ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಸೌಂದರ್ಯ ಅವರು ನಟ ಹಾಗೂ ಅಪೆಕ್ಸ್ ಲ್ಯಾಬೋರೇಟರಿ ಪ್ರೈವೇಟ್ ಲಿಮಿಟೆಡ್‌ನ ಮಾಲೀಕ ವಿಶಾಖನ್ ಜೊತೆ ಇಂದು ಎರಡನೇ ವಿವಾಹವಾದರು.
ನವದೆಹಲಿ: ದಕ್ಷಿಣ ಭಾರತದ ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಸೌಂದರ್ಯ ರಜನಿಕಾಂತ್ ಮತ್ತು ವಿಶಾಖನ್ ವನಂಗಮುಡಿ ಅವರ ವಿವಾಹ ಇಂದು ಚೆನ್ನೈನಲ್ಲಿರುವ ದಿ ಹೋಟೆಲ್ ಲೀಲಾ ಪ್ಯಾಲೇಸ್'ನಲ್ಲಿ ಅದ್ಧೂರಿಯಾಗಿ ನೆರವೇರಿತು. ಪ್ರಸಿದ್ಧ ಡಿಸೈನರ್ ಅಬುಜಾನಿ ಸಂದೀಪ್ ಖೋಸ್ಲಾ ವಿನ್ಯಾಸಪಡಿಸಿದ್ದ ಸೀರೆಯಲ್ಲಿ ಸೌಂದರ್ಯ ಕಂಗೊಳಿಸಿದರೆ, ರೇಷ್ಮೆ ಶರ್ಟು ಮತ್ತು ಪಂಚೆ ತೊಟ್ಟು ವಿವಾನ್ ಮಿಂಚಿದರು. ಸದ್ಯ ಇವರಿಬ್ಬರ ಮದುವೆಯ ಪೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ. ಈ ಜೋಡಿ ನೋಡಿದ ಅಭಿಮಾನಿಗಳು ಹ್ಯಾಪಿ ಮ್ಯಾರೀಡ್ ಲೈಫ್ ಎಂದು ಸುಭ ಹಾರೈಸಿದ್ದಾರೆ. ಚಿತ್ರರಂಗದ ಗಣ್ಯರು, ರಾಜಕೀಯ ನಾಯಕರು ಸೇರಿದಂತೆ ಅನೇಕರು ವಿವಾಹ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. (ಎಲ್ಲಾ ಫೋಟೋಗಳ ಕೃಪೆ : ANI)
