್ಟಿ, ತಾಯಿ ಬಂತ ಆರೋಪಿಗಳಾಗಿದ್ದಾರೆ. ಕರಿಷ್ಮಾ 2022ರ ಡಿಸೆಂಬರ್‌ನಲ್ಲಿ ವಿಕಾಸ್ ಎಂಬಾತನನ್ನು ಮದುವೆಯಾಗಿ ಗ್ರೇಟರ್ ನೋಯ್ಡಾದ ಕೇದಾಚೌಗಂಪುರ್ ಗ್ರಾಮದಲ್ಲಿ ವಾಸವಾಗಿದ್ದರು.

ಇದನ್ನೂ ಓದಿ: ಕಾಂಗ್ರೆಸ್‌ಗೆ ತೆರಿಗೆ ಇಲಾಖೆಯ ಬಿಗ್‌ ರಿಲೀಫ್‌

ಕಳೆದ ಮಾ.29ರಂದು ಕರಿಷ್ಮಾಳ ಅತ್ತೆ-ಮಾವ ಇಬ್ಬರೂ ತವರಿನಿಂದ ವರದಕ್ಷಿಣೆಯಾಗಿ ಫಾರ್ಚೂನರ್ ಕಾರು ಹಾಗೂ ಹಣ ತರುವಂತೆ ಪೀಡಿಸಿದ್ದರಂತೆ. ಹೆಚ್ಚಿನ ವರದಕ್ಷಿಣೆ ಹಾಗೂ ಫಾರ್ಚೂನರ್‌ ಕಾರು ಕೊಡಿಸಿದ ಕರಿಷ್ಮಾಳಿಗೆ ಎಲ್ಲರೂ ಸೇರಿಕೊಂಡು ಕಿರಿಕುಳ ನೀಡದ್ದಾರೆ. ಆಕೆಗೆ ಮನಬಂದಂತೆ ಹಲ್ಲೆ ನಡೆಸಿದ್ದರಿಂದ ಸಾವನ್ನಪ್ಪಿದ್ದಾಳೆಂದು ಹಿರಿಯ ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ. 

ನಾವು ಅದ್ದೂರಿಯಾಗಿಯೇ ಮದುವೆ ಮಾಡಿದ್ದೇವು. ಆದರೆ ಗಂಡನ ಮನೆಯಲ್ಲಿ ವರದಕ್ಷಿಣೆ ನೀಡುವಂತೆ ಪೀಡಿಸುತ್ತಿದ್ದರು ಅಂತಾ ಕೊಲೆಯಾದ ಕರಿಷ್ಮಾಳ ಸಹೋದರ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ. ದೂರಿನ ಮೇರೆಗೆ ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್ 498A (ವಿವಾಹಿತ ಮಹಿಳೆ ಮೇಲೆ ಕ್ರೌರ್ಯ), 304B (ವರದಕ್ಷಿಣೆ ಸಾವು), 323 (ಸ್ವಯಂಪ್ರೇರಿತ ನೋವು ಉಂಟು ಮಾಡಿರುವುದು) ವರದಕ್ಷಿಣೆ ನಿಷೇಧ ಕಾಯಿದೆಯ ನಿಬಂಧನೆಗಳಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ಮೆದುಳಿನ ಶಸ್ತ್ರಚಿಕಿತ್ಸೆಯ ನಂತರ ಕೊಯಂಬತ್ತೂರಿನಲ್ಲಿ ಸದ್ಗುರುಗಳಿಗೆ ಅದ್ಧೂರಿ ಸ್ವಾಗತ

ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಇಕೋಟೆಕ್ ಠಾಣೆ ಪೊಲೀಸರು, ಮೃತ ಕರಿಷ್ಮಾರ ಪತಿ ಮತ್ತು ಆಕೆಯ ಅತ್ತೆ-ಮಾವನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಈ ಬಗ್ಗೆ ಹೆಚ್ಚಿನ ತನಿಖೆ ಕೈಗೊಂಡಿದ್ದಾರೆ.