ನವದೆಹಲಿ: ಶೂಟಿಂಗ್ ಮುಗಿಸಿ ಮನೆಗೆ ಮರಳುತ್ತಿದ್ದ ವೇಳೆ ಅಪಘಾತಕ್ಕೀಡಾಗಿ 29 ವರ್ಷದ ಯುವನಟಿ ಸುಚಂದ್ರ ದಾಸ್‌ಗುಪ್ತಾ ಸಾವನ್ನಪ್ಪಿದ್ದಾರೆ. ಈ ದುಃಖದ ಸುದ್ದಿ ಚಿತ್ರರಂಗವನ್ನು ಬೆಚ್ಚಿಬೀಳಿಸಿದೆ. ಸುಚಂದ್ರ ದಾಸ್‌ಗುಪ್ತಾ ಅವರು ಬಂಗಾಳದ ಪ್ರಸಿದ್ಧ ನಟಿ. ಬೈಕ್ ಅಪಘಾತದಲ್ಲಿ ನಟಿ ಸಾವನ್ನಪ್ಪಿದ್ದು, ಸದ್ಯ ಈ ಬಗ್ಗೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
ಶೂಟಿಂಗ್ ಮುಗಿಸಿ ಹಿಂತಿರುಗುತ್ತಿದ್ದ ವೇಳೆ ಅವಘಡ!
ವರದಿಗಳ ಪ್ರಕಾರ ಸುಚಂದ್ರ ದಾಸ್‌ಗುಪ್ತಾ ಶನಿವಾರ ರಾತ್ರಿ ಶೂಟಿಂಗ್ ಮುಗಿಸಿ ಮನೆಗೆ ಮರಳುತ್ತಿದ್ದರು. ಈ ವೇಳೆ ಬೈಕ್ನಲ್ಲಿ ತೆರಳುತ್ತಿದ್ದ ಅವರು ಅಪಘಾತಕ್ಕೆ ಬಲಿಯಾಗಿದ್ದಾರೆ. ಮನೆಗೆ ತೆರಳಲು ನಟಿ ಡ್ರೈವಿಂಗ್ ಆಪ್ ನಿಂದ ಬೈಕ್ ಬುಕ್ ಮಾಡಿದ್ದರು. ದಾರಿಯಲ್ಲಿ ಇದ್ದಕ್ಕಿದ್ದಂತೆ ಒಬ್ಬ ಸೈಕ್ಲಿಸ್ಟ್ ಅವರ ಬೈಕಿನ ಮುಂದೆ ಬಂದಿದ್ದ. ಈ ವೇಳೆ ಬ್ರೇಕ್ ಹಾಕಿದ್ದರಿಂದ ಬೈಕ್ ಜಿಗಿದು ಬೇರೆಡೆ ಬಿದ್ದಿದೆ. ಬಳಿಕ ಟ್ರಕ್ ನಟಿಗೆ ಡಿಕ್ಕಿ ಹೊಡೆದಿದ್ದು, ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
ಇದನ್ನೂ ಓದಿ: Optical Illusion: ತಲೆ ಇದ್ದವರಿಗೆ ಮಾತ್ರ ! ಈ ಚಿತ್ರದಲ್ಲಿ 102 ಸಂಖ್ಯೆ ಎಷ್ಟಿದೆ ಹೇಳಿ..?
ಟ್ರಕ್ ಚಾಲಕನ ಬಂಧನ!
ನಟಿ ಬೈಕ್ನಲ್ಲಿ ಕುಳಿತಿದ್ದಾಗ ಹೆಲ್ಮೆಟ್ ಹಾಕಿಕೊಂಡಿದ್ದರು. ಆದರೆ ಅವರು ಬೈಕ್ ಮೇಲಿಂದ ಬಿದ್ದಾಗ ಹೆಲ್ಮೆಟ್ ಕೂಡ ಬಿದ್ದಿದೆ. ಪರಿಣಾಮ ಟ್ರಕ್ ಡಿಕ್ಕಿ ಹೊಡೆದಿದ್ದರಿಂದ ಅವರು ಸಾವನ್ನಪ್ಪಿದ್ದಾರೆ. ಸದ್ಯ ಪೊಲೀಸರು ಟ್ರಕ್‌ನ ಚಾಲಕನನ್ನು ಬಂಧಿಸಿದ್ದಾರೆ.
ಅನೇಕ ಚಿತ್ರಗಳಲ್ಲಿ ನಟನೆ
ನಟಿ ಸುಚಂದ್ರ ದಾಸ್‌ಗುಪ್ತಾ ಅನೇಕ ಬಂಗಾಳಿ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಪೈಕಿ 'ಬಿಸ್ವರೂಪ್ ಬಂದೋಪಾಧ್ಯಾಯ' ಮತ್ತು ಮೋಹನ ಮೈತಿ ಅಭಿನಯದ 'ಗೌರಿ ಎಲೋ' ನಟಿಗೆ ಹೆಸರು ತಂದುಕೊಟ್ಟಿವೆ. ನಟಿ ಸಾವಿನ ಸುದ್ದಿಯಿಂದ ಸಿನಿಮಾ ಲೋಕದಲ್ಲಿ ನೀರವ ಮೌನ ಆವರಿಸಿದೆ. ನಟಿಯನ್ನು ನೆನೆದು ಸಾಮಾಜಿಕ ಜಾಲತಾಣಗಳಲ್ಲಿ ಶ್ರದ್ಧಾಂಜಲಿ ಸಲ್ಲಿಸುತ್ತಿದ್ದಾರೆ. ಇದೇ ರೀತಿ ಅನೇಕ ತಾರೆಯರು ರಸ್ತೆ ಅಪಘಾತಕ್ಕೆ ಬಲಿಯಾಗಿದ್ದಾರೆ.
ಇದನ್ನೂ ಓದಿ: BJP On Kejriwal: ಇತರರನ್ನು ಭ್ರಷ್ಟರು ಎಂದು ಕರೆಯುವ ಕೇಜ್ರಿವಾಲ್ ಅವರೇ ಇಂದು ತುಂಬಾ ದೊಡ್ಡ ಕರಪ್ಟ್ ಆಗಿದ್ದಾರೆ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಆಧ್ಯಾತ್ಮ, ಜೀವನಶೈಲಿ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://bit.ly/3LwfnhK ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
