ವೇಗವಾಗಿ ಕೂದಲು ಉದುರುತ್ತಿವೆಯೇ? ಈ ನೀರಿನಿಂದ ಕೂದಲು ತೊಳೆದರೆ ತಕ್ಷಣಕ್ಕೆ ನಿಂತುಹೋಗುತ್ತವೆ!

Hairfall Home Remedy: ವೇಗವಾಗಿ ಕೂದಲುಗಳು ಉದುರುತ್ತಿದ್ದು, ಅದನ್ನು ತಕ್ಷಣಕ್ಕೆ ನಿಲ್ಲಿಸಿ, ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು, ಅಕ್ಕಿ ನೀರನ್ನು ಒಂದು ರಾಮಬಾಣ ಎಂದು ಕರೆದರೆ ಅದು ತಪ್ಪಾಗಲಾರದು. ಅದು ಹೇಗೆ ಕೆಲಸ ಮಾಡುತ್ತದೆ ಮತ್ತು ಅದನ್ನು ಬಳಸುವ ವಿಧಾನ ಯಾವುದು ತಿಳಿದುಕೊಳ್ಳೋಣ ಬನ್ನಿ (Lifestyle News In Kannada).

ಬೆಂಗಳೂರು: ಚಿಕ್ಕವಯಸ್ಸಿನಲ್ಲಿ ಕೂದಲು ಉದುರುವುದು ಮತ್ತು ಕೂದಲು ಬಿಳಿಯಾಗುವ ಸಮಸ್ಯೆ ಅನೇಕರಲ್ಲಿ ಕಂಡುಬರುತ್ತಿದೆ. ಪ್ರತಿಯೊಬ್ಬರೂ ತಮ್ಮ ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸಲು ಸುಲಭವಾದ ಮಾರ್ಗಗಳನ್ನು ಅನುಸರಿಸಲು ಮತ್ತು ತಿಳಿದುಕೊಳ್ಳಲು ಬಯಸುತ್ತಾರೆ. ಕೂದಲಿನ ಸಮಸ್ಯೆಯಿಂದ ತೊಂದರೆಗೊಳಗಾದ ಕೆಲವರು ವೈದ್ಯಕೀಯ ಸಹಾಯವನ್ನು ಸಹ ಪಡೆದುಕೊಳ್ಳುತ್ತಾರೆ (Lifestyle News In Kannada), ಆದರೆ ಕೂದಲು ಉದುರುವಿಕೆಯನ್ನು ತಡೆಯುವ ಕ್ರಮಗಳನ್ನು ಗೃಹಬಳಕೆಯ ವಸ್ತುಗಳಿಂದಲೂ ಕೂಡ ಮಾಡಬಹುದು ಎಂಬುದು ನಿಮಗೆ ತಿಳಿದಿದೆಯೇ. ನಾವು ಮನೆಯಿಂದಲೇ ಕೂದಲು ಉದುರುವುದನ್ನು ನಿಲ್ಲಿಸುವುದು ಮಾತ್ರವಲ್ಲದೆ ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುವ  ಒಂದು ಪರಿಣಾಮಕಾರಿ ಮನೆಮದ್ದಿನ ಕುರಿತು ಮಾಹಿತಿ ನೀಡುತ್ತಿದ್ದು,  ಅದು ಕೂದಲಿನ ಹೆಚ್ಚಿನ ಸಮಸ್ಯೆಗಳನ್ನು ಹೋಗಲಾಡಿಸುತ್ತದೆ. ಅದುವೇ ಅಕ್ಕಿ ನೀರು. ಕೂದಲು ಉದುರುವಿಕೆಯನ್ನು ತಡೆಯುವಲ್ಲಿ, ಕೂದಲಿನ ಉದ್ದವನ್ನು ಹೆಚ್ಚಿಸುವಲ್ಲಿ ಮತ್ತು ಬಿಳಿ ಕೂದಲಿನ ಸಮಸ್ಯೆಯನ್ನು ನಿವಾರಿಸುವಲ್ಲಿ ಅಕ್ಕಿ ನೀರು ಹೇಗೆ ಅದ್ಭುತ ಕೆಲಸ ಮಾಡುತ್ತದೆ ಎಂಬುದನ್ನೂ ತಿಳಿದುಕೊಳ್ಳೋಣ ಬನ್ನಿ, 

ನಮ್ಮ ಮನೆಗಳಲ್ಲಿ ನಮ್ಮ ಅಜ್ಜಿಯರು ಶತಮಾನಗಳಿಂದ ಕೂದಲಿಗೆ ಅಕ್ಕಿ ನೀರನ್ನು ಬಳಸುತ್ತಿದ್ದಾರೆ. ಅಕ್ಕಿ ಪಿಷ್ಟದ ನೀರು ವಿಟಮಿನ್ ಇ ಮತ್ತು ಬಿ, ಅಮೈನೋ ಆಮ್ಲಗಳು, ಉತ್ಕರ್ಷಣ ನಿರೋಧಕಗಳು ಮತ್ತು ಇನೋಸಿಟಾಲ್ ಸೇರಿದಂತೆ ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿದೆ.

ಅಕ್ಕಿ ನೀರು ಎಲ್ಲಾ ರೀತಿಯ ಕೂದಲುಗಳಿಗೆ ಉಪಯುಕ್ತವಾಗಿದೆ ಮತ್ತು ಉದ್ದವಾದ, ರೇಷ್ಮೆಯಂತಹ ಕೂದಲನ್ನು ಬೆಳೆಯಲು ಅದು ಸಹಾಯ ಮಾಡುತ್ತದೆ ಎಂದು ಹಲವರು ಹೇಳುತ್ತಾರೆ. ಇದು ಸ್ಥಿತಿಸ್ಥಾಪಕತ್ವವನ್ನು ಉತ್ತೇಜಿಸುತ್ತದೆ, ಹಾನಿಯಿಂದ ಕೂದಲನ್ನು ರಕ್ಷಿಸುತ್ತದೆ ಮತ್ತು ತಲೆಹೊಟ್ಟುಗೆ ಚಿಕಿತ್ಸೆ ನೀಡುತ್ತದೆ.

ಅಕ್ಕಿ ನೀರನ್ನು ಹೇಗೆ ತಯಾರಿಸಬೇಕು?
ಒಂದು ಕಪ್ ಹಸಿ ಅಕ್ಕಿ ತೆಗೆದುಕೊಳ್ಳಿ. ಅದನ್ನು ತೊಳೆಯಿರಿ, ಎರಡು ಅಥವಾ ಮೂರು ಕಪ್ ನೀರು ಸುರಿಯಿರಿ ಮತ್ತು 30 ನಿಮಿಷಗಳ ಕಾಲ ಅದನ್ನು ನೆನೆಸಿ. ಒಂದು ಪಾತ್ರೆಯಲ್ಲಿ ಅಕ್ಕಿ ನೀರನ್ನು ಸೋಸಿ ಫಿಲ್ಟರ್ ಮಾಡಿ. ಇದೀಗ ನಿಮ್ಮ ಬಳಿ ನಿಮ್ಮ ಕೂದಲಿಗೆ ಬೇಕಾದ ಮತ್ತು ಮನೆಯಲ್ಲಿಯೇ ತಯಾರಿಸಲಾದ ಸಂಜೀವನಿ ಇದೆ. ನೀವು ಅದನ್ನು ಕುದಿಸಬಹುದು ಎಂದು ಕೆಲವರು ಹೇಳುತ್ತಾರೆ, ಆದರೆ ಇತರರು ಅಕ್ಕಿ ನೆನೆಹಾಕಿದ ನೀರಿನಿಂದ ಹಲವು ಪ್ರಯೋಜನಗಳಿವೆ ಎಂದು ನಂಬುತ್ತಾರೆ, ಇದು ಉತ್ಕರ್ಷಣ ನಿರೋಧಕ ಮಟ್ಟವನ್ನು ಹೆಚ್ಚಿಸುತ್ತದೆ.

ಬಳಕೆ ಹೇಗೆ?
ಮೊದಲು ನಿಮ್ಮ ಕೂದಲನ್ನು ಶಾಂಪೂ ಬಳಸಿ ತೊಳೆಯಿರಿ. ನಿಮ್ಮ ಕೂದಲಿಗೆ ಅಕ್ಕಿ ನೀರನ್ನು ಸುರಿಯಿರಿ ಮತ್ತು ನಿಮ್ಮ ಕೂದಲು ಮತ್ತು ನೆತ್ತಿಗೆ ಮಸಾಜ್ ಮಾಡಿ. 20 ನಿಮಿಷಗಳ ಕಾಲ ಬಿಡಿ ಮತ್ತು ನಂತರ ಬೆಚ್ಚಗಿನ ನೀರಿನಿಂದ ಚೆನ್ನಾಗಿ ತೊಳೆಯಿರಿ.

ಅಕ್ಕಿ ನೀರನ್ನು ಕೂದಲಿಗೆ ಹಚ್ಚುವುದು ಸುರಕ್ಷಿತವೇ?
ಅಕ್ಕಿ ನೀರನ್ನು ಬಳಸುವುದನ್ನು ನೈಸರ್ಗಿಕ ಮನೆಮದ್ದು ಎಂದು ಪರಿಗಣಿಸಲಾಗುತ್ತದೆ, ಆದರೆ ಕೆಲವು ಚರ್ಮದ ಸಮಸ್ಯೆಗಳಿರುವ ಜನರು ಎಚ್ಚರಿಕೆಯಿಂದ ಅಥವಾ ತಮ್ಮ ವೈದ್ಯರ ಸಲಹೆ ಪಡೆದು ಅದನ್ನು ಬಳಸಬೇಕು.

ಎಸ್ಜಿಮಾ - ಇದು ಚರ್ಮವು ಒಣಗುವ ಸ್ಥಿತಿಯಾಗಿದೆ, ಇದು ನಂತರ ಉರಿಯೂತ ಮತ್ತು ತುರಿಕೆಗೆ ಕಾರಣವಾಗುತ್ತದೆ. ಈ ಸ್ಥಿತಿಯನ್ನು ಹೊಂದಿರುವ ವ್ಯಕ್ತಿಯು ಅಕ್ಕಿ ನೀರಿನೊಂದಿಗೆ ರಿಯಾಕ್ಷನ್ ಹೊಂದಿರುತ್ತಾನೆ ಎಂದು ಹೇಳಲಾಗದಿದ್ದರೂ, ಇದನ್ನು ತಡೆಗಟ್ಟುವ ಕ್ರಮವಾಗಿ ಕಾಣಬಹುದು.

ಇದನ್ನೂ ಓದಿ

ಕೂದಲು ಉದುರುವಿಕೆ: ಕೂದಲು ಉದುರುವಿಕೆಗೆ ಪ್ರಾಥಮಿಕ ಚಿಕಿತ್ಸೆಯಾಗಿ ಅಕ್ಕಿ ನೀರನ್ನು ಪರಿಗಣಿಸಿದರೆ ಎಚ್ಚರಿಕೆಯಿಂದ ಬಳಸಿ. ಕೂದಲು ಉದುರುವಿಕೆಯಲ್ಲಿ ಹಲವು ವಿಧಗಳಿವೆ ಮತ್ತು ಕೆಲವು ಔಷಧಿಗಳಿವೆ. ಒಬ್ಬ ವ್ಯಕ್ತಿಯ ಕೂದಲು ತುಂಬಾ ಉದುರುತ್ತಿದ್ದರೆ, ನಂತರ ವೈದ್ಯರನ್ನು ಭೇಟಿ ಮಾಡುವುದು ಅವಶ್ಯಕ.

ಇದನ್ನೂ ಓದಿ-

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-