ಲಿಯೋ vs ಜೈಲರ್..! ಬಾಕ್ಸಾಫೀಸ್ ಸೆಣಸಾಟದಲ್ಲಿ ಗೆದ್ದೋರು ಯಾರು..?

Leo vs Jailer: 700 ಕೋಟಿ ಕಲೆಕ್ಷನ್ ಮಾಡಿ ಗೆದ್ದು ಬೀಗಿದ ಜೈಲರ್‌ ಚಿತ್ರವನ್ನು ವಿಜಯ್‌ ಅಭಿನಯದ ಲಿಯೋ ಸಿನಿಮಾ ಹಿಂದಿಕ್ಕಲಿದೆ ಎನ್ನುವ ಚರ್ಚೆಗಳು ಬಾಕ್ಸಾಫೀಸ್‌ನಲ್ಲಿ ಭರ್ಜರಿಯಾಗಿವೆ. ಹಾಗಾದರೆ ಜೈಲರ್ ವಿರುದ್ಧ ಲಿಯೋ ಪಂದ್ಯವನ್ನು ಯಾರು ಗೆದ್ದಿದ್ದಾರೆಂದು ನೋಡೋಣ...

Rajani vs Vijay: ಇತ್ತೀಚೆಗಷ್ಟೇ ಲೋಕೇಶ್ ಕನಕರಾಜ್ ನಿರ್ದೇಶನದಡಿಯಲ್ಲಿ ಮೂಡಿಬಂದ ವಿಜಯ್ ಅಭಿನಯದ ಲಿಯೋ ಸಿನಿಮಾ ತೆರೆಕಂಡಿತ್ತು. ಭಾರೀ ನಿರೀಕ್ಷೆಗಳ ನಡುವೆ ಬಿಡುಗಡೆಯಾದ ಚಿತ್ರವು ವಿಜಯ್ ಅಭಿಮಾನಿಗಳನ್ನು ತೃಪ್ತಿಪಡಿಸಿದ್ದರೂ ಸಹ ಪ್ರೇಕ್ಷಕರಿಂದ ಮಿಶ್ರ ವಿಮರ್ಶೆಗಳನ್ನು ಪಡೆಯುತ್ತಿದೆ. ಅದಕ್ಕೆ ಬಹುಮುಖ್ಯ ಕಾರಣ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಇರುವ ನಿರೀಕ್ಷೆ.

ಲಿಯೋ ಭರ್ಜರಿ ಸಿನಿಮಾ ಆಗಿದ್ದರೂ ಅಭಿಮಾನಿಗಳ ನಿರೀಕ್ಷೆಗೆ ತಕ್ಕಂತೆ ಇಲ್ಲ ಎನ್ನುವುದು ಸಾಮಾನ್ಯ ಟೀಕೆ. ಇದಲ್ಲದೇ ಲಿಯೋನ ಕಲೆಕ್ಷನ್‌ಗಳತ್ತ ಅಭಿಮಾನಿಗಳು ವಿಶೇಷ ಗಮನ ಹರಿಸುತ್ತಿದ್ದಾರೆ. ಅದಕ್ಕೆ ಪ್ರಮುಖ ಕಾರಣ ವಿಜಯ್ ಅಭಿಮಾನಿಗಳು ಮತ್ತು ರಜನಿ ಅಭಿಮಾನಿಗಳ ನಡುವಿನ ಘರ್ಷಣೆ. 

ಇದನ್ನೂ ಓದಿ-ಗರಡಿಗೆ ದರ್ಶನ್‌ ಸಾಥ್..‌ ಟ್ರೇಲರ್ ಬಿಡುಗಡೆ ಮಾಡಲಿರುವ ಚಾಲೆಂಜಿಂಗ್ ಸ್ಟಾರ್

ಹೌದು ಇತ್ತೀಚೆಗೆ ವಿಜಯ್ ಮತ್ತು ರಜನಿ ಅಭಿಮಾನಿಗಳ ನಡುವೆ ತೀವ್ರ ಘರ್ಷಣೆ ನಡೆದಿದೆ. ರಜನಿಕಾಂತ್ ಅಭಿನಯದ ಜೈಲರ್ ಚಿತ್ರ ಕಳೆದ ಆಗಸ್ಟ್ ನಲ್ಲಿ ಬಿಡುಗಡೆಯಾಗಿ, ಅಭಿಮಾನಿಗಳ ನಿರೀಕ್ಷೆಯನ್ನು ಈಡೇರಿಸುವ ಮೂಲಕ ಭರ್ಜರಿ ಯಶಸ್ಸು ಕಂಡಿತ್ತು. ಸುಮಾರು 700 ಕೋಟಿ ಕಲೆಕ್ಷನ್ ಮಾಡಿದ ಈ ಚಿತ್ರ ರಜನಿ ಮತ್ತು ನೆಲ್ಸನ್ ಗೆ ಕ್ವಾಲಿಟಿ ಕಾಂಪ್ಯಾಕ್ ನೀಡಿತ್ತು.

ಇದನ್ನೂ ಓದಿ-Aishwarya Sarja Engagement: ಸರ್ಜಾ ಪುತ್ರಿಯ ಅದ್ಧೂರಿ ನಿಶ್ಚಿತಾರ್ಥ..! ವಿಡಿಯೋ ವೈರಲ್‌   

ಇದಾದ ನಂತರ ರಜನಿಯ ಜೈಲರ್ ಕಲೆಕ್ಷನ್ ಮುಂದೆ ವಿಜಯ್ ಅಭಿನಯದ ಲಿಯೋ ಹೋಗಬೇಕು ಎಂದು ವಿಜಯ್ ಅಭಿಮಾನಿಗಳು ಕಾತರರಾಗಿದ್ದಾರೆ. ಅದೇ ರೀತಿ ಲಿಯೋ ಸಿನಿಮಾ ರಿಲೀಸ್ ಆಗಿ ಒಂದು ವಾರ ಕಳೆಯುವಷ್ಟರಲ್ಲಿ ಚಿತ್ರ ಇದುವರೆಗೆ 480 ಕೋಟಿ ಕಲೆಕ್ಷನ್ ಮಾಡಿದೆ. ಆದರೆ ರಜನಿಕಾಂತ್ ಅವರ ಜೈಲರ್ ಬಿಡುಗಡೆಯಾದ ವಾರದಲ್ಲಿ 350 ಕೋಟಿ ಕಲೆಕ್ಷನ್ ಮಾಡಿತ್ತು. 

ಇದಲ್ಲದೇ ದೀಪಾವಳಿವರೆಗೆ ಬೇರೆ ಯಾವುದೇ ಸಿನಿಮಾ ಬಿಡುಗಡೆಯಾಗದ ಕಾರಣ ಲಿಯೋ ಚಿತ್ರದ ಕಲೆಕ್ಷನ್ ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆ ಇದೆ.  ಈ ಎರಡು ಚಿತ್ರಗಳ ನಡುವಿನ ವ್ಯತ್ಯಾಸವೆಂದರೆ ನಿರೀಕ್ಷೆ. ಲಿಯೋ ಮೇಲಿನ ನಿರೀಕ್ಷೆಗಳು ಜೈಲರ್‌ಗಿಂತ ಹೆಚ್ಚಾಗಿರುದೇ ಚಿತ್ರದ ಮಿಶ್ರ ವಿಮರ್ಶೆಗೆ ಕಾರಣವಾಗಿವೆ.