close

News WrapGet Handpicked Stories from our editors directly to your mailbox

ಚಿತ್ರದುರ್ಗದಲ್ಲಿ ಮಾನವ ರಹಿತ ಡಿಆರ್‌ಡಿಒ ಯುದ್ಧ ವಿಮಾನ ಪತನ

ಪತನಗೊಂಡಿರುವ ವಿಮಾನದ ಮೇಲೆ  ತಪಾಸ್-4 ಎಡಿಇ 19 ಎಂದು ಬರೆಯಲಾಗಿದೆ. 

Yashaswini V Yashaswini V | Updated: Sep 17, 2019 , 10:44 AM IST
ಚಿತ್ರದುರ್ಗದಲ್ಲಿ ಮಾನವ ರಹಿತ ಡಿಆರ್‌ಡಿಒ ಯುದ್ಧ ವಿಮಾನ ಪತನ
Photo Credits: ANI

ಚಿತ್ರದುರ್ಗ: ರಕ್ಷಣಾ ಸಂಶೋಧನಾ ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಗೆ ಸೇರಿದ ಮಾನವ ರಹಿತ ಲಘು ವಿಮಾನ ಚಿತ್ರದುರ್ಗ ತಾಲ್ಲೂಕಿನ ಜೋಡಿ ಚಿಕ್ಕೇನಹಳ್ಳಿ ಸಮೀಪ ಪತನಗೊಂಡಿದೆ.

ರಕ್ಷಣಾ ಸಂಶೋಧನಾ ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಗೆ ಸೇರಿದ 'ತಪಾಸ್-4 ಎಡಿಇ 19' ಮಾನವ ರಹಿತ ಲಘು ವಿಮಾನವನ್ನು ಪ್ರಾಯೋಗಿಕವಾಗಿ ಇಂದು ಚಿತ್ರದುರ್ಗದ  ಡಿಆರ್‌ಡಿಒ ಕೇಂದ್ರದಿಂದ ಹಾರಿಸಲಾಗಿತ್ತು. ದೇಶದ ಗಡಿ ಪ್ರದೇಶ ಹಾಗೂ ನೌಕಾ ಸೇನೆಗೆ ಸೇರಿಸುವ ಉದ್ದೇಶದಿಂದ ಡಿಆರ್‌ಡಿಒ ಮಾನವ ರಹಿತ ಯುದ್ದ ವಿಮಾನವನ್ನು ಅಭಿವೃದ್ಧಿ ಮಾಡುತ್ತಿತ್ತು. ಈ ಹಿಂದೆ ನಡೆಸಿದ ಹಲವು ಪರೀಕ್ಷೆಗಳಲ್ಲಿ ಇದು ಯಶಸ್ವಿಯಾಗಿತ್ತು.

ಇಂದು ನಸುಕಿನ ವೇಳೆ ಚಳ್ಳಕೆರೆ ತಾಲ್ಲೂಕಿನ ಕುದಾಪುರದ ಡಿಆರ್‌ಡಿಒ ಕೇಂದ್ರದಲ್ಲಿ ಹಾರಿಸಲಾದ ಈ ವಿಮಾನ ಹಾಸನದ ವಾಯುನೆಲೆ ವರೆಗೂ ಹೋಗಿ ಚಳ್ಳಕೆರೆಗೆ ಹಿಂದಿರುಗಬೇಕಿತ್ತು. ಆದರೆ ಮುಂಜಾನೆ ಸುಮಾರು 6:30ರ ಸುಮಾರಿಗೆ ವಿಮಾನವು ರೇಡಾರ್ ಸಂಪರ್ಕ ಕಳೆದುಕೊಂಡಿತ್ತು. ಸಂಪರ್ಕ ಕಡಿತಗೊಂಡ 15 ನಿಮಿಷಗಳಲ್ಲಿ ಅದು ನೆಲಕ್ಕೆ ಅಪ್ಪಳಿಸಿದೆ ಎಂದು ಮೂಲಗಳಿಂದ ಮಾಹಿತಿ ಲಭಿಸಿದೆ.

ಪತನಗೊಂಡಿರುವ ವಿಮಾನದ ಮೇಲೆ  ತಪಾಸ್-4 ಎಡಿಇ 19 ಎಂದು ಬರೆಯಲಾಗಿದೆ.