ನವದೆಹಲಿ: ಟಾಟಾ ಸನ್ಸ್ 68 ವರ್ಷಗಳ ನಂತರ ಸಾಲದ ಭಾರ ಹೊಂದಿರುವ ಏರ್ ಇಂಡಿಯಾದ ನಿಯಂತ್ರಣವನ್ನು ಮರಳಿ ಪಡೆದುಕೊಂಡಿದೆ.
ಶೇ 100 ರಷ್ಟು ಶೇರುಗಳನ್ನು ಪಡೆಯಲು ಅದು ಹರಾಜಿನಲ್ಲಿ 18,000 ಕೋಟಿ ರೂಪಾಯಿಗಳ ಬಿಡ್ ಮಾಡಿದೆ.ಟಾಟಾಸ್‌ನ 18,000 ಕೋಟಿ ಬಿಡ್‌ನಲ್ಲಿ 15,300 ಕೋಟಿ ಸಾಲವನ್ನು ತೆಗೆದುಕೊಳ್ಳುವುದು ಮತ್ತು ಉಳಿದ ಹಣವನ್ನು ನಗದು ರೂಪದಲ್ಲಿ ಪಾವತಿಸುವುದು ಒಳಗೊಂಡಿರುತ್ತದೆ ಎನ್ನಲಾಗಿದೆ.
ಜೆಹಾಂಗೀರ್ ರತಂಜಿ ದಾದಾಭೋಯ್ (ಜೆಆರ್‌ಡಿ) ಟಾಟಾ 1932 ರಲ್ಲಿ ಏರ್ಲೈನ್ ಅನ್ನು ಸ್ಥಾಪಿಸಿದರು. ಇದನ್ನು ಟಾಟಾ (TATA) ಏರ್‌ಲೈನ್ಸ್ ಎಂದು ಕರೆಯಲಾಯಿತು. ಆ ಸಮಯದಲ್ಲಿ ಅದು ದೇಶೀಯ ವಿಮಾನಗಳನ್ನು ಮಾತ್ರ ನಿರ್ವಹಿಸುತ್ತಿತ್ತು.1946 ರಲ್ಲಿ, ಟಾಟಾ ಸನ್ಸ್ ನ ವಾಯುಯಾನ ವಿಭಾಗವನ್ನು ಏರ್ ಇಂಡಿಯಾ ಎಂದು ಪಟ್ಟಿ ಮಾಡಲಾಯಿತು. ಅದೇ ವರ್ಷದಲ್ಲಿ, ಏರ್ಲೈನ್ ತನ್ನ ವ್ಯಾಪಕವಾಗಿ ಗುರುತಿಸಲ್ಪಟ್ಟ `ಮಹಾರಾಜ ಮ್ಯಾಸ್ಕಾಟ್ ಅನ್ನು ಅಳವಡಿಸಿಕೊಂಡಿತು. 1948 ರಲ್ಲಿ, ಏರ್ ಇಂಡಿಯಾ ಇಂಟರ್ನ್ಯಾಷನಲ್ ಅನ್ನು ಯುರೋಪಿಗೆ ವಿಮಾನಗಳೊಂದಿಗೆ ಆರಂಭಿಸಲಾಯಿತು.
ಇದನ್ನೂ ಓದಿ: Air India: 18,000 ಕೋಟಿ ರೂ.ಗೆ ಏರ್ ಇಂಡಿಯಾ ಹರಾಜು ಗೆದ್ದ ಟಾಟಾ ಸನ್ಸ್
ಅಂತಾರಾಷ್ಟ್ರೀಯ ಸೇವೆಯು ಭಾರತದ ಮೊದಲ ಸಾರ್ವಜನಿಕ-ಖಾಸಗಿ ಪಾಲುದಾರಿಕೆಗಳಲ್ಲಿ ಒಂದಾಗಿದೆ, ಆಗ ಸರ್ಕಾರವು ಶೇ 49 ರಷ್ಟು ಹೊಂದಿದ್ದರೆ, ಟಾಟಾ ಶೇ 25 ರಷ್ಟು ಶೇರ್ ನ್ನು ಒಳಗೊಂಡಿತ್ತು ಮತ್ತು ಉಳಿದವುಗಳನ್ನು ಸಾರ್ವಜನಿಕರಿಗೆ ಮೀಸಲಿರಿಸಾಗಿತ್ತು.1953 ರಲ್ಲಿ, ಏರ್ ಇಂಡಿಯಾವನ್ನು ರಾಷ್ಟ್ರೀಕೃತಗೊಳಿಸಲಾಯಿತು. ಇದೆ ವೇಳೆ ಏರ್ ಲೈನ್ಸ್ ದೇಶೀಯ ವಿಮಾನಯಾನ ಮತ್ತು ಅಂತರಾಷ್ಟ್ರೀಯ ವಾಹಕ ಎಂದು ವಿಭಿಜಿಸಲಾಯಿತು.ಜವಾಹರಲಾಲ್ ನೆಹರು ಏರ್ ಇಂಡಿಯಾವನ್ನು ರಾಷ್ಟ್ರೀಕರಣಗೊಳಿಸಿದಾಗ, ಜೆಆರ್‌ಡಿ ಅದರ ವಿರುದ್ಧ ತೀವ್ರವಾಗಿ ಪ್ರತಿಭಟಿಸಿದ್ದರು.
Welcome back, Air India 🛬🏠 pic.twitter.com/euIREDIzkV
— Ratan N. Tata (@RNTata2000) October 8, 2021
"ಭಾರತೀಯ ವಾಯುಯಾನ ಉದ್ಯಮದ ಪ್ರವರ್ತಕರಾದ ಜೆಆರ್‌ಡಿ ಅವರು ಎರಡೂ ಸಂಸ್ಥೆಗಳ ಮುಖ್ಯಸ್ಥರಾಗಿದ್ದಾಗ ಟಾಟಾ ಸಮೂಹಕ್ಕಿಂತ ಏರ್ ಇಂಡಿಯಾ ಬಗ್ಗೆ ಹೆಚ್ಚು ಸಮಯ ಚಿಂತಿಸುತ್ತಿದ್ದರು ಎಂದು ಟಾಟಾ ಸಮೂಹದ ಅಧಿಕಾರಿಗಳು ಖಾಸಗಿಯಾಗಿ ದೂರು ನೀಡುತ್ತಿದ್ದರು ಎಂದು ಹೇಳಲಾಗಿದೆ. ಆದಾಗ್ಯೂ, ಅವರಿಗೂ ತಿಳಿದಿತ್ತು ಏರ್ ಇಂಡಿಯಾವನ್ನು ಅಧ್ಯಕ್ಷರನ್ನಾಗಿ ಮಾಡುವುದು ಕೇವಲ ಉದ್ಯೋಗವಾಗಿರಲಿಲ್ಲ ಆದರೆ ಅವರಿಗೆ ಪ್ರೀತಿಯ ಕೆಲಸವಾಗಿತ್ತು "ಎಂದು ಏರ್ ಇಂಡಿಯಾ ಸಂಸ್ಥಾಪಕರ ಉತ್ಸಾಹದ ಬಗ್ಗೆ ಪಿಟಿಐ ವರದಿ ಮಾಡಿದೆ.
"ಟಾಟಾ ಗುಂಪು ಹೊಂದಿರುವ ಪರಂಪರೆಯ ಗೌರವವನ್ನು ಪರಿಗಣಿಸಿ, ಏರ್ ಇಂಡಿಯಾವನ್ನು ವಾಪಸ್ ಪಡೆಯಲು ಟಾಟಾಗಳು (18,000 ಕೋಟಿ ರೂ.) ಹೂಡಿರುವುದರಲ್ಲಿ ಅಚ್ಚರಿಯಿಲ್ಲ.1932 ರಲ್ಲಿ ವಾಯುಯಾನ ಸೇವೆಯನ್ನು ಆರಂಭಿಸಲು ಎರಡು ಲಕ್ಷ ರೂ ಗಳ ಹೂಡಿಕೆಯನ್ನು ಮಾಡಲಾಗಿತ್ತು. ಇದರ ಫಲವಾಗಿ ಕರಾಚಿಯಿಂದ ಬೊಂಬಾಯಿಗೆ 1932 ರ ಅಕ್ಟೋಬರ್‌ನಲ್ಲಿ ಮೊದಲ ಏರ್‌ಮೇಲ್ ಸೇವೇಯನ್ನು ಜೆಆರ್‌ಡಿ ಪಸ್ ಮಾತ್ ವಿಮಾನದೊಂದಿಗೆ ಆರಂಭಿಸಿದ್ದರು" ಎಂದು ಪಿಟಿಐ ವರದಿ ಮಾಡಿದೆ.
ಇದನ್ನೂ ಓದಿ-"ರಾಹುಲ್ ದ್ರಾವಿಡ್ ಭಾರತ ಕ್ರಿಕೆಟ್ ತಂಡಕ್ಕೆ ಪೂರ್ಣಾವಧಿ ಕೋಚ್ ಆಗಬಾರದು"
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
