Vitamin B6 Pills Benefits: ಖಿನ್ನತೆ ಹಾಗೂ ಒತ್ತಡ ನಿವಾರಿಸಲು ಬಲು ಸಹಕಾರಿ ಈ ಮಾತ್ರೆಗಳು, ಅಧ್ಯಯನದಲ್ಲಿ ಅಂಶ ಬಹಿರಂಗ

Vitamin B6 ಮಾತ್ರೆ ನಿಮ್ಮ ಮನಸ್ಥಿತಿ ಮತ್ತು ಮನಸ್ಸನ್ನು ಸರಿಯಾಗಿ ಇರಿಸಿಕೊಳ್ಳಲು ಬಲು ಪ್ರಯೋಜನಕಾರಿಯಾಗಿದೆ. ಅದರ ಈ ಮಾತ್ರೆಗಳನ್ನು ಸೇವಿಸುವುದರಿಂದ ಖಿನ್ನತೆ ಮತ್ತು ಒತ್ತಡ ಕೂಡ ನಿವಾರಣೆಯಾಗುತ್ತದೆ ಎಂದು ಅಧ್ಯಯನವೊಂದು ಬಹಿರಂಗಪಡಿಸಿದೆ. ಹೇಗೆ ತಿಳಿದುಕೊಳ್ಳೋಣ ಬನ್ನಿ.

Vitamin B6 Pill Benefits

Vitamin B6 Pills Benefits: ದಿನದಿಂದ ದಿನಕ್ಕೆ ಬದಲಾಗುತ್ತಿರುವ ಜೀವನಶೈಲಿಯ ಕಾರಣ ಇತ್ತೀಚಿನ ದಿನಗಳಲ್ಲಿ ಖಿನ್ನತೆ ಮತ್ತು ಮಾನಸಿಕ ಒತ್ತಡ ಪ್ರತಿಯೊಬ್ಬರ ಜೀವನವನ್ನು ಆವರಿಸುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ ಜನರು ಆತ್ಮಹತ್ಯೆಯಂತಹ ಗಂಭೀರ ನಿರ್ಧಾರವನ್ನು ತೆಗೆದುಕೊಳ್ಳುತ್ತಿದ್ದಾರೆ, ಆದರೆ ಉತ್ತಮ ಆಹಾರ ಪದ್ಧತಿ ಮತ್ತು ಉತ್ತಮ ಜೀವನಶೈಲಿಯಿಂದ ನಾವು ಅದನ್ನು ತಪ್ಪಿಸಬಹುದು. ಖಿನ್ನತೆಯನ್ನು ಹೋಗಲಾಡಿಸುವಲ್ಲಿ ವಿಟಮಿನ್‌ಗಳು ಪ್ರಮುಖ ಪಾತ್ರವಹಿಸುತ್ತವೆ. ವಿಶೇಷವಾಗಿ ವಿಟಮಿನ್ ಬಿ, ವಿಟಮಿನ್ ಬಿ6 ಮತ್ತು ವಿಟಮಿನ್ ಬಿ ಕಾಂಪ್ಲೆಕ್ಸ್ ಗಳು ವ್ಯಕ್ತಿಯನ್ನು ಮಾನಸಿಕವಾಗಿ ಮತ್ತು ಭಾವನಾತ್ಮಕವಾಗಿ ಆರೋಗ್ಯವಾಗಿರಲು ಸಹಾಯ ಮಾಡುತ್ತವೆ.

ಇತ್ತೀಚಿನ ಸಂಶೋಧನೆಯ ಪ್ರಕಾರ ವಿಟಮಿನ್ ಬಿ6 ಮಾತ್ರೆಗಳು ಮಾನಸಿಕ ಒತ್ತಡವನ್ನು ದೂರವಿಡಲು ಬಹಳ ಸಹಾಯಕವಾಗಿದೆ ಎಂದು ಸಾಬೀತಾಗಿವೆ. ಜರ್ನಲ್ ಆಫ್ ಹ್ಯೂಮನ್ ಸೈಕೋಫಾರ್ಮಕಾಲಜಿ ಕ್ಲಿನಿಕಲ್ ಮತ್ತು ಎಕ್ಸ್‌ಪೆರಿಮೆಂಟಲ್‌ನಲ್ಲಿನ ಅಧ್ಯಯನವು ವಿಟಮಿನ್ 6 ಸಹಾಯದಿಂದ ಖಿನ್ನತೆಯನ್ನು ಹೋಗಲಾಡಿಸಬಹುದು ಎಂದು ಬಹಿರಂಗಪಡಿಸಿದೆ. ಈ ಔಷಧಿಗಳು ನಿಮ್ಮ ಮೆದುಳನ್ನು ಸಕ್ರಿಯವಾಗಿರಿಸುವುದರ ಜೊತೆಗೆ ಅದನ್ನು ಆರೋಗ್ಯಕರವಾಗಿರಿಸಲು ಕೂಡ ಸಹಾಯ ಮಾಡುತ್ತದೆ.

ಯುವಕರ ಮೇಲೆ ನಡೆದ ಅಧ್ಯಯನ
ಈ ಅಧ್ಯಯನವು ವಿಟಮಿನ್ ಬಿ 6 ಸೇವನೆಯು ನಿಮ್ಮ ಮನಸ್ಥಿತಿಯನ್ನು ಸುಧಾರಿಸುತ್ತದೆ ಮತ್ತು ನಿಮ್ಮೊಳಗೆ ಶಕ್ತಿಯ ಮೇಲೆ ಪ್ರಭಾವ ಬೀರುವುದರಿಂದ ನಿಮ್ಮಲ್ಲಿ ಕೆಲಸ ಮಾಡುವ ಭಾವನೆ ಹೆಚ್ಚಾಗುತ್ತದೆ ಎಂಬುದನ್ನು ಕಂಡುಹಿಡಿದಿದೆ. ಒಂದು ತಿಂಗಳ ಕಾಲ, ಕೆಲವು ಯುವಕರಿಗೆ ಹೆಚ್ಚಿನ ಪ್ರಮಾಣದಲ್ಲಿ ವಿಟಮಿನ್ ಬಿ 6 ಅನ್ನು ನೀಡಲಾಯಿತು, ಇದರ ಪರಿಣಾಮವಾಗಿ ಅವರಲ್ಲಿ ಉತ್ಸಾಹವು ಹೆಚ್ಚಾಯಿತು ಮತ್ತು ಅವರು ಉತ್ತಮ ರೀತಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದ್ದಾರೆ.

ವಿಟಮಿನ್ ಮಾತ್ರೆಗಳು ಮನಸ್ಥಿತಿ ಮತ್ತು ಮನಸ್ಸನ್ನು ಉತ್ಕೃಷ್ಟಗೊಳಿಸಲು ಸಹಾಯ ಮಾಡುತ್ತದೆ
ಮೂಡ್ ಡಿಸಾರ್ಡರ್‌ಗಳು ಮತ್ತು ಇತರ ನ್ಯೂರೋಸೈಕಿಯಾಟ್ರಿಕ್ ಕಾಯಿಲೆಗಳು ಸೇರಿದಂತೆ ಮೆದುಳಿನಲ್ಲಿ ಹೆಪಥೇಸ್‌ಗಳ ಸಮತೋಲನವು ಹದಗೆಡುವುದರಿಂದ ಖಿನ್ನತೆಯು ಉಂಟಾಗುತ್ತದೆ. ವಿಟಮಿನ್ B6 ದೇಹವು ನಿರ್ದಿಷ್ಟ ರಾಸಾಯನಿಕ ಸಂದೇಶವಾಹಕವನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ, ಇದು ಮೆದುಳಿನಲ್ಲಿನ ಪ್ರಚೋದನೆಗಳನ್ನು ನಿರ್ಬಂಧಿಸುತ್ತದೆ ಮತ್ತು ಮೆದುಳನ್ನು ಶಾಂತಗೊಳಿಸುವ ಈ ಪರಿಣಾಮವು ಅಧ್ಯಯನದಲ್ಲಿ ಭಾಗವಹಿಸುವವರಲ್ಲಿ ಆತಂಕ ಇಳಿಕೆಗೆ ಸಂಬಂಧಿಸಿದೆ ಎಂದು ಅಧ್ಯಯನಕಾರರು ಹೇಳುತ್ತಾರೆ.

ಆಹಾರದಲ್ಲಿ ವಿಟಮಿನ್ ಬಿ6
ವಿಟಮಿನ್ ಬಿ ಮತ್ತು ಬಿ6 ಅನೇಕ ಆಹಾರ ಪದಾರ್ಥಗಳಲ್ಲಿ ಕಂಡುಬರುತ್ತವೆ. ಕಡಲೆ, ಮೀನು ಮುಂತಾದ ಹಲವು ಬಗೆಯ ಹಣ್ಣುಗಳು ಮತ್ತು ತರಕಾರಿಗಳಲ್ಲಿ ಈ ವಿಟಮಿನ್ ಗಳು ಹೇರಳ ಪ್ರಮಾಣದಲ್ಲಿ ಕಂಡುಬರುತ್ತವೆ.

ವಿಟಮಿನ್ ಬಿ ವ್ಯಕ್ತಿಯ ಮನಸ್ಸು ಮತ್ತು ಮೆದುಳು ಎರಡನ್ನೂ ವಿವಿಧ ರೀತಿಯಲ್ಲಿ ಹೇಗೆ ಆರೋಗ್ಯವಾಗಿರಿಸುತ್ತದೆ ಎಂಬುದನ್ನು ತಿಳಿದುಕೊಳ್ಳೋಣ.

ವಿಟಮಿನ್ ಬಿ 1 (ಥಯಾಮಿನ್)
ಇದು ದೇಹದ ಶಕ್ತಿಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ, ಇದು ಗ್ಲೂಕೋಸ್ ಮತ್ತು ಸಕ್ಕರೆಯನ್ನು ಇಂಧನವಾಗಿ ಪರಿವರ್ತಿಸಲು ಸಹಾಯ ಮಾಡುತ್ತದೆ, ಇದು ಮೆದುಳು ಸರಿಯಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ.

ವಿಟಮಿನ್ ಬಿ3 (ನಿಯಾಸಿನ್)
ವಿಟಮಿನ್ B3 ಕೊರತೆಯು ಮಾನಸಿಕವಾಗಿ ಮತ್ತು ದೈಹಿಕವಾಗಿ ನಿಮ್ಮಲ್ಲಿ ಆತಂಕ ಮತ್ತು ಆಲಸ್ಯವನ್ನು ಉಂಟುಮಾಡಬಹುದು. ವಿಟಮಿನ್ B3 ಕೊರತೆಯು ಸೈಕೋಸಿಸ್ ಮತ್ತು ಬುದ್ಧಿಮಾಂದ್ಯತೆಗೆ ಕಾರಣವಾಗಬಹುದು; ಕೆಲವು ಆಹಾರ ಉತ್ಪನ್ನಗಳು ನಿಯಾಸಿನ್ ಅನ್ನು ಹೊಂದಿರುತ್ತವೆ, ಇವು ಜನರನ್ನು ಪೆಲ್ಲಾಗ್ರಾದಿಂದ ರಕ್ಷಿಸುತ್ತವೆ.

ವಿಟಮಿನ್ ಬಿ6 (ಪಿರಿಡಾಕ್ಸಿನ್)
ವಿಟಮಿನ್ ಬಿ 6 ದೇಹದಲ್ಲಿ ಪ್ರೋಟೀನ್‌ಗಳು ಮತ್ತು ಹಾರ್ಮೋನುಗಳಿಗೆ ಅಮೈನೋ ಆಮ್ಲಗಳನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ, ವಿಟಮಿನ್ ಬಿ 6 ಕೊರತೆಯು ದುರ್ಬಲ ರೋಗನಿರೋಧಕತೆ, ಗೊಂದಲಮಯ ಮಾನಸಿಕ ಸ್ಥಿತಿಗಳು ಮತ್ತು ಚರ್ಮದ ಸೋಂಕುಗಳಿಗೆ ಕಾರಣವಾಗಬಹುದು.

ಇದನ್ನೂ ಓದಿ-Bitter Gourd: ಈ ಜನರು ಅಪ್ಪಿತಪ್ಪಿಯೂ ಕೂಡ ಹಾಗಲಕಾಯಿ ಸೇವಿಸಬಾರದು, ಆರೋಗ್ಯಕ್ಕೆ ಮಾರಕ

ವಿಟಮಿನ್ ಸಿ
ಒತ್ತಡವನ್ನು ಕಡಿಮೆ ಮಾಡಲು ವಿಟಮಿನ್ ಸಿ ಅಗತ್ಯವಿದೆ, ಇದರೊಂದಿಗೆ ಚರ್ಮ ರೋಗಗಳನ್ನು ನಿವಾರಿಸಲು, ವಿಟಮಿನ್ ಸಿ ಅನ್ನು ಸಾಕಷ್ಟು ಪ್ರಮಾಣದಲ್ಲಿ ಸೇವಿಸಬೇಕು.

ಇದನ್ನೂ ಓದಿ-Monkeypox: ಮಂಕಿಪಾಕ್ಸ್ ಪತ್ತೆಗೆ ಬಿಡುಗಡೆಯಾದ RT-PCR ಕಿಟ್, ಕೇವಲ 50 ನಿಮಿಷಗಳಲ್ಲಿಯೇ ರಿಸಲ್ಟ್

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)

ಇದನ್ನೂ ನೋಡಿ-