Kalki 2898 AD : ಕಲ್ಕಿಯಲ್ಲಿ ಭಾರತದ ಭವಿಷ್ಯ ಕಾಣಿಸಲಿದೆ.. ಶೀಘ್ರದಲ್ಲೇ ಟ್ರೈಲರ್ ರಿಲೀಸ್!

Kalki 2898 AD : ವೈಜಯಂತಿ ಮೂವೀಸ್ ನಿರ್ಮಾಣದ ವೈಜ್ಞಾನಿಕ ಕಾಲ್ಪನಿಕ ಚಿತ್ರ 'ಕಲ್ಕಿ 2898 AD'. ಈ ಸಿನಿಮಾವನ್ನು ನಾಗ್ ಅಶ್ವಿನ್ ನಿರ್ದೇಶಿಸುತ್ತಿದ್ದು, ಪ್ರಭಾಸ್ ನಾಯಕನಾಗಿ ನಟಿಸಿದ್ದಾರೆ.

Kalki 2898 AD : ಬಾಹುಬಲಿ ಸಿನಿಮಾದ ಮೂಲಕ ಪ್ಯಾನ್ ಇಂಡಿಯಾ ಇಮೇಜ್ ಗಿಟ್ಟಿಸಿಕೊಂಡ ನಟ ಪ್ರಭಾಸ್. ಆ ನಂತರ ಒಂದಷ್ಟು ಫ್ಲಾಪ್ ಗಳಿಂದ ಡಾರ್ಲಿಂಗ್ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಇದೀಗ ಸಲಾರ್ ಚಿತ್ರದ ಮೂಲಕ ಸೂಪರ್ ಹಿಟ್ ಕಮ್‌ ಬ್ಯಾಕ್‌ ನೀಡಿದರು. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ತಮ್ಮ ಕ್ರೇಜ್ ಅನ್ನು ಮತ್ತಷ್ಟು ಹೆಚ್ಚಿಸಿದರು. ಸಲಾರ್ ಚಿತ್ರದ ಬ್ಲಾಕ್ ಬಸ್ಟರ್ ಯಶಸ್ಸಿನ ಬಳಿಕ ಇದೀಗ ಎಲ್ಲರ ಕಣ್ಣು ‘ಕಲ್ಕಿ’ ಮೇಲೆ ನೆಟ್ಟಿದೆ. 

ಕಲ್ಕಿ 2898 AD ಪ್ರಭಾಸ್ ಅಭಿಮಾನಿಗಳ ಬಹು ನಿರೀಕ್ಷಿತ ಚಿತ್ರವಾಗಿದೆ. ಈ ಚಿತ್ರವನ್ನು ವೈಜಯಂತಿ ಮೂವೀಸ್ ನಿರ್ಮಿಸಿದ್ದು, ನಾಗ್ ಅಶ್ವಿನ್ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ಕಮಲ್ ಹಾಸನ್ ಖಳನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ದೀಪಿಕಾ ಪಡುಕೋಣೆ ಮತ್ತು ದಿಶಾ ಪಟಾನಿ ನಾಯಕಿಯರಾಗಿ ನಟಿಸುತ್ತಿದ್ದಾರೆ. 

ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ನಿರ್ಮಾಪಕರು ಈ ಚಿತ್ರವನ್ನು ಹಿಂದೂ ಪುರಾಣದ ಕಥೆಯೊಂದಿಗೆ ವೈಜ್ಞಾನಿಕ ಥ್ರಿಲ್ಲರ್ ಆಗಿ ನಿರ್ಮಿಸುತ್ತಿದ್ದಾರೆ ಎಂದು ಹೇಳಲಾಗಿದೆ. 

ಇದನ್ನೂ ಓದಿ : "ರಶ್ಮಿಕಾ ವಿಜಯ್ ಮದುವೆ ಆಗ್ತಾರೆ, ಆದರೆ ಬಳಿಕ ಇಬ್ಬರೂ ದೂರವಾಗ್ತಾರೆ" : ಜ್ಯೋತಿಷಿ ವೇಣು ಸ್ವಾಮಿ ಭವಿಷ್ಯ

ಇತ್ತೀಚೆಗೆ ಐಐಟಿ ಬಾಂಬೆಯಲ್ಲಿ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ ನಿರ್ದೇಶಕ ನಾಗ್ ಅಶ್ವಿನ್ ಭಾಗವಹಿಸಿದ್ದರು. ಈ ವೇಳೆ ಚಿತ್ರದ ಹಲವು ಕುತೂಹಲಕಾರಿ ವಿಷಯಗಳನ್ನು ನಿರ್ದೇಶಕರು ಹಂಚಿಕೊಂಡಿದ್ದಾರೆ. ಕಲ್ಕಿಗಾಗಿ ಹೊಸ ಲೋಕವನ್ನೇ ಕಟ್ಟಿದ್ದೇವೆ. ಭಾರತದ ಭವಿಷ್ಯದ ನಗರಗಳು ಹೇಗಿರುತ್ತೆ ಎಂಬುದನ್ನು ಈ ಸಿನಿಮಾದಲ್ಲಿ ನೋಡಬಹುದು. ಪ್ರಭಾಸ್, ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ ಅವರ ಅಭಿಮಾನಿಗಳು ಮತ್ತು ಸಿನಿ ಪ್ರಿಯರು ‘ಕಲ್ಕಿ’ಯನ್ನು ತುಂಬಾ ಎಂಜಾಯ್ ಮಾಡುತ್ತಾರೆ ಎಂದು ನಿರ್ದೇಶಕ ನಾಗ್ ಅಶ್ವಿನ್ ಹೇಳಿದ್ದಾರೆ.

ಕೆಲವು ಟೈಮ್ ಟ್ರಾವೆಲ್ ಸಿನಿಮಾಗಳು ಬಂದಿವೆ. ಆದರೆ ಕಲ್ಕಿ ತುಂಬಾ ವಿಭಿನ್ನವಾದ ಚಿತ್ರ. ಒಂದು ವಿಶಿಷ್ಟ ಜಗತ್ತಿನಲ್ಲಿ ನಡೆಯುವ ಕಥೆ. ಹಾಲಿವುಡ್ ಫ್ಯೂಚರಿಸ್ಟಿಕ್ ಚಲನಚಿತ್ರಗಳಲ್ಲಿ ಭವಿಷ್ಯದಲ್ಲಿ ನಗರಗಳು ಹೇಗೆ ಇರುತ್ತವೆ ಎಂಬುದನ್ನು ನಾವು ನೋಡಿದ್ದೇವೆ. ಭಾರತದ ಭವಿಷ್ಯದ ನಗರಗಳು ಹೇಗಿರುತ್ತವೆ ಎಂಬುದನ್ನು ಈ ಸಿನಿಮಾದಲ್ಲಿ ಪ್ರೇಕ್ಷಕರು ನೋಡಲಿದ್ದಾರೆ. ಈ ಚಿತ್ರದಲ್ಲಿ ಬಳಸಲಾದ ತಂತ್ರಜ್ಞಾನ, ಶಸ್ತ್ರಾಸ್ತ್ರಗಳು, ಟ್ರೋಪ್‌ಗಳು ಮತ್ತು ವೇಷಭೂಷಣಗಳು ಭಾರತೀಯ ಮೂಲಕ್ಕೆ ಸಂಬಂಧಿಸಿವೆ ಮತ್ತು ಭವಿಷ್ಯದಲ್ಲಿ ಅದು ಹೇಗೆ ಬದಲಾಗಬಹುದು ಎಂಬುದನ್ನು ವಿಶೇಷ ಗಮನದಲ್ಲಿಟ್ಟು ವಿನ್ಯಾಸಗೊಳಿಸಲಾಗಿದೆ. ಇವೆಲ್ಲವೂ ತೆರೆ ಮೇಲೆ ಅದ್ಭುತವಾಗಿ ಕಾಣಿಸುತ್ತವೆ ಎಂಬ ನಂಬಿಕೆ ಇದೆ ಎಂದು ನಿರ್ದೇಶಕ ನಾಗ್ ಅಶ್ವಿನ್ ಹೇಳಿದ್ದಾರೆ.

ಕಲ್ಕಿ ರಿಲೀಸ್ ಡೇಟ್ ಸದ್ಯದಲ್ಲೇ ಅನೌನ್ಸ್ ಆಗಲಿದ್ದು, 93 ದಿನಗಳ ನಂತರ ಕಲ್ಕಿ ಟ್ರೈಲರ್ ರಿಲೀಸ್ ಆಗಬಹುದು. ಈ ಚಿತ್ರದ ಟ್ರೇಲರ್ ಬರಲು ಇನ್ನೂ ಮೂರು ತಿಂಗಳು ಬೇಕು ಎಂದು ನಾಗ್ ಅಶ್ವಿನ್ ಹೇಳಿದರು.

ಇದನ್ನೂ ಓದಿ : ತಮಿಳು ಖ್ಯಾತ ನಟ ದಳಪತಿ ವಿಜಯ್‌ ಮೇಲೆ ಜಪ್ಪಲಿ ಎಸೆತ..! ವಿಡಿಯೋ ವೈರಲ್‌