ಭುವನೇಶ್ವರ್ ರಾಜಧಾನಿ ಎಕ್ಸ್ ಪ್ರೆಸ್ ಗೆ ಬೆಂಕಿ, ಅಪಾಯದಿಂದ ಪ್ರಯಾಣಿಕರು ಪಾರು

photo:ANI

ನವದೆಹಲಿ: ಒರಿಸ್ಸಾದ ಬಾಲಸೋರ್ ಮತ್ತು ಸೊರೊ ರೈಲ್ವೆ ನಿಲ್ದಾಣಗಳ ನಡುವೆ ಭುವನೇಶ್ವರ್ ರಾಜಧಾನಿ ಎಕ್ಸ್ ಪ್ರೆಸ್ ಗೆ ಆಕಸ್ಮಿಕವಾಗಿ ಶನಿವಾರ ಬೆಂಕಿ ತಗುಲಿದೆ. ಆದರೆ ಅದೃಷ್ಟವಶಾತ್ ರೈಲಿನಲ್ಲಿದ್ದ ಪ್ರಯಾಣಿಕರು ಅಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದುಬಂದಿದೆ.

ಬೆಳಿಗ್ಗೆ 12.50 ರಿಂದ 1 ಗಂಟೆಗೆ ಬೆಂಕಿ ತಗುಲಿದ್ದು, ರೈಲಿನ ಹಿಂಭಾಗದಲ್ಲಿ ಪವರ್ ಕಾರ್ ಗೆ ತೀವ್ರಹಾನಿಯಾಗಿದೆ. ಆದರೆ ಅದು ಮುಂದೆ ಯಾವುದೇ ಬೋಗಿಗಳಿಗೆ ವಿಸ್ತರಿಸಿಲ್ಲ ರೈಲ್ವೇಯಲ್ಲಿದ್ದ ಎಲ್ಲ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಹೊಸದಿಲ್ಲಿಯಿಂದ ಭುವನೇಶ್ವರಕ್ಕೆ ಸಾಗುತ್ತಿದ್ದ ರಾಜಧಾನಿ ಎಕ್ಸ್ ಪ್ರೆಸ್ 22812 ರ ವಿದ್ಯುತ್ ಕಾರ್ನಲ್ಲಿ ಹೊಗೆ ಪತ್ತೆಯಾಗಿದೆ.ಇದು ರೈಲುಗೆ ವಿದ್ಯುತ್ ಪೂರೈಸುವ ಏಕೈಕ ಪವರ್ ಕಾರ್ ಆಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಘಟನೆಯು ದಕ್ಷಿಣ ಪೂರ್ವದ ರೈಲ್ವೇಸ್ನ ಖರಗಪುರದ ವಿಭಾಗದ ಖಂತಪಾಡದಲ್ಲಿ ನಡೆದಿದ್ದು.ಈ ದುರ್ಘಟನೆ ನಡೆದ ನಂತರ ಸ್ಥಳಕ್ಕೆ ಮೂರು ಬೆಂಕಿ ಎಂಜಿನ್ ಆಗಮಿಸಿ ಜ್ವಾಲೆಯನ್ನು ನಂದಿಸಿದವು ಎಂದು ತಿಳಿದುಬಂದಿದೆ.ಈಗ ಸುರಕ್ಷತೆಯ ಕಾರಣಗಳಿಗಾಗಿ ವಿದ್ಯುತ್ ನ್ನು ಕಡಿತಗೊಳಿಸಲಾಗಿದೆ.