Corona Patient Diet: Corona ರೋಗಿಗಳು ಅಪ್ಪಿ-ತಪ್ಪಿಯೂ ಇಂತಹ ಆಹಾರ ಸೇವಿಸಬೇಡಿ, ನಿಮ್ಮ ಡಯಟ್ ಹೀಗಿರಲಿ

Corona Patient Diet Plan: ಯಾವುದೇ ಕರೋನಾ ರೋಗಿಗೆ ಔಷಧದ ಜೊತೆಗೆ ಅವರಿಗೆ ದೇಹದಲ್ಲಿ ಪೌಷ್ಠಿಕಾಂಶದ ಕೊರತೆ ಆಗದಂತೆ ನಿಗಾವಹಿಸಲು ಉತ್ತಮ ಆಹಾರವನ್ನು ನೀಡುವುದು ಬಹಳ ಮುಖ್ಯ.

Corona Patient Diet Plan

ನವದೆಹಲಿ: ನೀವು ಕರೋನಾ ಪೀಡಿತರೇ? ಅಥವಾ ನಿಮ್ಮ ಮನೆಯಲ್ಲಿ ಯಾರಾದರೂ ಕರೋನಾ ರೋಗಿ ಇದ್ದರೆ ಅವರ ಆಹಾರದ ಬಗ್ಗೆ ನಿಗಾ ವಹಿಸುವುದು ಅತ್ಯವಶ್ಯಕ. ನೀವು ಯಾವುದೇ ರೋಗದಿಂದ ತ್ವರಿತವಾಗಿ ಗುಣಮುಖರಾಗಲು ಆಹಾರ ಮತ್ತು ಪೋಷಣೆ ಪ್ರಮುಖ ಪಾತ್ರವಹಿಸುತ್ತವೆ. ಯಾವುದೇ ವ್ಯಕ್ತಿಯು ಕರೋನಾವೈರಸ್ ಸೋಂಕಿಗೆ ಒಳಗಾದಾಗ ಅವರಲ್ಲಿ ದುರ್ಬಲತೆ ಸಹಜವಾಗಿಯೇ ಕಂಡುಬರುತ್ತದೆ. ಕರೋನಾ ನೆಗೆಟಿವ್ ಬಂದ ಬಳಿಕವೂ ಅಂದರೆ ವ್ಯಕ್ತಿಯು ಕರೋನಾದಿಂದ ಚೇತರಿಸಿಕೊಂಡ ಬಳಿಕವೂ ಅವರಿಗೆ ಈ ಸಮಸ್ಯೆ ಹಲವಾರು ದಿನಗಳು ಅಥವಾ ವಾರಗಳವರೆಗೆ ಕಾಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮನ್ನು ಮತ್ತೆ ಓರ್ವ ಆರೋಗ್ಯವಂತ ವ್ಯಕ್ತಿಯನ್ನಾಗಿ ಮಾಡುವುದರಲ್ಲಿ ನಿಮ್ಮ ಆಹಾರವು ಪ್ರಮುಖ ಪಾತ್ರ ವಹಿಸುತ್ತದೆ.  ಈ ಸಂದರ್ಭದಲ್ಲಿ ಕರೋನಾ ರೋಗಿಯು ಏನನ್ನು ತಿನ್ನಬೇಕು ಮತ್ತು ಏನು ತಿನ್ನಬಾರದು ಎಂಬುದನ್ನು ತಿಳಿಯುವುದು ಬಹಳ ಮುಖ್ಯ.

* ಕರೋನಾ ರೋಗಿಗಳಿಗೆ ಉಳಿದ ಆಹಾರವನ್ನು ನೀಡಬೇಡಿ :

ಟೈಮ್ಸ್ ಆಫ್ ಇಂಡಿಯಾದ ವರದಿಯ ಪ್ರಕಾರ, ಕರೋನಾ ರೋಗಿಗಳು (Covid Patient) ಆರೋಗ್ಯಕರ ಮತ್ತು ಸಮತೋಲಿತ ಆಹಾರವನ್ನು ಸೇವಿಸಬೇಕು, ಇದರಲ್ಲಿ ಹೆಚ್ಚಿನ ಕಾರ್ಬೋಹೈಡ್ರೇಟ್, ಕೊಬ್ಬು ಮತ್ತು ಹೆಚ್ಚಿನ ಮೌಲ್ಯದ ಪ್ರೋಟೀನ್ ಇರುತ್ತದೆ. ಅಲ್ಲದೆ, ಆಂಟಿಆಕ್ಸಿಡೆಂಟ್‌ಗಳು ಮತ್ತು ವಿಟಮಿನ್‌ಗಳು ವಿಶೇಷವಾಗಿ ವಿಟಮಿನ್ ಸಿ ಮತ್ತು ವಿಟಮಿನ್ ಡಿ ಅನ್ನು ಹೆಚ್ಚು ಸೇವಿಸಬೇಕು. ಈ ಪೌಷ್ಠಿಕಾಂಶದ ಅವಶ್ಯಕತೆಗಳನ್ನು ಆಹಾರದಿಂದ ಪೂರೈಸದಿದ್ದರೆ, ವೈದ್ಯರೊಂದಿಗೆ ಮಾತನಾಡುವ ಮೂಲಕ ಮೌಖಿಕ ಪೂರಕಗಳನ್ನು ಸಹ ಸೇವಿಸಬಹುದು. ಇದಲ್ಲದೆ, ಮತ್ತೊಂದು ಪ್ರಮುಖ ವಿಷಯವೆಂದರೆ ಕರೋನಾ ರೋಗಿಯ ಉಳಿದ ಆಹಾರವನ್ನು ವೈದ್ಯಕೀಯ ತ್ಯಾಜ್ಯವೆಂದು ಪರಿಗಣಿಸಿ ಅದನ್ನು ಯಾವುದೇ ಕಾರಣಕ್ಕೂ ತಿನ್ನಬೇಡಿ. ಕರೋನಾ ರೋಗಿಗಳಿಗೆ ಉಳಿದ ಅಥವಾ ಹಳೆಯ ಆಹಾರವನ್ನು ನೀಡಬೇಡಿ. ಬದಲಿಗೆ ಬಿಸಿ, ಬಿಸಿಯಾಗಿ ತಯಾರಿಸಿದ ಆಹಾರವನ್ನು ನೀಡಿ.

* ನಿಮ್ಮ ಡಯಟ್ ನಲ್ಲಿ ಈ ಆಹಾರವನ್ನು ತಪ್ಪದೇ ಸೇರಿಸಿ:

>> ಯಾವುದೇ ವ್ಯಕ್ತಿಗೆ ಯಾವುದೇ ರೀತಿಯ ರೋಗದೊಂದಿಗೆ ಹೋರಾಡಲು ರೋಗನಿರೋಧಕ ಶಕ್ತಿ ಅವಶ್ಯಕವಾಗಿದೆ. ಆದ್ದರಿಂದ ರೋಗಿಗೆ ತಿನ್ನಲು ರಾಗಿ, ಓಟ್ಸ್ ಮತ್ತು ಧಾನ್ಯಗಳನ್ನು ನೀಡಿ.

>> ಚಿಕನ್, ಮೀನು, ಕೋಳಿ, ಚೀಸ್, ಸೋಯಾ, ಒಣ ಹಣ್ಣುಗಳು ಮತ್ತು ಬೀಜಗಳು - ಈ ಎಲ್ಲ ವಸ್ತುಗಳು ಪ್ರೋಟೀನ್‌ನ ಅತ್ಯುತ್ತಮ ಮೂಲಗಳಾಗಿವೆ. ಆದ್ದರಿಂದ ಅವುಗಳನ್ನು ಆಹಾರದಲ್ಲಿಯೂ ಸೇರಿಸಿ.

>> ಅಕ್ರೋಟ್, ಬಾದಾಮಿ, ಆಲಿವ್ ಎಣ್ಣೆ, ಸಾಸಿವೆ ಎಣ್ಣೆ- ಇವುಗಳನ್ನು ನಿಮ್ಮ ನಿತ್ಯದ ಆಹಾರದಲ್ಲಿ ತಪ್ಪದೇ ಸೇರಿಸಿ.

>> ಮಹಿಳೆಯರ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು, ದಿನಕ್ಕೆ ಒಮ್ಮೆ ಅರಿಶಿನ ಹಾಲನ್ನು ಸಹ ನೀಡಿ.

ಇದನ್ನೂ ಓದಿ - Corona- ನಿಮ್ಮ ಒಳ್ಳೆಯ ಅಭ್ಯಾಸ ಕರೋನದ ಅಪಾಯವನ್ನು 31% ಕಡಿಮೆ ಮಾಡುತ್ತೆ

* ಆಹಾರದಲ್ಲಿ ಸ್ವಲ್ಪ ಮಾವಿನ ಪುಡಿಯನ್ನು ಸೇರಿಸಿ:

ಹೆಚ್ಚಿನ ಕೋವಿಡ್ (Covid -19) ರೋಗಿಗಳಲ್ಲಿ, ವಾಸನೆ ಮತ್ತು ರುಚಿಯ ಸಾಮರ್ಥ್ಯವು ಕಳೆದುಹೋಗುತ್ತದೆ ಅಥವಾ ಆಹಾರವನ್ನು ನುಂಗಲು ಅವರಿಗೆ ಕಷ್ಟವಾಗುತ್ತದೆ. ಆದ್ದರಿಂದ ನೀವು ರೋಗಿಗೆ ಮೃದುವಾದ ವಸ್ತುಗಳನ್ನು ನೀಡುವುದು ಬಹಳ ಮುಖ್ಯ. ಕೆಲವರಿಗೆ ಈ ಸಂದರ್ಭದಲ್ಲಿ ಆಹಾರ ರುಚಿ ಎನಿಸುವುದಿಲ್ಲ. ಅಂತಹವರಿಗೆ ಆಹಾರದಲ್ಲಿ ಸ್ವಲ್ಪ ಮಾವಿನ ಪುಡಿಯನ್ನು ಸೇರಿಸಿ, ಇದು ಆಹಾರದ ರುಚಿಯನ್ನು ಸಹ ಉತ್ತಮಗೊಳಿಸುತ್ತದೆ. ಪ್ರತಿದಿನ ತಪ್ಪದೇ ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಿ. 70 ರಷ್ಟು ಕೋಕೋ ಹೊಂದಿರುವ ಡಾರ್ಕ್ ಚಾಕೊಲೇಟ್ ಅನ್ನು ಸಹ ಸ್ವಲ್ಪ ತಿನ್ನಬಹುದು. ಇದು ನಿಮ್ಮ ಮನಸ್ಥಿತಿಯನ್ನು ಸುಧಾರಿಸುತ್ತದೆ ಮತ್ತು ಆತಂಕವನ್ನು ನಿವಾರಿಸುತ್ತದೆ.

* ಬೆಳಗಿನ ಉಪಾಹಾರದಿಂದ ರಾತ್ರಿ ಭೋಜನದವರೆಗೆ - ಏನು ತಿನ್ನಬೇಕು?

>> ಬೆಳಗಿನ ಉಪಾಹಾರ - ಪೊಹಾ (ಅವಲಕ್ಕಿ) / ದೋಸೆ / ರವೆ ಉಪ್ಪಿಟ್ಟು / ಉಪ್ಪುಸಹಿತ ತರಕಾರಿಗಳು / ಇಡ್ಲಿ / ಮೊಟ್ಟೆಯ ಬಿಳಿ -2 / ಅರಿಶಿನ ಹಾಲು

>> ಲಂಚ್ (ಮಧ್ಯಾಹ್ನದ ಭೋಜನ) - ರಾಗಿ ಅಥವಾ ಮಲ್ಟಿ ಧಾನ್ಯದ ಹಿಟ್ಟು ಅಥವಾ ರೋಟಿ / ಅಕ್ಕಿ / ವೆಜ್ ಪಲಾವ್ / ಖಿಚ್ಡಿ / ದಾಲ್, ಹಸಿರು ತರಕಾರಿ, ಮೊಸರು ಮತ್ತು ಸಲಾಡ್ (ಕ್ಯಾರೆಟ್ ಮತ್ತು ಸೌತೆಕಾಯಿ)

>>  ಸಂಜೆ - ಶುಂಠಿ ಚಹಾ / ಚಿಕನ್ ಸೂಪ್ ಅಥವಾ ಯಾವುದೇ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಸೂಪ್ / ಮೊಳಕೆ ಕಾಳುಗಳು

>>  ರಾತ್ರಿ ಭೋಜನ- ರಾಗಿ ಅಥವಾ ಬಹು ಧಾನ್ಯ ಹಿಟ್ಟು ಅಥವಾ ರೊಟ್ಟಿ / ಸೋಯಾ ಹುರುಳಿ / ಪನೀರ್ / ಚಿಕನ್ ಅಥವಾ ಯಾವುದೇ ಹಸಿರು ತರಕಾರಿ / ಸಲಾಡ್

ಇದನ್ನೂ ಓದಿ - Corona ಯುಗದಲ್ಲಿ ನಿಮ್ಮ ಬಳಿಯೂ ಇರಲಿ ಈ Health Gadgets

* ಸೋಂಕಿನಿಂದ ಚೇತರಿಸಿಕೊಂಡ ನಂತರ ಆಯಾಸವನ್ನು ಹೇಗೆ ನಿವಾರಿಸುವುದು?

ಕರೋನಾ ವೈರಸ್ ವರದಿ ನೆಗೆಟಿವ್ ಬಂದ ನಂತರ ನೀವು ಸಂಪೂರ್ಣವಾಗಿ ಗುಣಮುಖರಾಗಿದ್ದೀರಿ ಎಂದರ್ಥವಲ್ಲ. ಸೋಂಕಿನಿಂದಾಗಿ ಆಯಾಸದ ಸಮಸ್ಯೆ ಹಲವಾರು ವಾರಗಳವರೆಗೆ ಇರುತ್ತದೆ. ಆದ್ದರಿಂದ ಬಾಳೆಹಣ್ಣು, ಸೇಬು, ಕಿತ್ತಳೆ ಮತ್ತು ಮೌಸಂಬಿ ಮುಂತಾದ ಹಣ್ಣುಗಳನ್ನು ಸೇವಿಸಿ. ಇದು ಆಯಾಸವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದಲ್ಲದೆ, ಸಿಹಿ ಆಲೂಗಡ್ಡೆ, ನಿಂಬೆ ಮತ್ತು ಜೇನುತುಪ್ಪವನ್ನು ಸೇವಿಸಿ. ನಿತ್ಯ ಬಿಸಿನೀರನ್ನು ಮಾತ್ರ ಕುಡಿಯಿರಿ.

(ಗಮನಿಸಿ: ಯಾವುದೇ ಪರಿಹಾರವನ್ನು ತೆಗೆದುಕೊಳ್ಳುವ ಮೊದಲು ಯಾವಾಗಲೂ ವೈದ್ಯರನ್ನು ಸಂಪರ್ಕಿಸಿ. ಜೀ ನ್ಯೂಸ್ ಈ ಮಾಹಿತಿಯ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ.)