ಪಿ. ಚಿದಂಬರಂ ಮತ್ತವರ ಮಗನಿಗೆ 50 ಮಿಲಿಯನ್ ಡಾಲರ್ ನೀಡಲಾಗಿದೆ: ಇಂದ್ರಾಣಿ ಮುಖರ್ಜಿ

ಕೇಂದ್ರೀಯ ತನಿಖಾ ದಳ (ಸಿಬಿಐ) ಐಎನ್‌ಎಕ್ಸ್ ಮೀಡಿಯಾ ಪ್ರಕರಣದಲ್ಲಿ ಶುಕ್ರವಾರ ವಿಶೇಷ ನ್ಯಾಯಾಲಯದಲ್ಲಿ ಚಾರ್ಜ್‌ಶೀಟ್ ದಾಖಲಿಸಿದೆ.   

Updated: Oct 19, 2019 , 09:46 AM IST
ಪಿ. ಚಿದಂಬರಂ ಮತ್ತವರ ಮಗನಿಗೆ 50 ಮಿಲಿಯನ್ ಡಾಲರ್ ನೀಡಲಾಗಿದೆ: ಇಂದ್ರಾಣಿ ಮುಖರ್ಜಿ

ನವದೆಹಲಿ: ಕಾಂಗ್ರೆಸ್ ಹಿರಿಯ ನಾಯಕ ಮತ್ತು ಮಾಜಿ ಹಣಕಾಸು ಸಚಿವ ಪಿ.ಚಿದಂಬರಂ ಮತ್ತು ಅವರ ಪುತ್ರ ಕಾರ್ತಿ ಚಿದಂಬರಂಗೆ ವಿದೇಶದಲ್ಲಿ 50 ಮಿಲಿಯನ್ ಡಾಲರ್ ನೀಡಿದ್ದೇನೆ ಎಂದು ಇಂದ್ರಾಣಿ ಮುಖರ್ಜಿ ಹೇಳಿದ್ದಾರೆ. ಸಾಗರೋತ್ತರದಲ್ಲಿ ಸಿಂಗಾಪುರ, ಮಾರಿಷಸ್, ಬರ್ಮುಡಾ, ಇಂಗ್ಲೆಂಡ್ ಮತ್ತು ಸ್ವಿಟ್ಜರ್ಲೆಂಡ್ ಸೇರಿವೆ. 

ಕೇಂದ್ರೀಯ ತನಿಖಾ ದಳ (ಸಿಬಿಐ) ಐಎನ್‌ಎಕ್ಸ್ ಮೀಡಿಯಾ ಪ್ರಕರಣದಲ್ಲಿ ಶುಕ್ರವಾರ ವಿಶೇಷ ನ್ಯಾಯಾಲಯದಲ್ಲಿ ಚಾರ್ಜ್‌ಶೀಟ್ ದಾಖಲಿಸಿದೆ. ಈ ನಿಟ್ಟಿನಲ್ಲಿ ವಿದೇಶಿಯರಿಗೆ ನ್ಯಾಯಾಂಗ ಸಹಕಾರಕ್ಕಾಗಿ ಪತ್ರ ಬರೆದಿರುವುದಾಗಿ ಸಿಬಿಐ ಹೇಳಿದೆ.

ತನಿಖಾ ಸಂಸ್ಥೆ ನಾಲ್ಕು ಕಂಪನಿಗಳು ಮತ್ತು ಎಂಟು ಜನರ ವಿರುದ್ಧ ಚಾರ್ಜ್‌ಶೀಟ್ ಸಲ್ಲಿಸಿದೆ. ಇದರಲ್ಲಿ ಸೆಕ್ಷನ್ 120 ಬಿ (ಕ್ರಿಮಿನಲ್ ಪಿತೂರಿ), 420 (ವಂಚನೆ), 468 (ಖೋಟಾ), 471 (ನಕಲಿ ದಾಖಲೆಗಳನ್ನು ನಿಜ ಎಂದು ಸಹಿ ಮಾಡುವುದು) ಸೆಕ್ಷನ್ ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ಈ ಪ್ರಕರಣದಲ್ಲಿ ಇಂದ್ರಾಣಿ ಮುಖರ್ಜಿ ಸರ್ಕಾರಿ ಸಾಕ್ಷಿಯಾಗಿದ್ದಾರೆ. ಮಗಳು ಶೀನಾ ಬೋರಾಳನ್ನು ಕೊಂದ ಆರೋಪದ ಮೇಲೆ ಅವರು ಪ್ರಸ್ತುತ ಮುಂಬೈ ಜೈಲಿನಲ್ಲಿರುವ ಇಂದ್ರಾಣಿ ಮುಖರ್ಜಿ, ಲಂಚದ ಮೊತ್ತದ ಬಗ್ಗೆ ಚರ್ಚಿಸಲು ಮಾರ್ಚ್-ಏಪ್ರಿಲ್ 2007 ರಲ್ಲಿ ಪಿ.ಚಿದಂಬರಂ ಅವರನ್ನು ಭೇಟಿಯಾಗಿರುವುದಾಗಿ ಸಿಬಿಐಗೆ ನೀಡಿದ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಐಎನ್ಎಕ್ಸ್ ಮೀಡಿಯಾ ಪ್ರೈ. ಲಿಮಿಟೆಡ್.ನಲ್ಲಿ ಮೇ 2007 ರಲ್ಲಿ 403.07 ಕೋಟಿ ರೂ. ವಿದೇಶಿ ಹೂಡಿಕೆಯ ಬಗ್ಗೆ ಸಿಬಿಐ  ತನಿಖೆ ನಡೆಸುತ್ತಿದೆ.