ತಾಲಿಬಾನ್ ಉಗ್ರರಿಗೆ ತರಬೇತಿ ನೀಡಿ ಭಾರತದ ವಿರುದ್ಧ ISI ಸಂಚು

ನವದೆಹಲಿ: ಕರೋನಾ ಹಾವಳಿಯ ಮಧ್ಯೆಯೂ ಪಾಕಿಸ್ತಾನ (Pakistan) ತನ್ನ ಕುಯುಕ್ತಿ ಬುದ್ದಿಯನ್ನು ಬಿಟ್ಟಿಲ್ಲ. ಗುಪ್ತಚರ ಮೂಲಗಳಿಂದ ಪಡೆದ ಮಾಹಿತಿಯ ಪ್ರಕಾರ ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್‌ಐ (ISI) ತಾಲಿಬಾನ್ ಉಗ್ರರಿಗೆ ತರಬೇತಿ ನೀಡಿದ್ದು ಈಗ ಕಾಶ್ಮೀರದಲ್ಲಿ ತಾಲಿಬಾನ್ ಉಗ್ರರಿಗೆ ನುಸುಳಲು ಸಂಚು ರೂಪಿಸುತ್ತಿದೆ.

ಗಡಿಯುದ್ದಕ್ಕೂ ತಾಲಿಬಾನ್ (Taliban) ಉಗ್ರರನ್ನು ಕಾಶ್ಮೀರ ಕಣಿವೆಗೆ ಕಳುಹಿಸಲು ಪಾಕಿಸ್ತಾನ ಈಗ ಸಂಚು ರೂಪಿಸಿದೆ. ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್‌ಐನ ವಿಶೇಷ ಸೇವಾ ಗುಂಪು ಜಮ್ಮು ಮತ್ತು ಕಾಶ್ಮೀರದಲ್ಲಿ ತಾಲಿಬಾನ್ ಉಗ್ರರಿಗೆ ನುಸುಳಲು ತರಬೇತಿ ನೀಡಿದೆ ಎಂದು ಮಾಹಿತಿ ಲಭ್ಯವಾಗಿದೆ.

ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕ ದಾಳಿಗೆ 'ತಯಾರಿ'!
ಗುಪ್ತಚರ ವರದಿಯ ಪ್ರಕಾರ ಜಮ್ಮು ಮತ್ತು ಕಾಶ್ಮೀರ (Jammu and Kashmir)ದಲ್ಲಿ ದಾಳಿ ನಡೆಸಲು ಪಾಕಿಸ್ತಾನ ಯೋಜಿಸುತ್ತಿದೆ. ಇದಕ್ಕಾಗಿ ಪಾಕಿಸ್ತಾನವು ತಾಲಿಬಾನ್ ಭಯೋತ್ಪಾದಕರನ್ನು ಕಳುಹಿಸಲು ಸಂಚು ರೂಪಿಸುತ್ತಿದೆ. 

ಐಎಸ್ಐನಿಂದ 20 ತಾಲಿಬಾನ್ ಉಗ್ರರಿಗೆ ತರಬೇತಿ:
ವರದಿಯ ಪ್ರಕಾರ  ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕ ದಾಳಿಗಾಗಿ ಐಎಸ್ಐ 20 ತಾಲಿಬಾನ್ ಉಗ್ರರಿಗೆ ತರಬೇತಿ ನೀಡಿದೆ. ಇದರೊಂದಿಗೆ ಜಮ್ಮು ಮತ್ತು ಕಾಶ್ಮೀರದಲ್ಲಿ ದಾಳಿ ನಡೆಸಲು ಭಯೋತ್ಪಾದಕರು  ಗುಂಪು ಗುಂಪಾಗಿ ಭಾರತದ ಗಡಿ ಒಳಗೆ ನುಸುಳುವ ಯೋಜನೆಗಳನ್ನು ರೂಪಿಸುತ್ತಿದ್ದಾರೆ.

ಮೂಲಗಳ ಪ್ರಕಾರ ಕಾಶ್ಮೀರ ಕಣಿವೆಯಲ್ಲಿ ಶ್ರೀನಗರ, ಸೊಪೋರ್ ಮತ್ತು ಕುಪ್ವಾರಾ ಹೆದ್ದಾರಿಗಳು ಭಯೋತ್ಪಾದಕರ ಗುರಿಯಲ್ಲಿವೆ. ಭಯೋತ್ಪಾದಕರ ಗುಂಪು ಅನಂತ್‌ನಾಗ್‌ನ ಬಿಜ್‌ಬೆಹ್ರಾದಲ್ಲಿ ಶಸ್ತ್ರಾಸ್ತ್ರಗಳನ್ನು ಕಸಿದುಕೊಳ್ಳಲು ಯೋಜಿಸುತ್ತಿದೆ. ಇದರಿಂದಾಗಿ ಜರಿ ಮತ್ತು ಕಾಶ್ಮೀರ ಪೊಲೀಸರನ್ನು ಯಾರಿಪೋರಾ, ಕುಲ್ಗಮ್ ಮತ್ತು ಖಾಜಿಗುಂಡ್‌ನಲ್ಲಿ ದಾಳಿ ಮಾಡಬಹುದು ಎಂದು ಉಗ್ರರು ಪ್ಲಾನ್ ಮಾಡಿದ್ದಾರೆ. ಅದೇ ಸಮಯದಲ್ಲಿ ಶ್ರೀನಗರದ ಪಂಥಾ ಚೌಕ್ ಸುತ್ತ ಆತ್ಮಾಹುತಿ ದಾಳಿ ನಡೆಸಬಹುದೆಂಬ ಶಂಕೆ ಕೂಡ ವ್ಯಕ್ತವಾಗುತ್ತಿದೆ.

ಅದೇ ಸಮಯದಲ್ಲಿ ಪುಲ್ವಾಮಾದಲ್ಲಿ ಪತ್ತೆಯಾದ ಕಾರಿನ ಮಾಲೀಕರು ಪತ್ತೆಯಾಗಿದ್ದಾರೆ. ಕಾರಿನ ನಂಬರ್ ಹೊಂದಿರುವ ಬೈಕು ಕೂಡ ವಶಪಡಿಸಿಕೊಳ್ಳಲಾಗಿದೆ. ಈಗ ಕಾಶ್ಮೀರದಲ್ಲಿ ತಾಲಿಬಾನ್ ಉಗ್ರರಿಗೆ ನುಸುಳುವ ಪಾಕಿಸ್ತಾನದ ತಂತ್ರ ಹೊರಬರುತ್ತಿದ್ದು ಕಣಿವೆ ರಾಜ್ಯದಲ್ಲಿ ಅಲರ್ಟ್ ಆಗಿ ಇರುವಂತೆ ಭದ್ರತಾ ಪಡೆಗಳಿಗೆ ಸೂಚಿಸಲಾಗಿದೆ.