Snake Appearing In Dreams: ಪದೇ ಪದೇ ಕನಸಲ್ಲಿ ಹಾವು ಕಂಡ್ರೆ ಏನರ್ಥ?

Snake In Dream - ಕೇವಲ ಹಾವಿನ (Snake) ಹೆಸರು ಕೇಳಿದರೆ ಸಾಕು ಜನರ ಮೈಮೇಲಿನ ರೋಮಗಳು ಎದ್ದು ನಿಲ್ಲುತ್ತವೆ. ಹೆಇರುವಾಗ ಪದೇ ಪದೇ ಕನಸಿನಲ್ಲಿ ಹಾವು ಕಂಡರೆ ಅದರ ಅನುಭವ ಹೇಗಿರುತ್ತೆ ಒಮ್ಮೆ ಊಹಿಸಿ ನೋಡಿ. ಈ ರೀತಿ ನಿಮ್ಮ ಜೊತೆಗೂ ಆಗುತ್ತಿದ್ದರೆ ಪ್ರತಿ ತಿಂಗಳು ಪಂಚಮಿಯಂದು ಈ ಉಪಾಯಗಳನ್ನು ಅನುಸರಿಸಿ ನಾಗರ ಹಾವಿನ ಕನಸಿನಿಂದ ಮುಕ್ತಿ ಪಡೆಯಿರಿ.

Snake Appearing In Dreams(File Photo)

ನವದೆಹಲಿ: Snake In Dream - ಕನಸಿನಲ್ಲಿ, ಒಬ್ಬ ವ್ಯಕ್ತಿಯು ತನ್ನ ನಿಜ ಜೀವನದಲ್ಲಿ ಅನೇಕ ಬಾರಿ ನೋಡದ ಕೆಲ ವಿಷಯಗಳನ್ನು ಸಹ ನೋಡುತ್ತಾನೆ. ಇದೇ ವೇಳೆ ಮನುಷ್ಯನಿಗೆ ಕೆಲ ಸಂಗತಿಗಳು ಪದೇ ಪದೇ ಕಾಣಿಸುತ್ತವೆ. ಸ್ವಪ್ನ ಶಾಸ್ತ್ರದಲ್ಲಿ,(Swapna Shastra) ಪ್ರತಿ ಕನಸಿನ ಅರ್ಥವನ್ನು ಹೇಳಲಾಗಿದೆ ಮತ್ತು ಮರುಕಳಿಸುವ ಕನಸುಗಳನ್ನು ತಪ್ಪಿಸಲು ಪರಿಹಾರಗಳನ್ನುಸೂಚಿಸಲಾಗಿದೆ.  ಈ ಪರಿಹಾರಗಳನ್ನು ಜ್ಯೋತಿಷ್ಯ ಶಾಸ್ತ್ರದಲ್ಲಿಯೂ (Astrology) ಕೂಡ ವಿವರವಾಗಿ ಹೇಳಲಾಗಿದೆ. ಇಂದು ನಾವು ಕನಸಿನಲ್ಲಿ ಪದೇ ಪದೇ ಹಾವು ಕಂಡುಬರುವ ಮತ್ತು ಅದಕ್ಕೆ ಯಾವ ಉಪಾಯಗಳನ್ನು (Dream Remedies) ಸೂಚಿಸಲಾಗಿದೆ ಎಂಬುದನ್ನು ತಿಳಿದುಕೊಳ್ಳೋಣ ಬನ್ನಿ.

ಹಾವುಗಳ ಕನಸಿನಿಂದ ಪಾರಾಗುವ ಉಪಾಯ 
ಹಾಗೆ ನೋಡಿದರೆ ಕಾಲ ಸರ್ಪ ದೋಷದ ಉಪಾಯ, ಕನಸಿನಲ್ಲಿ ಪದೇ ಪದೇ ನಾಗರ ಹಾವು ಕಾನಿಸಿಕೊಲ್ಲುವಂತಹ ಸಮಸ್ಯೆಗೆ ಉಪಾಯವಾಗಿ ನೋಡಲಾಗುತ್ತದೆ. ಇದಕ್ಕಾಗಿ  ನಾಗಪಂಚಮಿ ಅತ್ಯಂತ ಶುಭಕರ ಎಂದೂ ಕೂಡ ಹೇಳಲಾಗುತ್ತದೆ. ಆದರೆ ಪ್ರತಿ ತಿಂಗಳು ಬರುವ ಪಂಚಮಿಯ ದಿನವೂ ಕೂಡ ಈ ಉಪಾಯ ಅನುಸರಿಸಬಹುದು. ಏಕೆಂದರೆ ಪಂಚಮಿ ತಿಥಿ ನಾಗದೇವತೆಗೆ ಸಮರ್ಪಿತ ತಿಥಿಯಾಗಿದೆ. ಹೀಗಿರುವಾಗ ಯಾವುದೇ ಪಂಚಮಿಯ ದಿನದಂದು ಅಷ್ಟನಾಗಗಳಿಗೆ ಪೂಜೆ ಸಲ್ಲಿಸಿ. ಇದರಿಂದ ಕನಸಿನಲ್ಲಿ ನಾಗರ ಹಾವು ಕಾಣಿಸುವುದರಿಂದ ಮುಕ್ತಿ ಲಭಿಸುತ್ತದೆ. ಇದಲ್ಲದೆ ಜನ್ಮ ಜಾತಕದಲ್ಲಿ ನಾಗರ ಹಾವಿಗೆ ಸಂಬಂಧಿಸಿದ ಯಾವುದೇ ದೋಷವಿದ್ದರೂ ಕೂಡ ಅದು ಪರಿಹಾರವಾಗುತ್ತದೆ. ಈ ಪೂಜೆಯನ್ನು ನೀವು ಮನೆಯಲ್ಲಿ ಅಥವಾ ದೇವಸ್ಥಾನದಲ್ಲಿ ಎಲ್ಲಿ ಬೇಕಾದರೂ ಮಾಡಬಹುದು.

ಇದನ್ನೂ ಓದಿ-ಪಿತೃ ಪಕ್ಷದಲ್ಲಿ ಯಾವ ವಸ್ತುಗಳನ್ನು ದಾನ ಮಾಡಬೇಕು ಮತ್ತು ಅದರ ಪ್ರಾಮುಖ್ಯತೆ ಏನು ಎಂದು ತಿಳಿಯಿರಿ?

ಬೆಳ್ಳಿಯ ಹಾವುಗಳ ಪೂಜೆ 
ನಾಗರ ಹಾವುಗಳ ಕುರಿತು ಮನಸಿನಲ್ಲಿ ಭಯವಿದ್ದರೆ ಮತ್ತು ಪದೇ ಪದೇ ಕನಸಿನಲ್ಲಿ ನಾಗರ ಹಾವು ಕಾಣಿಸಿಕೊಳ್ಳುತ್ತಿದ್ದರೆ, ಬೆಳ್ಳಿಯಿಂದ ಎರಡು ನಾಗರ ಹಾವುಗಳನ್ನು ಹಾಗೂ ಒಂದು ಸ್ವಸ್ತಿಕ್ ಚಿಹ್ನೆಯನ್ನು ತಯಾರಿಸಿಕೊಳ್ಳಿ. ವಿಧಿ-ವಿಧಾನದಿಂದ ಅವುಗಳಿಗೆ ಪೂಜೆ ಸಲ್ಲಿಸಿ, ಹಾವುಗಳನ್ನು ಶಿವಲಿಂಗಕ್ಕೆ ಅರ್ಪಿಸಿ ಹಾಗೂ ಸ್ವಸ್ತಿಕ ಚಿಹ್ನೆಯನ್ನು ಕೊರಳಲ್ಲಿ ಧರಿಸಿ. ಈ ರೀತಿ ಮಾಡುವುದರಿಂದ ಕನಸಿನಲ್ಲಿ ಹಾವುಗಳು ಕಾಣುವುದು ನಿಂತು ಹೋಗಲಿದೆ ಮತ್ತು ಹಾವಿನ ಭಯ ಕೂಡ ನಿಮ್ಮನ್ನು ಕಾಡುವುದಿಲ್ಲ.

ಇದನ್ನೂ ಓದಿ-Milk Bath: ಸ್ನಾನದ ನೀರಿಗೆ ಬೆರೆಸಿ 1 ಲೋಟ ಹಾಲು ಸಿಗಲಿದೆ ಈ ಎಲ್ಲಾ ಪ್ರಯೋಜನಗಳು

(ಸೂಚನೆ - ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. ಝೀ ಹಿಂದೂಸ್ತಾನ್ ಕನ್ನಡ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಯಾವುದೇ ಉಪಾಯ ಅನುಸರಿಸುವ ಮೊದಲು ವಿಷಯ ತಜ್ಞರನ್ನು ಸಂಪರ್ಕಿಸಿ ಅವರ ಸಲಹೆ ಪಡೆಯಿರಿ)