Lok Sabha election 2024: "ಎಲೆಕ್ಟ್ರೋಲ್ ಬಾಂಡ್ ಗಳ ಮೂಲಕ ಪ್ರಧಾನಿ ಮೋದಿಯವರ ಮುಖವಾಡ ಕಳಚಿದೆ"

ವಿಜಯಪುರ: ಎಲೆಕ್ಟ್ರೋಲ್ ಬಾಂಡ್ ಗಳ ಮೂಲಕವೇ ಸುಮಾರು 7,500 ಕೋಟಿ ರೂ.ಗಳ ಅಕ್ರಮ ನಡೆಸಿ,  ಮೋದಿಯವರು ಭ್ರಷ್ಟಾಚಾರಕ್ಕೆ ಹೊಸ ಭಾಷ್ಯ ಬರೆದಿದ್ದಾರೆ. ಅವರ ಮುಖವಾಡ ಕಳಚಿದೆ ಎಂದು ಸಚಿವ ಎಂ.ಬಿ.ಪಾಟೀಲ್ ಎಂದು ಅವರು ವಾಗ್ದಾಳಿ ನಡೆಸಿದ್ದಾರೆ.

ಅವರು ಬಬಲೇಶ್ವರ ಮತ ಕ್ಷೇತ್ರದ  ಮಮದಾಪೂರ ದಲ್ಲಿ ಭರ್ಜರಿ ಪ್ರಚಾರ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡುತ್ತಿದ್ದರು.

ಬಬಲೇಶ್ವರ ಮತ ಕ್ಷೇತ್ರದ ಮಮದಾಪೂರ ದಲ್ಲಿ ಭರ್ಜರಿ ಪ್ರಚಾರ
‘ಶ್ರೀ ರಾಜು ಆಲಗೂರ ಅವರನ್ನು ಗೆಲ್ಲಿಸಿ ನನ್ನ ಕೈ ಬಲಪಡಿಸಿ!’

ಲೋಕಸಭೆಯಲ್ಲಿ ವಿಜಯಪುರದ ಧ್ವನಿಯಾಗಲು ಶ್ರೀ ರಾಜು ಆಲಗೂರ ಅವರಿಗೆ ಮತದಾನ ಮಾಡುವಂತೆ ಮನವಿ ಮಾಡಿದೆ.

ಕಾಂಗ್ರೆಸ್ ಜನರ ಬದುಕನ್ನು ಕಟ್ಟಿಕೊಡುವ ಕೆಲಸ ಮಾಡುತ್ತಿದೆ. #ಮಮದಾಪೂರ ಕೆರೆ ತುಂಬಿಸಿದ್ದು ಒಂದು ಉದಾಹರಣೆ… pic.twitter.com/ySC4pcoxa9

— M B Patil (@MBPatil) April 13, 2024

ಈ ಕುರಿತಾಗಿ ಮಾತನಾಡಿದ ಅವರು "ಲೋಕಸಭೆಯಲ್ಲಿ ವಿಜಯಪುರದ ಧ್ವನಿಯಾಗಲು ಶ್ರೀ ರಾಜು ಆಲಗೂರ ಅವರಿಗೆ ಮತದಾನ ಮಾಡುವಂತೆ  ಮನವಿ ಮಾಡಿದೆ ಎಂದು ಹೇಳಿದರು.ಕಾಂಗ್ರೆಸ್ ಜನರ ಬದುಕನ್ನು ಕಟ್ಟಿಕೊಡುವ ಕೆಲಸ ಮಾಡುತ್ತಿದೆ. ಮಮದಾಪೂರ ಕೆರೆ ತುಂಬಿಸಿದ್ದು ಒಂದು ಉದಾಹರಣೆ ಮಾತ್ರ. ಇದೇ ರೀತಿ ಎಲ್ಲ ಕೆಲಸಗಳು ಸುಗಮವಾಗಿ ಆಗಲು ಕಾಂಗ್ರೆಸ್ ಪಕ್ಷವನ್ನು ಬೆಂಬಲಿಸಿ ಎಂದು ಅವರು ಆಗ್ರಹಿಸಿದರು.

ರಾಜು ಆಲಗೂರ ವಿದ್ಯಾವಂತರಿದ್ದಾರೆ, ಬುದ್ಧಿವಂತರಿದ್ಧಾರೆ. ಇಂಗ್ಲಿಷ್ ಹಿಂದಿ ಎಲ್ಲವನ್ನೂ ಸರಾಗವಾಗಿ ಮಾತನಾಡಬಲ್ಲರು. ಶ್ರೀ ರಮೇಶ್ ಜಿಗಜಿಣಗಿಯವರು 2 ಬಾರಿ ಸಂಸದರಾದರೂ ಸಂಸತ್ತಿನಲ್ಲಿ ನಮ್ಮ ಜಿಲ್ಲೆಯ ಧ್ವನಿಯಾಗಿಲ್ಲ. ರಾಜು ಆಲಗೂರ ಅವರು ಲೋಕಸಭೆಯಲ್ಲಿ ನಮ್ಮೆಲ್ಲರ ಧ್ವನಿಯಾಗಲಿದ್ದಾರೆ. ಅವರಿಗೆ ನೀಡುವ ಒಂದೊಂದು ಮತವೂ ನನಗೆ ನೀಡಿದಂತೆ. ಅವರಿಗೆ ಮತದಾನ ಮಾಡಿ, ಗೆಲ್ಲಿಸುವ ಮೂಲಕ ನನ್ನ ಕೈ ಬಲಪಡಿಸಿ ಎಂದು ಅವರು ಆಗ್ರಹಿಸಿದರು.