Karnataka Cabinet Reshuffle: ಸಚಿವ ಸ್ಥಾನ ಆಕಾಂಕ್ಷಿಗಳಿಗೆ ತಣ್ಣೀರು; ಸೇಫ್ ಆದ ಕೆಲ ಮಂತ್ರಿಗಳು!

Karnataka Cabinet : ಮಂತ್ರಿ ಸ್ಥಾನ ಸಿಗುತ್ತೆ ಎಂಬ ಆಸೆಯಲ್ಲಿದ್ದ ಆಕಾಂಕ್ಷಿಗಳಿಗೆ ಹೈಕಮಾಂಡ್ ಸಂಪುಟ ಪುನಾರಚನೆ ಬೇಡ ಎಂದ ಹಿನ್ನಲೆಯಲ್ಲಿ ನಿರಾಸೆಯಾಗಿದೆ.

ಬೆಂಗಳೂರು : ಕಾಂಗ್ರೆಸ್ ಸರ್ಕಾರ 2 ವರ್ಷ ಪೂರೈಸಿದ್ದು, ಈಗಲಾದರೂ ಮಂತ್ರಿ ಸ್ಥಾನ ಸಿಗುತ್ತೆ ಎಂಬ ಆಸೆಯಲ್ಲಿದ್ದ ಆಕಾಂಕ್ಷಿಗಳಿಗೆ ಹೈಕಮಾಂಡ್ ಸಂಪುಟ ಪುನಾರಚನೆ ಬೇಡ ಎಂದ ಹಿನ್ನಲೆಯಲ್ಲಿ ನಿರಾಸೆಯಾಗಿದೆ. ಜೊತೆಗೆ ಕೊಕ್ ಆಗುವ ಬೀತಿಯಲ್ಲಿದ್ದ ಮಂತ್ರಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ. 

ಸಂಪುಟಕ್ಕೆ ಎಂಟ್ರಿ ಕೊಡುತ್ತೇವೆ ಎಂದು ಕನಸು ಕಂಡಿದ್ದ ಮಳವಳ್ಳಿ ನರೇಂದ್ರಸ್ವಾಮಿ, ಬಿ.ಕೆ.ಹರಿಪ್ರಸಾದ್, ಲಕ್ಷ್ಮಣ್ ಸವದಿ, ಮಾಗಡಿ ಬಾಲಕೃಷ್ಣ, ಪ್ರಸಾದ್ ಅಬ್ಬಯ್ಯ, ಅಜಯ್ ಸಿಂಗ್, ರೂಪಾ ಶಶಿಧರ್, ಭದ್ರಾವತಿ ಸಂಗಮೇಶ್ ಹಾಗೂ ಬೇಳೂರು ಗೋಪಾಲಕೃಷ್ಣ ಮಂತ್ರಿ ಆಗುವ ಕನಸು ಈಗ ಕನಸಾಗಿ ಉಳಿದಿದೆ. 

ಇನ್ನು ಮಂತ್ರಿ ಸ್ಥಾನ ಕಳೆದುಕೊಳ್ಳುತ್ತೇವೆ ಎಂಬ ಆತಂಕದಲ್ಲಿದ್ದ ಆರ್.ಬಿ ತಿಮ್ಮಾಪೂರ, ಕೆ.ಹೆಚ್ ಮುನಿಯಪ್ಪ, ಡಿ.ಸುಧಾಕರ್, ಲಕ್ಷ್ಮಿ ಹೆಬ್ಬಾಳ್ಕರ್, ಕೆ.ವೆಂಕಟೇಶ್, ರಹೀಂಖಾನ್, ಶರಣಬಸಪ್ಪ ದರ್ಶನಾಪೂರ ಹಾಗೂ ಮಧುಬಂಗಾರಪ್ಪ ಸದ್ಯಕ್ಕೆ ಸೇಫ್ ಆಗಿದ್ದಾರೆ. 

ಇದನ್ನೂ ಓದಿ: ʼಮಾಂಸಾಹಾರ ತಿನ್ನಬೇಡʼ ಅಂದಿದ್ದಕ್ಕೆ.. ದುರಂತ ನಿರ್ಧಾರ ತೆಗೆದುಕೊಂಡ "ಮೊದಲ ಮಹಿಳಾ ಪೈಲಟ್"..!

ಇಂದು ಕಾಂಗ್ರೆಸ್ ಕಾರ್ಯಕಾರಣಿ ಸಭೆ ನಡೆಯಲಿದ್ದು, ಇದರ ಬಗ್ಗೆ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ನವ ಡೆಲ್ಲಿ ಯಲ್ಲಿ ಮಾತನಾಡಿ, ಸಚಿವ ಸಂಪುಟ ವಿಸ್ತರಣೆ ಅಥವಾ ಪುನಾರಚನೆ ಸಂದರ್ಭ ಉದ್ಭವ ಆಗಿಲ್ಲ. ಕೇವಲ ಒಂದು ಮಂತ್ರಿ ಸ್ಥಾನ  ಇದೇ. ಅದನ್ನೂ ತುಂಬುವ ಚರ್ಚೆ ನಡೆದಿಲ್ಲ, ಮೊನ್ನೆ ಖರ್ಗೆ ಅವರಿಗೆ ಭೇಟಿ ಆಗಿದ್ದು ಕಾಂಗ್ರೆಸ್ ಸಂಸ್ಥಾಪನ ದಿನಾಚರಣೆ ಬಗ್ಗೆ ಸಲಹೆ ಕೊಟ್ಟೆ, ಎಂದು ಪುನಾರಚನೆ ಸುದ್ದಿ ತಳ್ಳಿಹಾಕಿದರು.

ಕೆಪಿಸಿಸಿ ಅಧ್ಯಕ್ಷ ಬದಲಾವಣೆ : ಡಿಕೆ ಟಾಂಗ್ 

ಸಚಿವ ಕೆ ಎನ್ ರಾಜಣ್ಣ ಸೇರಿದಂತೆ ಕೆಲ ನಾಯಕರು ಕೆಪಿಸಿಸಿ ಅಧ್ಯಕ್ಷ ಸ್ಥಾನ ಆಕಾಂಕ್ಷಿ ಎಂದು ಹೇಳಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿದ ಡಿಕೆ ಶಿವಕುಮಾರ್, ಮಾಧ್ಯಮಗಳಲ್ಲಿ ರಾಜಕೀಯ ಚರ್ಚೆ ನಡೆಯಲ್ಲ. ಇದು ಯಾವ ಪಾರ್ಟಿಗೂ ಸೂಕ್ತವಲ್ಲ ಎಂದು ಬಹಿರಂಗ ಹೇಳಿಕೆ ಕೊಟ್ಟವರಿಗೆ ಟಾಂಗ್ ನೀಡಿದರು.

ಇದನ್ನೂ ಓದಿ : ಆಹಾರದ ರುಚಿ ಹೆಚ್ಚಿಸಬಲ್ಲ ಈ ಸೊಪ್ಪಿನಿಂದ ಬಿಳಿ ಕೂದಲು ನೈಸರ್ಗಿಕವಾಗಿ ಗಾಢ ಕಪ್ಪಾಗುತ್ತೆ!

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.