ಬೆಂಗಳೂರು : ಮೆಗಾಸ್ಟಾರ್ ಚಿರಂಜೀವಿ ಪ್ರಸ್ತುತ ʼವಾಲ್ಟರ್‌ ವೀರಯ್ಯʼ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ವಾಲ್ಟರ್‌ ವೀರಯ್ಯ ಸಂಕ್ರಾಂತಿ ಹಬ್ಬದಂದು ತೆರೆ ಮೇಲೆ ಅಬ್ಬರಿಸಲು ಸಜ್ಜಾಗುತ್ತಿದೆ. ಚಿತ್ರಕ್ಕೆ ಸಂಬಂಧಿಸಿದಂತೆ ಪ್ರಚಾರ ಕಾರ್ಯಕ್ರಮಗಳೂ ಆರಂಭವಾಗುತ್ತಿವೆ. ಬಾಬಿ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ವಾಲ್ಟರ್‌ ವೀರಯ್ಯ ಸಿನಿಮಾದಲ್ಲಿ ಶ್ರುತಿ ಹಾಸನ್ ಚಿರುಗೆ ಜೊತೆಯಾಗಿದ್ದಾರೆ. ಈ ಚಿತ್ರವನ್ನು ಮೈತ್ರಿ ಮೂವಿ ಮೇಕರ್ಸ್ ಅದ್ಧೂರಿ ಬಜೆಟ್‌ನಲ್ಲಿ ನಿರ್ಮಿಸುತ್ತಿದ್ದಾರೆ.
ಈ ಚಿತ್ರಕ್ಕೆ ದೇವಿಶ್ರೀ ಪ್ರಸಾದ್ ಸಂಗೀತ ನೀಡಿದ್ದಾರೆ. ಇತ್ತೀಚೆಗಷ್ಟೇ ಬಿಡುಗಡೆಯಾದ ʼವಾಲ್ಟರ್‌ ವೀರಯ್ಯʼ ಸಿನಿಮಾದ ಟೀಸರ್‌ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಈಗ ಈ ಸಿನಿಮಾದಿಂದ ಮತ್ತೊಂದು ಅಪ್ಡೇಟ್ ಹೊರಬಿದ್ದಿದ್ದು, ವಾಲ್ಟರ್‌ ವೀರಯ್ಯ ಸಾಂಗ್‌ಗಳ ಆಲ್ಬಂನಿಂದ ʼಬಾಸ್ ಪಾರ್ಟಿʼ ಎಂಬ ಮೊದಲ ಹಾಡಿನ ಪ್ರೋಮೋವನ್ನು ಬಿಡುಗಡೆ ಮಾಡಲಾಗಿದೆ. ನಾಳೆ ʼಬಾಸ್ ಪಾರ್ಟಿʼ ಫುಲ್ ವಿಡಿಯೋ ಸಾಂಗ್ ರಿಲೀಸ್ ಆಗಲಿದೆ. ಇನ್ನು ಹಾಡಿನ ವಿಡಿಯೋ ನೋಡಿದ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅಣ್ಣನ ಹಾಡಿಗೆ ಫಿದಾ ಆಗಿದ್ದಾರೆ.
ಇದನ್ನೂ ಓದಿ: Adah Sharma : ಕಾಮನಬಿಲ್ಲೇ ನಾಚುವಂತೆ ಸೊಂಟ ಬಾಗಿಸಿದ ಅದಾ.. ಸೌಂದರ್ಯ ಅದ್ಭುತ..!
ಇತ್ತೀಚೆಗೆ, ಪವರ್ ಸ್ಟಾರ್ ಪವನ್ ಕಲ್ಯಾಣ್ ತಮ್ಮ ಸಹೋದರ ಚಿರಂಜೀವಿ ನಾಯಕನಾಗಿ ನಟಿಸುತ್ತಿರುವ ವಾಲ್ಟರ್‌ ವೀರಯ್ಯ ಸೆಟ್‌ ಭೇಟಿ ನೀಡಿದ್ದರು. ನಾಳೆ ರಿಲೀಸ್ ಆಗುತ್ತಿರುವ ಹಾಡಿನ ವೀಡಿಯೋ ಕೇಳಿ ಸೂಪರ್‌ ಎಂದಿದ್ದಾರೆ. ಅಲ್ಲದೆ, ಟ್ಯೂನ್ ತುಂಬಾ ಚೆನ್ನಾಗಿ ಮೂಡಿಬಂದಿದೆ ಎಂದು ಹೇಳಿದ್ದಾರೆ ಎನ್ನಲಾಗಿದೆ. ಪವನ್ ಕಲ್ಯಾಣ್ ಜೊತೆಗೆ ಹರಿಹರ ವೀರಮಲ್ಲು ನಿರ್ದೇಶಕ ಕ್ರಿಶ್ ನಿರ್ಮಾಪಕ ವೈ ರತ್ನಂ ಕೂಡ ಇದ್ದರು. ಶೇಖರ್ ಮಾಸ್ಟರ್ ನೃತ್ಯ ನಿರ್ದೇಶನ ಮಾಡಿದ್ದು, ನವೆಂಬರ್ 23 ರಂದು ಸಂಜೆ 4:50 ಕ್ಕೆ ವಾಲ್ಟರ್‌ ವೀರಯ್ಯ ಬಿಡುಗಡೆಯಾಗಲಿದೆ.
ವಾಲ್ತೇರು ವೀರಯ್ಯ ಚಿತ್ರದ ಮೇಲೆ ಭಾರೀ ನಿರೀಕ್ಷೆಗಳಿವೆ. ಸದ್ಯಕ್ಕೆ ಮೆಗಾಸ್ಟಾರ್ ಚಿರಂಜೀವಿ ಅವರ ಎಲ್ಲಾ ಸಿನಿಮಾಗಳು ರಿಮೇಕ್ ಆಗಿದ್ದು, ಇದು ಸ್ಟ್ರೈಟ್ ಸಿನಿಮಾ ಆಗಿರುವುದರಿಂದ ಮೆಗಾ ಅಭಿಮಾನಿಗಳು ಈ ಸಿನಿಮಾದ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಆದರೆ ಈ ಸಿನಿಮಾದಿಂದ ಮೆಗಾಸ್ಟಾರ್ ಚಿರಂಜೀವಿ ಮತ್ತೆ ತಮ್ಮ ಸ್ಥಾನಕ್ಕೆ ಮರುಳಲಿದ್ದಾರೆ ಎಂದು ಎಲ್ಲರೂ ಅಂದುಕೊಂಡಿದ್ದಾರೆ. ಸಿನಿಮಾ ರಿಲೀಸ್ ಆದ ಮೇಲೆ ಪ್ರೇಕ್ಷಕನ ಏನ್‌ ಅಂತಾನೆ ಅಂತ ಕಾಯ್ದು ನೋಡಬೇಕಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
