ತಮನ್ನಾ ಮತ್ತೊಂದು ವಿಡಿಯೋ ವೈರಲ್ ! ಈ ಬಾರಿ ಸದ್ದು ಮಾಡುತ್ತಿರುವುದು ಅಭಿಮಾನಿ ಜೊತೆಗಿನ Video

Tamannaah Bhatia Video:ಈ ವಿಡಿಯೋದಲ್ಲಿ ತಮನ್ನಾ ಅಭಿಮಾನಿಯೊಬ್ಬರು ಬ್ಯಾರಿಕೇಡ್ ಮುರಿದು ನಟಿಯ ಭೇಟಿಗಾಗಿ ಬಂದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ.

Tamannaah Bhatia Video : ಬಾಲಿವುಡ್ ನಟಿ ತಮನ್ನಾ ಭಾಟಿಯಾ ವೃತ್ತಿಪರ ಮತ್ತು ವೈಯಕ್ತಿಕ ಕಾರಣಗಳಿಂದಾಗಿ ಸುದ್ದಿಯಲ್ಲಿದ್ದಾರೆ. ಒಂದೆಡೆ ನಟಿಯ ‘ಕವಾಲಾ’ಡ್ಯಾನ್ಸ್‌  ಸಾಮಾಜಿಕ ಜಾಲ ತಾಣಗಳಲ್ಲಿ ಭರ್ಜರಿಯಾಗಿ ಸದ್ದು ಮಾಡುತ್ತಿದ್ದರೆ, ಮತ್ತೊಂದೆಡೆ ವಿಜಯ್ ವರ್ಮಾ ಜೊತೆಗಿನ ಡೇಟ್ ವಿಚಾರವಾಗಿ ಕೂಡಾ ಈ ಬ್ಯೂಟಿ ಸುದ್ದಿಯಲ್ಲಿದ್ದಾರೆ. ಈ ನಡುವೆ, ತಮನ್ನಾ ಅವರ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ತಮನ್ನಾ ಅಭಿಮಾನಿಯೊಬ್ಬರು ಬ್ಯಾರಿಕೇಡ್ ಮುರಿದು ನಟಿಯ ಭೇಟಿಗಾಗಿ ಬಂದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ. 

ಸಾಂಪ್ರದಾಯಿಕ ಲುಕ್ ನಲ್ಲಿ ತಮನ್ನಾ : 
ತಮನ್ನಾ ಭಾಟಿಯಾ ಇತ್ತೀಚೆಗೆ ಕೇರಳದ ಕಾರ್ಯಕ್ರಮವೊಂದಕ್ಕೆ ಹೋಗಿದ್ದರು. ಅಲ್ಲಿ ನಟಿ ಸೀರೆಯೊಂದಿಗೆ ಟೆಂಪಲ್ ಜ್ಯುವೆಲ್ಲರಿ ಧರಿಸಿ ಕಾಣಿಸಿಕೊಂಡಿದ್ದಾರೆ. ಈ ಲುಕ್‌ನಲ್ಲಿ ನಟಿ ತುಂಬಾ ಸುಂದರವಾಗಿ ಕಾಣುತ್ತಿದ್ದರು. ಈ ಕಾಸ್ಟ್ಯೂಮ್ ನಲ್ಲಿ ನಟಿಯ ಸೌಂದರ್ಯ ನೂರು ಪಟ್ಟು ಹೆಚ್ಚಿತ್ತು ಎಂದರೆ ತಪ್ಪಲ್ಲ. 

ಇದನ್ನೂ ಓದಿ : ಈ ಫೋಟೋದಲ್ಲಿರುವ ಬಾಲಕಿ ಈಗ ಖ್ಯಾತ ಬಹುಭಾಷಾ ನಾಯಕಿ: ಶಿವಣ್ಣನ ಜೊತೆ ನಟಿಸಿದ್ದ ಈಕೆ ಬಾಲಿವುಡ್ ಹೀರೋನ ಮಡದಿ!

ಕೇರಳದಲ್ಲಿ ಕಾರ್ಯಕ್ರಮವೊಂದರಿಂದ ನಟಿ ಹೊರಬರುತ್ತಿದ್ದಂತೆಯೇ  ಅಭಿಮಾನಿಯೊಬ್ಬರು ಬ್ಯಾರಿಕೇಡ್‌ ಮುರಿದು ಒಳ ನುಗ್ಗಿದ್ದಾರೆ. ಈವೆಂಟ್‌ನಿಂದ ನಟಿ ಹೊರಬರುತ್ತಿದ್ದ ನಟಿಯ ಸುತ್ತ ಸಾಕಷ್ಟು ಭದ್ರತೆ  ಹಾಕಲಾಗಿತ್ತು. ಸುತ್ತಲೂ ಬ್ಯಾರಿಕೇಡ್‌ಗಳನ್ನು ಅಳವಡಿಸಲಾಗಿತ್ತು. ಇಷ್ಟೆಲ್ಲಾ ಭದ್ರತೆಯ ನಡುವೆಯೇ ತಮನ್ನಾ ಅಭಿಮಾನಿ ಬ್ಯಾರಿಕೇಡ್ ಮುರಿದು ನಟಿಯ ಬಳಿ ತಲುಪುವಲ್ಲಿ ಯಶಸ್ವಿಯಾಗಿದ್ದಾರೆ. 

ನಟಿಯ ಕೈ  ಹಿಡಿದುಕೊಂಡ ಅಭಿಮಾನಿ :  
ಈ ಅಭಿಮಾನಿ ಬ್ಯಾರಿಕೇಡ್ ಅನ್ನು ಮುರಿದು ತಮನ್ನಾ ಭಾಟಿಯಾ ಬಳಿ ಬಂದಿರುವುದನ್ನು ಕಂಡ ಭದ್ರತಾ ಸಿಬ್ಬಂದಿ ಕೂಡಾ ಆಶ್ಚರ್ಯಗೊಂಡಿದ್ದಾರೆ. ಇದ್ದಕ್ಕಿದ್ದಂತೆ ಏನಾಯಿತು ಎಂಬುದು ಅಲ್ಲಿದ್ದವರಿಗೆ ಅರ್ಥವಾಗಲಿಲ್ಲ. ಅಷ್ಟರಲ್ಲಿ ಈ ಅಭಿಮಾನಿ ನಟಿಯ ಕೈ ಹಿಡಿಡು ಬಿಟ್ಟಿದ್ದಾನೆ. ಅಭಿಮಾನಿ ನಟಿಯ ಕೈ ಹಿಡಿದ ತಕ್ಷಣ ಸೆಕ್ಯೂರಿಟಿ ಗಾರ್ಡ್ ಮಧ್ಯ ಪ್ರವೇಶಿಸಿದ್ದಾರೆ. 

ಇದನ್ನೂ ಓದಿ : ಹಾಲಿವುಡ್ ಚಿತ್ರಗಳ ಮಾದರಿಯಲ್ಲಿ ನಿರ್ಮಾಣವಾಗುತ್ತಿರುವ 'ವೃಷಭ' ಚಿತ್ರಕ್ಕೆ ನಿಕ್ ತರ್ಲೋ ಸೇರ್ಪಡೆ

ಅಭಿಮಾನಿಯ ಆಸೆ ಈಡೇರಿಸಿದ ಮಿಲ್ಕಿ : 
ಅಭಿಮಾನಿಯನ್ನು ಭದ್ರತಾ ಸಿಬ್ಬಂದಿ ತಡೆಯುತ್ತಿದ್ದಂತೆಯೇ ನಟಿ ಮಧ್ಯೆ ಪ್ರವೇಶಿಸಿದ್ದಾರೆ. ಈ ಅಭಿಮಾನಿ ಬಂದು ತಮನ್ನಾ ಕೈಕುಲುಕುತ್ತಾನೆ. ನಟಿಯೊಂದಿಗೆ ಸೆಲ್ಫಿ ಕೂಡಾ ತೆಗೆದುಕೊಳ್ಳುತ್ತಾರೆ. ತಮನ್ನಾ ಅವರ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.