ನಿಮಗೂ ಉಚಿತ ಎಲ್‌ಪಿಜಿ ಸಿಲಿಂಡರ್‌ಗಳು ಬೇಕಿದ್ದರೆ ಈ ಯೋಜನೆಯ ಸದಸ್ಯರಾಗಿ...!

ನವದೆಹಲಿ: ಕರೋನವೈರಸ್ ಕಾರಣ ಪ್ರಧಾನ್ ಮಂತ್ರಿ ಉಜ್ವಾಲಾ ಯೋಜನೆ (Pradhan Mantri Ujwala Yojana) ಅಡಿಯಲ್ಲಿ ಸೆಪ್ಟೆಂಬರ್ ವೇಳೆಗೆ ಉಚಿತ  ಎಲ್‌ಪಿಜಿ ಸಿಲಿಂಡರ್ (Gas Cylinder) ‌ ನೀಡಲು ಸರ್ಕಾರ ನಿರ್ಧರಿಸಿದೆ. ಅಂದರೆ ಮೂರನೇ ಸಿಲಿಂಡರ್ ತೆಗೆದುಕೊಳ್ಳದ ಯಾರಾದರೂ ಅದನ್ನು ಸೆಪ್ಟೆಂಬರ್ ವರೆಗೆ ಉಚಿತವಾಗಿ ತೆಗೆದುಕೊಳ್ಳಬಹುದು. ನಿಮಗೆ ಇನ್ನೂ ಈ ಯೋಜನೆಗೆ ಸೇರಲು ಸಾಧ್ಯವಾಗದಿದ್ದರೆ, ಅದಕ್ಕಾಗಿ ಅರ್ಜಿ ಸಲ್ಲಿಸುವ ವಿಧಾನವು ತುಂಬಾ ಸುಲಭ. ಬಿಪಿಎಲ್ ಕುಟುಂಬದ ಮಹಿಳೆ ಪ್ರಧಾನ್ ಮಂತ್ರಿ ಉಜ್ಜಲ ಯೋಜನೆಯಡಿ  ಗ್ಯಾಸ್ ಸಂಪರ್ಕ ಪಡೆಯಲು ಅರ್ಜಿ ಸಲ್ಲಿಸಬಹುದು.

ಬಿಪಿಎಲ್ ಕುಟುಂಬ: 
ಪ್ರಧಾನಿ ಉಜ್ವಾಲಾ ಯೋಜನೆಯಡಿ ಬಿಪಿಎಲ್ ಕುಟುಂಬಗಳಿಗೆ ದೇಶೀಯ ಎಲ್‌ಪಿಜಿ  (LPG) ಸಂಪರ್ಕವನ್ನು ಒದಗಿಸುತ್ತದೆ. ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು ಈ ಯೋಜನೆಯನ್ನು ನಡೆಸುತ್ತಿದೆ. 2011ರ ಜನಗಣತಿಯಲ್ಲಿರುವ ಬಿಪಿಎಲ್ ಕುಟುಂಬಗಳು ಉಜ್ವಲಾ ಯೋಜನೆಯ ಲಾಭವನ್ನು ಪಡೆಯುತ್ತಿವೆ. ಅಂತಹ ಸುಮಾರು 8 ಕೋಟಿ ಕುಟುಂಬಗಳು ಇದರಿಂದ ಪ್ರಯೋಜನ ಪಡೆದಿವೆ. ಪಿಎಂಯುವೈ ಅನ್ನು ಪ್ರಧಾನಿ ನರೇಂದ್ರ ಮೋದಿ ಅವರು 1 ಮೇ 2016 ರಂದು ಪ್ರಾರಂಭಿಸಿದರು.

5 ಕೆಜಿ ಸಿಲಿಂಡರ್:
ಉಜ್ವಲಾ ಸ್ಕೀಮ್ ವೆಬ್‌ಸೈಟ್‌ನಿಂದ ಪ್ರಧಾನಿ ಫಾರ್ಮ್ ಡೌನ್‌ಲೋಡ್ ಮಾಡಿಕೊಳ್ಳುವ ಮೂಲಕ ಈ ಯೋಜನೆಯಡಿ ಬಿಪಿಎಲ್ ಕುಟುಂಬದ ಮಹಿಳೆಯರು ಕೆವೈಸಿ ಫಾರ್ಮ್ ಅನ್ನು ಭರ್ತಿ ಮಾಡಿ ಹತ್ತಿರದ ಗ್ಯಾಸ್ ಏಜೆನ್ಸಿಗೆ ಸಲ್ಲಿಸಬೇಕಾಗುತ್ತದೆ. ಇದಕ್ಕಾಗಿ ಜನ ಧನ್ ಬ್ಯಾಂಕ್ ಖಾತೆ ಸಂಖ್ಯೆ, ಆಧಾರ್ ಸಂಖ್ಯೆ ಅಗತ್ಯವಿದೆ. ಅರ್ಜಿ ಸಲ್ಲಿಸುವಾಗ 14.2 ಕೆಜಿ ಸಿಲಿಂಡರ್ ಮತ್ತು 5 ಕೆಜಿ  ಸಿಲಿಂಡರ್ ಅಗತ್ಯವಿದೆಯೇ ಎಂದು ಹೇಳಬೇಕು. 

ಕರೋನಾ ಅವಧಿಯಲ್ಲಿ ಬಡವರಿಗೆ ಆರ್ಥಿಕ ಭದ್ರತೆ ಒದಗಿಸುವ ಸಲುವಾಗಿ ಕೇಂದ್ರ ಸರ್ಕಾರ ಪಿಎಂಜಿಕೆವೈ ಅನ್ನು ಪರಿಹಾರ ಪ್ಯಾಕೇಜ್‌ನಂತೆ ಪ್ರಾರಂಭಿಸಿತು. ಈ ಪ್ಯಾಕೇಜ್ ಅಡಿಯಲ್ಲಿ ಉಜ್ವಲಾ ಫಲಾನುಭವಿಗಳಿಗೆ ಏಪ್ರಿಲ್ 1 ರಿಂದ ಮೂರು ತಿಂಗಳ ಅವಧಿಯಲ್ಲಿ 3 ಗ್ಯಾಸ್ ಸಿಲಿಂಡರ್‌ಗಳನ್ನು ಉಚಿತವಾಗಿ ಬುಕ್ ಮಾಡುವ ಸೌಲಭ್ಯವನ್ನು ಒದಗಿಸಲಾಯಿತು.

3 ಸಿಲಿಂಡರ್ ಉಚಿತ:
ಮೊದಲು ನೀಡಿದ್ದ ಮೂರು ತಿಂಗಳ ಅವಧಿ ಮುಕ್ತಾಯಗೊಂಡಿದ್ದು ಈಗ ಸರ್ಕಾರ ಅದನ್ನು ಇನ್ನೂ 3 ತಿಂಗಳು ವಿಸ್ತರಿಸಿದೆ. ಉಜ್ವಲಾದ ಫಲಾನುಭವಿಗಳಿಗೆ 3 ಸಿಲಿಂಡರ್‌ಗಳನ್ನು ಉಚಿತವಾಗಿ ನೀಡುವುದಾಗಿ ಘೋಷಿಸಲಾಯಿತು.

ಆದರೆ ಎಲ್ಲರೂ ಮೊದಲ ತಿಂಗಳಲ್ಲಿ ಸಿಲಿಂಡರ್ ತೆಗೆದುಕೊಂಡರು, ಎರಡನೇ ತಿಂಗಳು ಕೂಡ ತೆಗೆದುಕೊಂಡರು. ಈಗ ಜನರು ಮೂರನೇ ತಿಂಗಳು ತೆಗೆದುಕೊಳ್ಳಲು ಸಾಧ್ಯವಾಗಲಿಲ್ಲ. ಇದೀಗ 3 ಸಿಲಿಂಡರ್‌ಗಳನ್ನು ಉಚಿತವಾಗಿ ತೆಗೆದುಕೊಳ್ಳುವ ಗಡುವನ್ನು ಸೆಪ್ಟೆಂಬರ್ ವರೆಗೆ ವಿಸ್ತರಿಸಲಾಗಿದೆ.