ತೆರೆಗೆ ಬರಲು ಸಜ್ಜಾದ ಮತ್ತೊಂದು ವಿವಾದಾತ್ಮಕ ಸಿನಿಮಾ ʼಅಜ್ಮೀರ್‌ 92ʼ; ಕಥೆ ಏನು?

Ajmer 92 : ಸಾಕಷ್ಟು ವಿವಾದಗಳನ್ನು ಮೀರಿ ತೆರೆಕಂಡ ʼದಿ ಕೇರಳ ಸ್ಟೋರಿʼ ಸಿನಿಮಾ ನಂತರ ಮುಸ್ಲಿಂ ಸಮುದಾಯವನ್ನು ಕೆಟ್ಟದಾಗಿ ಬಿಂಬಿಸುವ ಮತ್ತೊಂದು ಬಾಲಿವುಡ್‌ ಚಿತ್ರ ತೆರೆಕಾಣಲು ಸಿದ್ಧವಾಗಿದೆ.

Bollywood : 30 ವರ್ಷಗಳ ಹಿಂದೆ ರಾಜಸ್ಥಾನದ ಅಜ್ಮೀರ್‌ನಲ್ಲಿ ನಡೆದಿದೆ ಎಂದು ಹೇಳಲಾದ ಘಟನೆಯೊಂದನ್ನು ಆಧರಿಸಿದ ಸಿನಿಮಾ ಅಜ್ಮೀರ್‌ 92. ಈ ಸಿನಿಮಾ ತೆರೆಗೆ ಬರಲು ರೆಡಿಯಾಗಿದೆ. ಆದರೆ ಈ ಸಿನಿಮಾ ಸಮಾಜದಲ್ಲಿ ಅಶಾಂತಿ ಸೃಷ್ಟಿಸುವ ಉದ್ದೇಶವನ್ನು ಹೊಂದಿದೆ ಎಂದು ಜಮೀಯತ್‌ ಉಲಮಾ ಈ ಹಿಂದ್‌ ಸಂಘಟನೆಯು ಆತಂಕ ವ್ಯಕ್ತಪಡಿಸಿದೆ. 

ಬಿಡುಗಡೆಗೂ ಮುನ್ನವೇ ಈ ಸಿನಿಮಾಗೆ ಸಾಕಷ್ಟು ವಿರೋಧಗಳು ವ್ಯಕ್ತವಾಗುತ್ತಿದ್ದು, ಈ ಸಿನಿಮಾವನ್ನು ನಿಷೇಧಿಸುವಂತೆ ಕೇಂದ್ರ ಸರ್ಕಾರಕ್ಕೆ ಮನವಿಯನ್ನು ಸಲ್ಲಿಸಲಾಗಿದೆ. ಜಮೀಯತ್‌ ಉಲಮಾ ಈ ಹಿಂದ್‌ ಸಂಘಟನೆಯು ಈ ಚಿತ್ರದ ಬಿಡುಗಡೆಯನ್ನು ತಡೆಯಬೇಕು ಎಂದು ಒತ್ತಾಯಿಸುತ್ತಿದೆ. 

Ajmer 92
‘अजमेर 92’ फ़िल्म के ज़रिए दरगाह गरीब नवाज़ का अपमान बर्दाश्त नहीं किया जाएगा - अल्हाज मुहम्मद सईद नूरी

मुंबई, 3 जून ‘अजमेर 92’ फ़िल्म के ज़रिए दरगाह गरीब नवाज़ के अपमान की साजिश के विरोध मे रज़ा एकेडमी की आपातकालीन बैठक आयोजित हुई। जिसमे रज़ा एकेडमी के संस्थापक और… pic.twitter.com/ilIwNA61rk

— Raza Academy (@razaacademyho) June 4, 2023

ಇದನ್ನೂ ಓದಿ-Actor Kishor : ಹಳಿ ತಪ್ಪಿರುವುದು ರೈಲು ಬೋಗಿಗಳಲ್ಲ, ನಮ್ಮ ಸರ್ಕಾರ

"ಅಪರಾಧಗಳ ಘಟನೆಗಳನ್ನು ಧರ್ಮದ ಜೊತೆ ಸೇರಿಸುವ ಬದಲು ಅಪರಾಧಗಳ ವಿರುದ್ಧ ಒಗ್ಗಟ್ಟಿನ ಕ್ರಮದ ಅಗತ್ಯವಿದೆ ಎಂದು ಸಂಘಟನೆಯ ಅಧ್ಯಕ್ಷ ಮಹಮೂದ್‌ ಮದನಿ ಹೇಳಿದ್ದಾರೆ. ಇಂತಹ ಸಿನಿಮಾಗಳು ಸಮಾಜದಲ್ಲಿ ಬಿರುಕು ಮೂಡಿಸುತ್ತವೆ. ಕೇಂದ್ರ ಸರ್ಕಾರವು ಈ ಚಿತ್ರವನ್ನು ನಿಷೇಧಿಸುವ ಮೂಲಕ ಕೋಮುಭಾವನೆಗಳನ್ನು ಕೆರಳಿಸುವ ಸಮಾಜವನ್ನು ವಿಭಜಿಸುವ ಪ್ರಯತ್ನವನ್ನು ವಿಫಲಗೊಳಿಸಬೇಕು" ಎಂದು ಮದನಿ ಮನವಿಮಾಡಿದ್ದಾರೆ. 

ಅಜ್ಮೀರ್‌ನಲ್ಲಿರುವ ಖ್ವಾಜಾ ಮುಈನುದ್ದೀನ್‌ ಷರೀಫ್‌ ಚಿಪ್ತಿ ದರ್ಗಾವು ದೇಶದ ಹಿಂದೂ-ಮುಸ್ಲಿಂ ಏಕತೆಗೆ ಸಾಕ್ಷಿಯಾಗಿದೆ. ಖ್ವಾಜಾ ಮುಈನುದ್ದೀನ್‌ ಷರೀಫ್‌ ಅವರು ಭಾರತ ದೇಶದಲ್ಲಿ ಶಾಂತಿ ಮತ್ತು ಸಾಮರಸ್ಯದ ದೇವದೂತ ಎಂದೆನಿಸಿಕೊಂಡಿದ್ದರು. ಎಂದು ಮದನಿ ಅವರು ಬಣ್ಣಿಸಿದ್ದಾರೆ. ಈ ಅಜ್ಮೀರ್‌ ಸಿನಿಮಾವನ್ನು ಪುಷ್ಪೇಂದ್ರ ನಿರ್ದೇಶಿಸಿದ್ದು, ಜರೀನಾ ವಹಾಬ್‌ ಸಯಾಜಿ ಶಿಂಧೆ, ಮನೋಜ್‌ ಜೋಶಿ ಹಾಗೂ ರಾಜೇಶ್‌ ಶರ್ಮಾ ನಟಿಸಿದ್ದಾರೆ.