Most Ordered Foods in 2022: ಸ್ವಿಗ್ಗಿ ಭಾರತದಲ್ಲಿ ಜನಪ್ರಿಯ ಆಹಾರ ವಿತರಣಾ ಕಂಪನಿಯಾಗಿದೆ. ಇದೀಗ ಸ್ವಿಗ್ಗಿ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, 2022 ರಲ್ಲಿ ಭಾರತೀಯರು ಹೆಚ್ಚು ಆರ್ಡರ್ ಮಾಡಿರುವ ಫುಡ್ ಬಗ್ಗೆ ಮಾಹಿತಿ ನೀಡಿದೆ. ವೇದಿಕೆಯ ಪ್ರಕಾರ, ಈ ವರ್ಷ ಹೆಚ್ಚು ಆರ್ಡರ್ ಮಾಡಿದ ಭಕ್ಷ್ಯಗಳ ಪಟ್ಟಿಯಲ್ಲಿ ಬಿರಿಯಾನಿ ಅಗ್ರಸ್ಥಾನದಲ್ಲಿದೆ. ಬಿರಿಯಾನಿ ಪ್ರತಿ ಸೆಕೆಂಡಿಗೆ 2.28 ಆರ್ಡರ್ ಪಡೆದು ಹೊಸ ದಾಖಲೆ ಸೃಷ್ಟಿಸಿರುವುದು ವರದಿಯಲ್ಲಿ ಬಹಿರಂಗವಾಗಿದೆ. ಈ ವರ್ಷ ಪ್ರತಿ ನಿಮಿಷಕ್ಕೆ 137 ಬಿರಿಯಾನಿ ಆರ್ಡರ್‌ಗಳು ಬಂದಿವೆ.
ಇದನ್ನೂ ಓದಿ: Video : ಸೊಂಟ ಬಳಕುವಾಗ... ಕೆಂಪು ಸೀರೆಯಲ್ಲಿ ನೃತ್ಯ ಮಾಡಿ ನಟ್ಟಿಗರ ನಿದ್ದೆ ಕದ್ದ ಬೆಡಗಿ
ಸ್ವಿಗ್ಗಿಯಲ್ಲಿ ಹೆಚ್ಚು ಆರ್ಡರ್ ಮಾಡಿದ ಆಹಾರಗಳ ಪಟ್ಟಿ:
ವರದಿಯ ಪ್ರಕಾರ, ಚಿಕನ್ ಬಿರಿಯಾನಿ, ಮಸಾಲೆ ದೋಸೆ, ಚಿಕನ್ ಫ್ರೈಡ್ ರೈಸ್, ಪನೀರ್ ಬಟರ್ ಮಸಾಲಾ, ಬಟರ್ ನಾನ್, ವೆಜ್ ಫ್ರೈಡ್ ರೈಸ್, ವೆಜ್ ಬಿರಿಯಾನಿ ಮತ್ತು ತಂದೂರಿ ಚಿಕನ್ ಅನ್ನು ಹೆಚ್ಚಾಗಿ ಆರ್ಡರ್ ಮಾಡಲಾಗಿದೆ. ಭಾರತೀಯ ಆಹಾರದ ಹೊರತಾಗಿ, ಜನರು ಇಟಾಲಿಯನ್ ಪಾಸ್ಟಾ, ಪಿಜ್ಜಾ, ಮೆಕ್ಸಿಕನ್ ಬೌಲ್, ಸ್ಪೈಸಿ ರಾಮೆನ್ ಮತ್ತು ಸುಶಿಯನ್ನು ಸಹ ಆರ್ಡರ್ ಮಾಡಿದ್ದಾರೆ. ಇದಲ್ಲದೇ ಭಾರತೀಯರು ಸವಿಯುವ ಹಲವು ಖಾದ್ಯಗಳೂ ಇವೆ.
ಸ್ವಿಗ್ಗಿಯಲ್ಲಿ ಹೆಚ್ಚು ಆರ್ಡರ್ ಮಾಡಿದ ತಿಂಡಿಗಳು:
ಪ್ರತಿ ವರ್ಷದಂತೆ ಈ ವರ್ಷವೂ ಸಮೋಸಗಳ ಅಬ್ಬರ ಜೋರಾಗಿತ್ತು. ಈ ವರ್ಷ ಅತಿ ಹೆಚ್ಚು ಆರ್ಡರ್ ಮಾಡಿದ ತಿಂಡಿಗಳ ಪಟ್ಟಿಯಲ್ಲಿ ಸಮೋಸಾ ಅಗ್ರಸ್ಥಾನದಲ್ಲಿದೆ. ಒಟ್ಟು 4 ಮಿಲಿಯನ್ ಆರ್ಡರ್‌ಗಳನ್ನು ಮಾಡಲಾಗಿದೆ. ಸಮೋಸಾಗಳ ಹೊರತಾಗಿ, ಪಾಪ್‌ಕಾರ್ನ್, ಪಾವ್ ಭಾಜಿ, ಫ್ರೆಂಚ್ ಫ್ರೈಗಳು, ಬೆಳ್ಳುಳ್ಳಿ ಬ್ರೆಡ್‌ಸ್ಟಿಕ್‌ಗಳು, ಹಾಟ್ ವಿಂಗ್‌ಗಳು, ಟ್ಯಾಕೋಗಳು, ಕ್ಲಾಸಿಕ್ ಸ್ಟಫ್ಡ್ ಗಾರ್ಲಿಕ್ ಬ್ರೆಡ್ ಮತ್ತು ಮಿಕ್ಸರ್ ಬಕೆಟ್ ಟಾಪ್‌ನಲ್ಲಿವೆ. ಸಿಹಿತಿಂಡಿಗಳಲ್ಲಿ ಗುಲಾಬ್ ಜಾಮೂನ್ ಅಗ್ರಸ್ಥಾನದಲ್ಲಿದೆ.
ಇದನ್ನೂ ಓದಿ: Rafale Fighter Jet : ಭಾರತಕ್ಕೆ ಬಂದಿಳಿದ 36ನೇ ರಫೇಲ್ ಯುದ್ಧ ವಿಮಾನ
ಸಿಹಿತಿಂಡಿಗಳ ಪಟ್ಟಿಯಲ್ಲಿ ಗುಲಾಬ್ ಜಾಮೂನ್ ಅಗ್ರಸ್ಥಾನದಲ್ಲಿದೆ. 2.7 ಮಿಲಿಯನ್ ಆರ್ಡರ್‌ಗಳೊಂದಿಗೆ ಗುಲಾಬ್ ಜಾಮೂನ್, 1.6 ಮಿಲಿಯನ್ ಆರ್ಡರ್‌ಗಳೊಂದಿಗೆ ರಸ್ ಮಲೈ, 1 ಮಿಲಿಯನ್ ಆರ್ಡರ್‌ಗಳೊಂದಿಗೆ ಚೋಕೊ ಲಾವಾ ಕೇಕ್, ರಸಗುಲ್ಲಾ, ಚೋಕೊಚಿಪ್ಸ್ ಐಸ್‌ಕ್ರೀಂ, ಅಲ್ಫೋನ್ಸೋ ಮ್ಯಾಂಗೋ ಐಸ್ ಕ್ರೀಮ್, ಕಾಜು ಕಟ್ಲಿ, ಟೆಂಡರ್ ಕೋಕೋನಟ್ ಐಸ್‌ಕ್ರೀಮ್ ಹೆಚ್ಚು ಆರ್ಡರ್ ಆಗಿವೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
