ಬಿಹಾರದಲ್ಲಿ ಪ್ರವಾಹ: 31 ಸಾವು, 12 ಜಿಲ್ಲೆಗಳ 20 ಲಕ್ಷ ಜನರ ಮೇಲೆ ಪರಿಣಾಮ

Pic Courtesy: ANI

ಪಾಟ್ನಾ: ಬಿಹಾರದಲ್ಲಿ ಪ್ರವಾಹ ಮುಂದುವರೆದಿದ್ದು, ಅಧಿಕೃತ ಅಂಕಿಅಂಶಗಳ ಪ್ರಕಾರ, ರಾಜ್ಯದ 12 ಜಿಲ್ಲೆಗಳಲ್ಲಿ 64 ಬ್ಲಾಕ್ಗಳ 20 ಲಕ್ಷಕ್ಕೂ ಹೆಚ್ಚು ಜನಸಂಖ್ಯೆಯು ಪ್ರವಾಹಕ್ಕೆ ಪ್ರಭಾವಿತವಾಗಿದೆ. ಇವುಗಳಲ್ಲಿ ಅರೇರಿಯಾ, ಕಿಶನ್‌ಗಂಜ್, ಶಿವಾರ್, ಸೀತಮಾರ್ಹಿ, ಈಸ್ಟರ್ನ್ ಚಂಪಾರನ್, ಸುಪಾಲ್, ಮಧುಬಾನಿ, ದರ್ಭಂಗಾ, ಕತಿಹಾರ್, ಮೋತಿಹಾರಿ, ಬೆಟಿಯಾ ಮತ್ತು ಮುಜಾಫರ್ಪುರ್ ಜಿಲ್ಲೆಗಳು ಸೇರಿವೆ. 

1987 ರ ನಂತರ ಇದೇ ಮೊದಲ ಬಾರಿಗೆ ಕಮಲಾ ಬಾಲನ್ ನದಿಯಲ್ಲಿ ಹೆಚ್ಚಿನ ನೀರು ಬಂದಿದ್ದು, ಪರಿಸ್ಥಿತಿ ಸಾಕಷ್ಟು ಭಯಾನಕವಾಗಿದೆ ಎಂದು ಹೇಳಲಾಗುತ್ತಿದೆ. ಪ್ರವಾಹದಿಂದಾಗಿ, ರಸ್ತೆಗಳು ದೊಡ್ಡ ಪ್ರಮಾಣದಲ್ಲಿ ಮುರಿದು ಬಿದ್ದಿವೆ. ಅದೇ ಸಮಯದಲ್ಲಿ, ಇದುವರೆಗೆ ಒಟ್ಟು 31 ಜನರು ಸಾವನ್ನಪ್ಪಿದ್ದಾರೆ.

ವಿಪತ್ತು ನಿರ್ವಹಣಾ ಇಲಾಖೆಯ ಪ್ರಕಾರ, ಪ್ರವಾಹ ಪೀಡಿತ ಪ್ರದೇಶಗಳಲ್ಲಿನ ಜನರಿಗಾಗಿ ಆಹಾರ ಒದಗಿಸಲು 350 ಸಮುದಾಯದಿಂದ ಆಹಾರ ಸಿದ್ದತೆ ನಡೆಸಲಾಗುತ್ತಿದೆ. 

ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಮತ್ತು ಜಲಸಂಪನ್ಮೂಲ ಸಚಿವ ಸಂಜಯ್ ಜಾ ಪ್ರವಾಹ ಪೀಡಿತ ಪ್ರದೇಶಗಳ ವಾಯು ಸಮೀಕ್ಷೆಯನ್ನು ನಡೆಸಿದರು. ಗ್ರಾಮೀಣಾಭಿವೃದ್ಧಿ ಇಲಾಖೆ, ರಸ್ತೆ ನಿರ್ಮಾಣ ಇಲಾಖೆ ಮತ್ತು ಗ್ರಾಮೀಣ ಕಾರ್ಯ ವಿಭಾಗದ ಕಾರ್ಯದರ್ಶಿಗಳು ಕೂಡ ಸಂತ್ರಸ್ತ ಪ್ರದೇಶಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಪ್ರವಾಹದಿಂದ 31 ಮಂದಿ ಮೃತ:
ಸರ್ಕಾರದ ಅಂಕಿಅಂಶಗಳ ಪ್ರಕಾರ, ಪ್ರವಾಹದಿಂದಾಗಿ ಇದುವರೆಗೆ 31 ಜನರು ಮೃತಪಟ್ಟಿದ್ದಾರೆ. ಅರೇರಿಯಾದಲ್ಲಿ ಕನಿಷ್ಠ 11 ಜನರು ಸಾವನ್ನಪ್ಪಿದ್ದಾರೆ. ಅದೇ ಸಮಯದಲ್ಲಿ, ಸೀತಾಮರ್ಹಿಯಲ್ಲಿ 10, ಶಿವಾರ್ನಲ್ಲಿ ಒಂದು, ಕಿಶನ್‌ಗಂಜ್ನಲ್ಲಿ ನಾಲ್ಕು, ಮೋತಿಹರಿಯಲ್ಲಿ ಎರಡು, ಮಧುಬಾನಿಯಲ್ಲಿ ಇಬ್ಬರು ಮತ್ತು ದರ್ಭಂಗದಲ್ಲಿ, ಕಿಶನ್‌ಗಂಜ್ ಮತ್ತು ಶಿವಾರ್‌ನಲ್ಲಿ ತಲಾ ಒಬ್ಬರು ಮೃತಪಟ್ಟಿದ್ದಾರೆ. ಮೃತ ಪಟ್ಟ ಎಲ್ಲರ ಕುಟುಂಬಗಳಿಗೆ ನಾಲ್ಕು ಲಕ್ಷ ರೂಪಾಯಿ ಪರಿಹಾರ ಘೋಷಿಸಲಾಗಿದೆ.