ಲೈಂಗಿಕ ಕ್ರಿಯೆ ವೇಳೆ ಹೃದಯಾಘಾತದಿಂದ ವೃದ್ಧ ಸಾವು: ಗಂಡನ ಸಹಾಯದಿಂದ ಮೃತ ದೇಹ ಸಾಗಿಸಿದ್ದ ಮಹಿಳೆ..!?

Elderly Death During Sex

ಬೆಂಗಳೂರು: ಅನೈತಿಕ ಸಂಬಂಧ ಹೊಂದಿದ್ದ ಮಹಿಳೆ ಜೊತೆ ಲೈಂಗಿಕ‌ ಕ್ರಿಯೆ ನಡೆಸುವಾಗ ಹೃದಯಾಘಾತದಿಂದ ವೃದ್ಧನೊಬ್ಬ ಮೃತಪಟ್ಟಿದ್ದಾನೆ. ಜೆ.ಪಿ.ನಗರದ ಪುಟ್ಟೇನಹಳ್ಳಿಯ ನಿವಾಸಿ ಬಾಲಸುಬ್ರಮಣಿಯನ್ (67) ಮೃತಪಟ್ಟವ.

ಇದನ್ನೂ ಓದಿ: Income Tax: ಮನೆಯಲ್ಲಿ ಈ ಮಿತಿಗಿಂತ ಹೆಚ್ಚು ಹಣವಿಟ್ಟರೆ ಭಾರೀ ಸಮಸ್ಯೆ: ಈಗಲೇ ತಿಳಿದುಕೊಳ್ಳಿ ನಿಯಮ

ಬಾಲಸುಬ್ರಮಣಿಯನ್ ಮನೆಗೆಲಸ ಮಾಡುವ ಮಹಿಳೆಯೊಬ್ಬರ ಜೊತೆ ಅನೈತಿಕ ಸಂಬಂಧ ಹೊಂದಿದ್ದ. ಇದೇ ನವೆಂಬರ್​ 16 ರಂದು ಮೊಮ್ಮಗನನ್ನ ಶಾಲೆಗೆ ಬಿಟ್ಟು ಬಳಿಕ ಮಹಿಳೆಯ ಮನೆಗೆ ತೆರಳಿದ್ದ. ಮನೆಗೆ ಕರೆ ಮಾಡಿದ್ದ ವೃದ್ಧ ಸ್ವಲ್ಪ ಕೆಲಸ ಇದೆ. ಮನೆಗೆ ತಡವಾಗಿ ಬರುತ್ತೇನೆ ಎಂದಿದ್ದ.

ಆದರೆ ಬೆಳಗ್ಗೆಯಾದರೂ ಬಾಲಸುಬ್ರಮಣಿಯನ್ ಮನೆಗೆ ವಾಪಸ್ಸಾಗಿರಲಿಲ್ಲ. ಹೀಗಾಗಿ ಮನೆಯವರು ನವೆಂಬರ್​ 17 ರಂದು ಪೊಲೀಸ್​ ಠಾಣೆಗೆ ಬಾಲಸುಬ್ರಮಣಿಯನ್ ಕಾಣೆಯಾಗಿದ್ದಾರೆ ಎಂದು ದೂರು ಸಲ್ಲಿಸಿದ್ದರು.  ಈ ಸಂಬಂಧ ಪೊಲೀಸರು ಶಂಕೆಯ ಮೇರೆಗೆ ಮಹಿಳೆಯನ್ನ ವಿಚಾರಣೆ ನಡೆಸಿದಾಗ ನಡೆದ ಸಂಗತಿಯೆಲ್ಲ ಬಾಯಿ ಬಿಟ್ಟಿದ್ದಾಳೆ.

ಮಹಿಳೆ ಜೊತೆ ಬಾಲಸುಬ್ರಮಣಿಯನ್ ದೈಹಿಕ ಸಂಪರ್ಕ ಹೊಂದಿದಾಗ ಹೃದಯಾಘಾತವಾಗಿ ಅಲ್ಲೇ ಮೃತಪಟ್ಟಿದ್ದಾರೆ. ಇದರಿಂದ ಮಹಿಳೆಗೆ ಭಯ ಶುರುವಾಗಿತ್ತು. ಈ ಸಂಗತಿಯನ್ನ ಮಹಿಳೆ ತಕ್ಷಣ ತನ್ನ ಪತಿಗೆ ತಿಳಿಸಿದ್ದಾಳೆ. ಬಾಲಸುಬ್ರಮಣಿಯನ್ ದೇಹ ಮನೆಯಲ್ಲಿದ್ದರೆ ಕೊಲೆ ಎಂದು ಕೇಸ್ ಆಗುತ್ತೆ ಎಂದು ಹೆದರಿ ಮೃತದೇಹವನ್ನ ಮಹಿಳೆ, ಪತಿ ಹಾಗೂ ಇನ್ನೊಬ್ಬ ಸಂಬಂಧಿ ಸೇರಿ ಬೆಡ್​ಶೀಟ್​ನಲ್ಲಿ ಸುತ್ತಿ ಕಟ್ಟಿದ್ದಾರೆ. ನಂತರ ಪ್ಲಾಸ್ಟಿಕ್​ ಬ್ಯಾಗ್​ನಲ್ಲಿ ತುಂಬಿ  ಮೃತದೇಹವನ್ನ ಜೆ.ಪಿ.ನಗರದ ನಿರ್ಜನ ಪ್ರದೇಶದ ರಸ್ತೆ ಬದಿಯಲ್ಲಿ ಎಸೆದು ಹೋಗಿದ್ದರು.

ಇದನ್ನೂ ಓದಿ: Free Netflix ಮತ್ತು Amazon Prime ನೊಂದಿಗೆ ಅನಿಯಮಿತ ಕರೆ ನೀಡುತ್ತೆ Jioದ ಈ ಅಗ್ಗದ ಪ್ಲಾನ್‌!

ಸದ್ಯ ಸಾಕ್ಷಿನಾಶ ಕೇಸ್ ಅಡಿ ಮಹಿಳೆ ಮತ್ತು ಪತಿ ಮೇಲೆ ಪುಟ್ಟೇನಹಳ್ಳಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದರು. ಸದ್ಯ ಮಹಿಳೆ ಮತ್ತು ಪತಿ ಜಾಮೀನು ಪಡೆದು ಹೊರ ಬಂದಿದ್ದಾರೆ ಎನ್ನಲಾಗಿದೆ.