ತೂಫಾನ್‌ ಬಳಿಕ ಈಗ ಸುಲ್ತಾನ್‌ ಹವಾ.. ಬಿಡುಗಡೆಯಾದ ಒಂದೇ ಗಂಟೆಯಲ್ಲಿ ದಾಖಲೆ!!

KGF Chapter 2: ಕೆಜಿಎಫ್-2 ಚಿತ್ರದ ರಿಲೀಸ್​ಗೆ ಒಂದು ದಿನ ಮುನ್ನ ಮತ್ತೊಂದು ಹಾಡು ರಿಲೀಸ್‌ ಆಗಿದೆ. ವಿಶೇಷ ಎಂದರೆ ರಿಲೀಸ್‌ ಬಳಿಕ ಈ ಹಾಡು ಕೂಡ ಸಖತ್‌ ಹವಾ ಕ್ರಿಯೇಟ್‌ ಮಾಡಿದೆ.

ಕೆಜಿಎಫ್​ ಚಾಪ್ಟರ್​ 2

ವರ್ಷಾನುಗಟ್ಟಲೇ ಕಾದು ಕುಳಿತಿದ್ದ ಅಭಿಮಾನಿಗಳಿಗೆ ನಾಳೆ ಹಬ್ಬದ ಖುಷಿ. ಏಕೆಂದರೆ ನಾಳೆ ಬೆಳಗಾದರೆ ಸಾಕು ಕೆಜಿಎಫ್-2 ಚಿತ್ರ ಬಿಡುಗಡೆಯಾಗಲಿದೆ. ಟ್ರೈಲರ್‌, ಟೀಸರ್, ಹಾಡುಗಳು ಮತ್ತು ಪ್ರೀ–ರಿಲೀಸ್ ಟಿಕೆಟ್ ಬುಕ್ಕಿಂಗ್​ ಮುಲಕವೂ ಹಲವು ದಾಖಲೆಗಳನ್ನು ಬರೆದಿತ್ತು ಈ ಸಿನಿಮಾ. ಇದೀಗ ಚಿತ್ರದ ರಿಲೀಸ್​ಗೆ ಒಂದು ದಿನ ಮುನ್ನ ಮತ್ತೊಂದು ಹಾಡು ರಿಲೀಸ್‌ ಆಗಿದೆ. ವಿಶೇಷ ಎಂದರೆ ರಿಲೀಸ್‌ ಬಳಿಕ ಈ ಹಾಡು ಕೂಡ ಸಖತ್‌ ಹವಾ ಕ್ರಿಯೇಟ್‌ ಮಾಡಿದೆ. 

ಇದನ್ನೂ ಓದಿ: ಸೌತ್‌ ಇಂಡಿಯಾದಲ್ಲಿ ಹಿಂದಿ ಚಿತ್ರಗಳ ಹವಾ ಕಡಿಮೆಯಾಗಲು ಇದೇ ಮುಖ್ಯ ಕಾರಣ ಎಂದ ನಟ ಯಶ್‌!

ಇತ್ತೀಚೆಗಷ್ಟೇ ತೂಫಾನ್, ಗಗನೀ ಹಾಡು ಹಾಗೂ ಟ್ರೈಲರ್​ ಬಿಡುಗಡೆಯಾಗಿ ಧೂಳೆಬ್ಬಿಸಿವೆ. ಇದೀಗ ಸಿನಿಮಾದ ಮೂರನೇ ಹಾಡು ರಿಲೀಸ್​ ಆಗಿದ್ದು, ಸುಲ್ತಾನ್‌ ಲಿರಿಕಲ್ ಹಾಡಿಗೆ ಫ್ಯಾನ್ಸ್‌ ಫುಲ್‌ ಫಿದಾ ಆಗಿದ್ದಾರೆ. ರವಿ ಬಸ್ರೂರು ಸಂಗೀತ ನಿರ್ದೇಶನ ಮಾಡಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಹಾಡುಗಳಂತೆ ಇದು ಸಹ ಧೂಳೆಬ್ಬಿಸಿದೆ.

1.5Million+ views for #Sulthana lyrical video from #KGFChapter2 across all languages 🔥

▶️ https://t.co/z2KrSk2Khx#KGF2 @Thenameisyash @prashanth_neel @VKiragandur @hombalefilms @TandonRaveena @SrinidhiShetty7 @RaviBasrur pic.twitter.com/n4y2dIt2Q7

— Lahari Music (@LahariMusic) April 13, 2022

ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್​ ಚಾಪ್ಟರ್​ 2ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಯಶ್ ಅವರ ಆ್ಯಕ್ಷನ್ ನೋಡೋಕೆ ಅಭಿಮಾನಿಗಳು ತುದಿಗಾಲಿನಲ್ಲಿ ನಿಂತಿದ್ದಾರೆ. ಹೀಗಿರುವಾಗ ಇಂದು ಬಿಡುಗಡೆಯಾದ ಸುಲ್ತಾನ್‌ ಹಾಡು ಚಿತ್ರದ ಮೇಲಿನ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ. ಸುಲ್ತಾನ್‌ ಲಿರಿಕಲ್ ವಿಡಿಯೋ ರಿಲೀಸ್‌ ಆಗಿ 2 ಗಂಟೆಗಳಲ್ಲಿ ಎಲ್ಲಾ ಭಾಷೆಗಳಲ್ಲಿ ಸೇರಿ ಒಟ್ಟು  1.5 ಮಿಲಿಯನ್‌ಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ. 

ಚಿತ್ರದಲ್ಲಿ ಯಶ್ ಪಾತ್ರದ ಬಗ್ಗೆ ತಿಳಿಸುವ ಸುಲ್ತಾನ್ ಹಾಡು ಸದ್ಯ ಟ್ರೆಂಡ್‌ನಲ್ಲಿದೆ. ಈ ಹಾಡಿನ ರಿಲೀಸ್ ಬಗ್ಗೆ ನಿರ್ದೇಶಕ ಪ್ರಶಾಂತ್ ನೀಲ್, ಚಿತ್ರತಂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಇಂದು ಹಾಡು ರಿಲೀಸ್‌ ಆಗಿದ್ದು, ಮತ್ತೊಮ್ಮೆ ಯುಟೂಬ್‌ನಲ್ಲಿ ಹವಾ ಎಬ್ಬಿಸಿದೆ.