"ರಾಮ ಲಕ್ಷ್ಮಣರು ಕಾಲ್ಪನಿಕ... ಆದರೆ ನಾನೂ ಹಿಂದೂ" - ಖ್ಯಾತ ಆಂಕರ್‌ ವಿವಾದಾತ್ಮಕ ಹೇಳಿಕೆ ವೈರಲ್‌!!

Sreemukhi statement about Rama Laxman: ಈ ರೀತಿ ಹೇಳಿಕೆ ಕೊಟ್ಟ ಬೆನ್ನಲ್ಲೇ ನಿರೂಪಕಿ ಶ್ರೀಮುಖಿ ಮೇಲೆ ಹಿಂದೂ ಸಮುದಾಯಗಳು ತಿರಗಿಬಿದ್ದಿವೆ. ಸೋಶಿಯಲ್ ಮೀಡಿಯಾ ಮೂಲಕವೇ ಜನರು ಶ್ರೀಮುಖಿಗೆ ಹಿಡಿಶಾಪ ಹಾಕಿದ್ದಾರೆ.

File Photo

anchor Sreemukhi controversy: ಜನವರಿ 6 ರಂದು ನಿಜಾಮಾಬಾದ್‌ನಲ್ಲಿ "ಸಂಕ್ರಾಂತಿಕಿ ವಸ್ತುನ್ನಂ" ಟ್ರೈಲರ್ ಬಿಡುಗಡೆ ಕಾರ್ಯಕ್ರಮ ನಡೆದಿದೆ. ಈ ಸಂದರ್ಭದಲ್ಲಿ ನಡೆದ ಘಟನೆಯೊಂದರ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದು, ನೆಟ್ಟಿಗರು ಹಿಗ್ಗಾಮುಗ್ಗ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: ಈ ದಿನದಿಂದ ಮಾಘ ಮಾಸ ಆರಂಭವಾಗಲಿದೆ; ಏನು ಮಾಡಬೇಕು ಮತ್ತು ಏನು ಮಾಡಬಾರದು ಎಂದು ತಿಳಿಯಿರಿ

ಅದ್ಧೂರಿಯಾಗಿ ನಡೆದ ಆ ಕಾರ್ಯಕ್ರಮದಲ್ಲಿ ಅನಿರೀಕ್ಷಿತ ಅನಾಹುತವೊಂದು ಎದುರಾಗಿದೆ. ಕಾರ್ಯಕ್ರಮವನ್ನು ನಡೆಸಿಕೊಟ್ಟ ಖ್ಯಾತ ಆ್ಯಂಕರ್ ಶ್ರೀಮುಖಿ, ಚಿತ್ರದ ನಿರ್ಮಾಪಕರಾದ ದಿಲ್ ರಾಜು ಮತ್ತು ಶಿರೀಶ್ ಅವರನ್ನು ಹೊಗಳುವ ಭರದಲ್ಲಿ, ಹಿಂದೂಗಳ ಭಾವನೆಗೆ ಧಕ್ಕೆಯನ್ನುಂಟು ಮಾಡಿದ್ದಾರೆ. "ರಾಮ ಲಕ್ಷ್ಮಣರು ಕಾಲ್ಪನಿಕ, ಆದರೆ ನಿಜ ಜೀವನದಲ್ಲಿ ಅವರಂತೆ ಬದುಕುತ್ತಿರುವ ದಿಲ್ ರಾಜು ಮತ್ತು ಶಿರೀಷ್" ಎಂದು ತಪ್ಪಾಗಿ ಹೇಳಿಕೆ ನೀಡಿದ್ದಾರೆ.

ಈ ರೀತಿ ಹೇಳಿಕೆ ಕೊಟ್ಟ ಬೆನ್ನಲ್ಲೇ ನಿರೂಪಕಿ ಶ್ರೀಮುಖಿ ಮೇಲೆ ಹಿಂದೂ ಸಮುದಾಯಗಳು ತಿರಗಿಬಿದ್ದಿವೆ. ಸೋಶಿಯಲ್ ಮೀಡಿಯಾ ಮೂಲಕವೇ ಜನರು ಶ್ರೀಮುಖಿಗೆ ಹಿಡಿಶಾಪ ಹಾಕಿದ್ದಾರೆ.

ರಾಮಲಕ್ಷ್ಮಣರನ್ನು ಕಾಲ್ಪನಿಕ ಎಂದು ಹೇಳಲು ನೀವು ಯಾರು? ನೀವು ಅದನ್ನು ಹೇಗೆ ಹೇಳುತ್ತೀರಿ? ಎಂದು ಆಕೆಗೆ ಪ್ರಶ್ನಿಸಿದ್ದಾರೆ. ಇನ್ನು ಈ ವಿಷಯ ಹೀಗೇ ಬಿಟ್ಟರೆ ಕಷ್ಟ ಎಂದು ಅರಿತ ಶ್ರೀಮುಖಿ ಇಂದು (ಜನವರಿ 8) ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಆಕಸ್ಮಿಕವಾಗಿ ಆದ ತಪ್ಪಿಗೆ ಕ್ಷಮೆ ಯಾಚಿಸುವ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದಾರೆ.

ಇದನ್ನೂ ಓದಿ: ಫೋನ್ ಪದೇ ಪದೇ ಬಿಸಿಯಾಗುತ್ತಾ? ನೀವು ಈ ತಪ್ಪುಗಳನ್ನು ಮಾಡುತ್ತಿದ್ದೀರಿ! ಗಮನಿಸಿ

“ಇತ್ತೀಚೆಗೆ ನಾನು ಆಯೋಜಿಸಿದ್ದ ಕಾರ್ಯಕ್ರಮವೊಂದರಲ್ಲಿ ರಾಮಲಕ್ಷ್ಮಣರನ್ನು ಕಾಲ್ಪನಿಕ ಎಂದು ತಪ್ಪಾಗಿ ಕರೆದಿದ್ದೆ. ನಾನು ಕೂಡ ಹಿಂದೂ ಮತ್ತು ರಾಮನನ್ನು ಆರಾಧಿಸುತ್ತೇನೆ. ನನ್ನ ಈ ತಪ್ಪಿನಿಂದ ಅನೇಕರ ಭಾವನೆಗಳಿಗೆ ಧಕ್ಕೆಯಾಗಿದೆ. ದಯವಿಟ್ಟು ನನ್ನನ್ನು ಕ್ಷಮಿಸಿ'' ಎಂದು ಕೈ ಮುಗಿದು ಬೇಡಿಕೊಂಡಿದ್ದಾರೆ. ಇನ್ನು ಕ್ಷಮೆ ಯಾಚಿಸಿದ ಶ್ರೀಮುಖಿಗೆ ಕ್ಷಮೆ ಸಿಗುತ್ತಾ ಎಂಬುದನ್ನು ಕಾದು ನೋಡಬೇಕಿದೆ.