ಮುಂಬೈನಲ್ಲಿ ಕೋವಿಡ್ -19 ಪ್ರಕರಣ ಹೆಚ್ಚಳ: ಸೆಪ್ಟೆಂಬರ್ 17ರ ಮಧ್ಯರಾತ್ರಿಯಿಂದ ಸೆಕ್ಷನ್ 144 ಜಾರಿ

ಸಾಂದರ್ಭಿಕ ಚಿತ್ರ

ನವದೆಹಲಿ: ಮುಂಬಯಿಯಲ್ಲಿ ಕೋವಿಡ್ -19 ಪ್ರಕರಣಗಳು ಹೆಚ್ಚುತ್ತಲೇ ಇರುವುದರಿಂದ, ವೈರಸ್ ಹರಡುವಿಕೆಯನ್ನು ತಡೆಗಟ್ಟುವ ಸಲುವಾಗಿ ಸಿಆರ್‌ಪಿಸಿಯ ಸೆಕ್ಷನ್ 144 ಅನ್ನು ಸೆಪ್ಟೆಂಬರ್ 17 ಮಧ್ಯರಾತ್ರಿಯಿಂದ ನಗರದಲ್ಲಿ ವಿಧಿಸಲಾಗಿದೆ.

ಆದರೆ, ಈ ಆದೇಶವು ಆಗಸ್ಟ್ 31 ರಂದು ಅಧಿಕಾರಿಗಳು ಹೊರಡಿಸಿದ ಹಿಂದಿನ ಆದೇಶದ ವಿಸ್ತರಣೆಯಾಗಿದೆ ಮತ್ತು ಹೊಸ ನಿರ್ಬಂಧಗಳನ್ನು ವಿಧಿಸಲಾಗಿಲ್ಲ.ಆದೇಶವನ್ನು ಜಾರಿಗೊಳಿಸಿದ ಕೂಡಲೇ, ಸಾಮಾಜಿಕ ಮಾಧ್ಯಮವು ಗೊಂದಲಕ್ಕೊಳಗಾಯಿತು, ಇದನ್ನು ನಗರದ ಚಲನೆಗೆ ಹೊಸ ನಿರ್ಬಂಧಗಳೆಂದು ತಪ್ಪಾಗಿ ಅರ್ಥೈಸಿಕೊಳ್ಳಲಾಯಿತು.

ಮುಂಬೈ ಪೊಲೀಸ್ ಆದೇಶವು ಅಸ್ತಿತ್ವದಲ್ಲಿರುವ ಆದೇಶಗಳ ವಿಸ್ತರಣೆಯಾಗಿದೆ ಮತ್ತು ಅನ್ಲಾಕ್ ಅಡಿಯಲ್ಲಿ ಎಲ್ಲಾ ವಿನಾಯಿತಿಗಳು ಸೆಪ್ಟೆಂಬರ್ 30 ರವರೆಗೆ ಮುಂಬೈ ನಗರದಲ್ಲಿ ಅನ್ವಯವಾಗುತ್ತವೆ" ಎಂದು ಮುಂಬೈ ಪೊಲೀಸರು ಗುರುವಾರ ವಿಧಿಸಿರುವ ಆದೇಶದ ಬಗ್ಗೆ ಗೊಂದಲವನ್ನು ನಿವಾರಿಸಿದ್ದಾರೆ.

ಸೆಕ್ಷನ್ 144 ಸಿಆರ್‌ಪಿಸಿ ಅಡಿಯಲ್ಲಿ ಹೊರಡಿಸಲಾದ ಆದೇಶವು ಆಗಸ್ಟ್ 31 ರಂದು ಹೊರಡಿಸಲಾದ ಹಿಂದಿನ ಆದೇಶದ ವಿಸ್ತರಣೆಯಾಗಿದೆ. ಮುಂಬೈ ಪೋಲಿಸ್ ಯಾವುದೇ ಹೊಸ ನಿರ್ಬಂಧಗಳನ್ನು ವಿಧಿಸಿಲ್ಲ ದಯವಿಟ್ಟು ಹಂಚಿಕೊಳ್ಳಿ ಮತ್ತು ಭಯಪಡಬೇಡಿ" ಎಂದು ಸಚಿವ ಆದಿತ್ಯ ಠಾಕ್ರೆ ಕೂಡ ಟ್ವೀಟ್ ಮಾಡಿದ್ದಾರೆ.