ಬಳ್ಳಾರಿ ‘ನವಶಕ್ತಿ ಸಮಾವೇಶ’ದ ಯಶಸ್ಸು ಕಾಂಗ್ರೆಸ್ ಪಕ್ಷಕ್ಕೆ ತಳಮಳ ಮೂಡಿಸಿದೆ: ಬಿಜೆಪಿ

ಬೆಂಗಳೂರು: ಬಳ್ಳಾರಿಯಲ್ಲಿ ಹಮ್ಮಿಕೊಂಡಿದ್ದ ನವಶಕ್ತಿ ಸಮಾವೇಶದ ಅಭೂತಪೂರ್ವ ಯಶಸ್ಸು ಕಾಂಗ್ರೆಸ್ ಪಕ್ಷದೊಳಗೆ ತಳಮಳ ಮೂಡಿಸಿದೆ ಎಂದು ಬಿಜೆಪಿ ಟೀಕಿಸಿದೆ. ಈ ಬಗ್ಗೆ ಸೋಮವಾರ ಸರಣಿ ಟ್ವೀಟ್ ಮಾಡಿರುವ ಬಿಜೆಪಿ, ‘ಇದರಿಂದ ಹತಾಶಗೊಂಡಿರುವ ಕಾಂಗ್ರೆಸ್ ತಾನೂ ಕೂಡ ಸಮಾವೇಶ ಮಾಡಲು ಮುಂದಾಗುತ್ತಿದೆ. ಇದು ಎಸ್‌ಸಿ/ಎಸ್‌ಟಿ ಸಮುದಾಯಗಳ ಕಲ್ಯಾಣಕ್ಕಾಗಿ ಬಿಜೆಪಿ ಮಾಡುತ್ತಿರುವ ಸಾರ್ಥಕ ಪ್ರಯತ್ನಗಳಿಗೆ ಸಂದ ಬಹುದೊಡ್ಡ ಜಯವಾಗಿದೆ’ ಎಂದು ಹೇಳಿದೆ.

‘ಕಾಂಗ್ರೆಸ್‌ ಪಕ್ಷದಲ್ಲಿ ವ್ಯಕ್ತಿ ಪೂಜೆ ಪ್ರಧಾನವಾಗುತ್ತಿದೆ. ಸಿದ್ದರಾಮಯ್ಯನವರಿಗೆ 75 ವರ್ಷ ಪೂರೈಸುವ ಮುನ್ನವೇ ಶಕ್ತಿ ಪ್ರದರ್ಶನಕ್ಕಾಗಿ ಕಾಂಗ್ರೆಸ್ ಅಮೃತ ಮಹೋತ್ಸವ ಸಮಾವೇಶ ಮಾಡಿತ್ತು. ವ್ಯಕ್ತಿಗಳನ್ನು ಪೂಜಿಸುವ ಪಕ್ಷದಲ್ಲಿ ಸಮುದಾಯಗಳ ಕಲ್ಯಾಣ ಹೇಗೆ ಸಾಧ್ಯ? ಪರಿಶಿಷ್ಟರ ಸಮಸ್ಯೆಗಳು ಇವರಿಗೆ ಅರ್ಥವಾಗಲು ಹೇಗೆ ಸಾಧ್ಯ?’ ಎಂದು ಬಿಜೆಪಿ ಪ್ರಶ್ನಿಸಿದೆ.

ಕಾಂಗ್ರೆಸ್‌ ಪಕ್ಷದಲ್ಲಿ ವ್ಯಕ್ತಿ ಪೂಜೆ ಪ್ರಧಾನವಾಗುತ್ತಿದೆ.@siddaramaiah ಅವರಿಗೆ 75 ವರ್ಷ ಪೂರೈಸುವ ಮುನ್ನವೇ ಶಕ್ತಿ ಪ್ರದರ್ಶನಕ್ಕಾಗಿ @INCKarnataka ಅಮೃತ ಮಹೋತ್ಸವ ಸಮಾವೇಶ ಮಾಡಿತ್ತು.

ವ್ಯಕ್ತಿಗಳನ್ನು ಪೂಜಿಸುವ ಪಕ್ಷದಲ್ಲಿ ಸಮುದಾಯಗಳ ಕಲ್ಯಾಣ ಹೇಗೆ ಸಾಧ್ಯ?

ಪರಿಶಿಷ್ಟರ ಸಮಸ್ಯೆಗಳು ಇವರಿಗೆ ಅರ್ಥವಾಗಲು ಹೇಗೆ ಸಾಧ್ಯ?

— BJP Karnataka (@BJP4Karnataka) November 22, 2022

ಇದನ್ನೂ ಓದಿ: ಯಾವ ಧರ್ಮವೂ ಹಿಂಸೆಯನ್ನು ಪ್ರಚೋದಿಸುವುದಿಲ್ಲ : ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ

‘ಪರಿಶಿಷ್ಟರನ್ನು ಸಮಾಜದ ಮುಖ್ಯವಾಹಿನಿಗೆ ತರಲು ನ್ಯಾ.ನಾಗಮೋಹನ ದಾಸ್ ವರದಿ ನೀಡಿದ್ದರು. ಈ ವರದಿಯನ್ನು ಜಾರಿ ಮಾಡಲು ಕಾಂಗ್ರೆಸ್ ತಿಣುಕಾಡಿತು. ಪರಿಶಿಷ್ಟರ ಏಳಿಗೆಗೆ ಏನೂ ಮಾಡದೇ, ಆ ಸಮುದಾಯವನ್ನು ವೋಟ್ ಬ್ಯಾಂಕ್ ಆಗಿ ಬಳಸಿಕೊಂಡ ಸಿದ್ದರಾಮಯ್ಯನವರು ಈಗ 'ಓಲೈಕೆ ಸಮಾವೇಶ'ಕ್ಕೆ ಕೈ ಹಾಕುತ್ತಿರುವುದು ಪರಮ ನಾಚಿಕೆಗೇಡಿನ ಸಂಗತಿ’ ಅಂತಾ ಬಿಜೆಪಿ ಟೀಕಿಸಿದೆ.

ಕಾಂಗ್ರೆಸ್‌ ಪಕ್ಷದಲ್ಲಿರುವಂತೆ ವ್ಯಕ್ತಿ ಪೂಜೆಯಾಗಲೀ, ಓಲೈಕೆ ರಾಜಕಾರಣವಾಗಲೀ ಬಿಜೆಪಿಯಲ್ಲಿ ಇಲ್ಲ.

ಪರಿಶಿಷ್ಟ ಜಾತಿ, ಪಂಗಡದ ಅಭಿವೃದ್ಧಿಗೆ ಅವಿರತವಾಗಿ ಶ್ರಮಿಸುವ ಮೂಲಕವೇ ಆ ಸಮುದಾಯವನ್ನು ಗೌರವಿಸುತ್ತಿದ್ದೇವೆ.

ಯಾವ ಪ್ರಯತ್ನಗಳನ್ನು ಮಾಡದೆ ಖಾಲಿ ಕೊಡದಂತೆ ಸದ್ದು ಮಾಡುವ @INCKarnataka ಕಪಟ ಬುದ್ಧಿ ಈಗ ಜಗಜ್ಜಾಹೀರಾಗುತ್ತಿದೆ.

— BJP Karnataka (@BJP4Karnataka) November 22, 2022

‘ಕಾಂಗ್ರೆಸ್‌ ಪಕ್ಷದಲ್ಲಿರುವಂತೆ ವ್ಯಕ್ತಿ ಪೂಜೆಯಾಗಲೀ, ಓಲೈಕೆ ರಾಜಕಾರಣವಾಗಲೀ ಬಿಜೆಪಿಯಲ್ಲಿ ಇಲ್ಲ. ಪರಿಶಿಷ್ಟ ಜಾತಿ, ಪಂಗಡದ ಅಭಿವೃದ್ಧಿಗೆ ಅವಿರತವಾಗಿ ಶ್ರಮಿಸುವ ಮೂಲಕವೇ ಆ ಸಮುದಾಯವನ್ನು ಗೌರವಿಸುತ್ತಿದ್ದೇವೆ. ಯಾವ ಪ್ರಯತ್ನಗಳನ್ನು ಮಾಡದೆ ಖಾಲಿ ಕೊಡದಂತೆ ಸದ್ದು ಮಾಡುವ ಕಾಂಗ್ರೆಸ್ ಕಪಟ ಬುದ್ಧಿ ಈಗ ಜಗಜ್ಜಾಹೀರಾಗುತ್ತಿದೆ’ ಎಂದು ಬಿಜೆಪಿ ಟೀಕಾಪ್ರಹಾರ ನಡೆಸಿದೆ.

ಇದನ್ನೂ ಓದಿ: ಕಾಂಗ್ರೆಸ್ ಪಕ್ಷ ಸೇರಿದ ಯು.ಬಿ. ಬಣಕಾರ್, ಶ್ರೀನಿವಾಸ್, ಮಲ್ಲಿಕಾರ್ಜುನ ರೋಣಿ

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.