Nayanathara: ಸಿನಿಮಾಗೆ ಪಡೆಯುವ ಸಂಭಾವನೆ ಹೆಚ್ಚಿಸಿಕೊಂಡ ಲೇಡಿ ಸೂಪರ್‌ ಸ್ಟಾರ್‌..! ಎಷ್ಟು ಕೋಟಿ ಗೊತ್ತಾ?

Nayanatara Remuneration: ಜವಾನ್ ಚಿತ್ರದ ಮೂಲಕ ಬಾಲಿವುಡ್ ಗೆ ಕಾಲಿಟ್ಟ ನಯನತಾರಾ ಸದ್ಯ ಸಿನಿಮಾಗೆ ಪಡೆಯುವ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.

Nayanathara: ಲೇಡಿ ಸೂಪರ್ ಸ್ಟಾರ್ ನಯನತಾರಾ ಚಿತ್ರರಂಗಕ್ಕೆ ಬಂದು ಎರಡು ದಶಕಗಳೇ ಕಳೆದಿವೆ. ಚಂದ್ರಮುಖಿ, ಗಜನಿ ಸಿನಿಮಾಗಳ ಮೂಲಕ ಸ್ಟಾರ್ ಪಟ್ಟಕ್ಕೆ ಏರಿದ ನಯನತಾರಾ ತೆಲುಗಿನಲ್ಲೂ ತಮ್ಮ ಶಕ್ತಿ ತೋರಿಸಿದ್ದರು. ಹಲವಾರು ಸೂಪರ್‌ ಹಿಟ್‌ ಸಿನಿಮಾಗಳ ಮೂಲಕ ಟಾಲಿವುಡ್ ಪ್ರೇಕ್ಷಕರಿಗೆ ಹತ್ತಿರವಾದರು. ಜೀವನದಲ್ಲಿ ಎಷ್ಟೇ ವಿವಾದಗಳು ಬಂದರೂ ಆಕೆಯ ವೃತ್ತಿಜೀವನ ಕುಂಠಿತವಾಗಲಿಲ್ಲ. 

ಜವಾನ್ ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ನಯನತಾರಾ ಅಲ್ಲಿಯೂ ತಮ್ಮ ಶಕ್ತಿ ಪ್ರದರ್ಶಿಸಿದರು. ಸೌತ್‌ ಸಿನಿರಂಗದ ಜೊತೆಗೆ ಉತ್ತರದಲ್ಲಿಯೂ ತನ್ನನ್ನು ಮಣಿಸಲು ಸಾಧ್ಯವಿಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ.

ಇದನ್ನೂ ಓದಿ-ಕನ್ನಡ ʼಘೋಸ್ಟ್‌ʼ Vs ತಮಿಳು ʼಲಿಯೋʼ: ಕರುನಾಡ ಬಾಕ್ಸ್‌ ಆಫೀಸ್‌ನಲ್ಲಿ ಮೊದಲ ದಿನ ಗೆದ್ದವರು ಯಾರು.?

ಹೌದು ಶಾರುಖ್ ಖಾನ್ ಎದುರು ನಟಿಸಿದ ಜವಾನ್ ಚಿತ್ರ ವಿಶ್ವಾದ್ಯಂತ ಸಾವಿರ ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿತ್ತು. ಈ ಚಿತ್ರಕ್ಕಾಗಿ ನಯನತಾರಾ ರೂ. 10 ಕೋಟಿ ಸಂಭಾವನೆ ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ. 

ಜವಾನ್ ಚಿತ್ರದ ಯಶಸ್ಸಿನ ನಂತರ ನಯನತಾರಾ ಸಂಭಾವನೆಯನ್ನು ಮತ್ತೆ ಮೂರು ಕೋಟಿಗೆ ಏರಿಕೆಗೆ ಬೇಡಿಕೆ ಇಟ್ಟಿದ್ದಾರೆ. ರೂ. 13 ಕೋಟಿ ಕೊಟ್ಟರೆ ಸಿನಿಮಾ ಮಾಡುತ್ತೇನೆ ಎನ್ನುತ್ತಿದ್ದಾರೆ. ಇದು ಸ್ಟಾರ್‌ ಹೀರೋಗಳ ಸಂಭಾವನೆಗಿಂತ ಹೆಚ್ಚು ಎನ್ನಬಹುದು. ಆದರೆ ಹತ್ತು ಕೋಟಿ ತೆಗೆದುಕೊಳ್ಳುವ ನಾಯಕಿಯರು ಸೌತ್ ನಲ್ಲಿ ಇಲ್ಲ. ಇದೀಗ ಆ ಸ್ಥಾನದಲ್ಲಿ ಬರೀ ನಯನತಾರಾ ಮಾತ್ರ ಇದ್ದಾರೆ. ಸದ್ಯ ನಯನತಾರಾ ತಮ್ಮ 75ನೇ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಜಯಂ ರವಿಯ ಜೊತೆ ತನಿ ಒರುವನ್ 2 ಮತ್ತು ಕೆಲವು ಚಿತ್ರಗಳಲ್ಲಿ ನಟಿಸಲಿದ್ದಾರೆ.