Chamcham Recipe: ಚಂಪಾಕಲಿ 100% ಬೇಕರಿ ರೀತಿಯಲ್ಲೇ ಮಾಡುವ ವಿಧಾನ

Chamcham Bengali Sweet Recipe: ನೀವು ಸಿಹಿ ತಿಂಡಿಯನ್ನು ತಿನ್ನಲು ಬಯಸಿದರೆ, ಮನೆಯಲ್ಲಿ ಕೆಲವು ಸ್ವೀಟ್‌ಗಳನ್ನು ಮಾಡಬಹುದು. ಅಂಗಡಿಯಲ್ಲಿ ಸಿಗುವ ಸಿಹಿತಿಂಡಿಗಳಿಗಿಂತ ಮನೆಯಲ್ಲಿ ಮಾಡುವ ಸಿಹಿತಿಂಡಿಗಳ ಶುದ್ಧತೆ ಹೆಚ್ಚು. ಇಂದು ಈ ಲೇಖನದಲ್ಲಿ ನಾವು ಬಂಗಾಳಿ ಸಿಹಿ ಖಾದ್ಯ ಚಮ್‌ಚಮ್‌ ಮಾಡುವ ಸುಲಭ ವಿಧಾನವನ್ನು ಹೇಳಲಿದ್ದೇವೆ.

Champakali

Champakali Sweet Recipe: ಹಬ್ಬ ಹರಿದಿನಗಳಂದು ಮಾರುಕಟ್ಟೆಯಲ್ಲಿ ಹಲವು ಬಗೆಯ ಸಿಹಿ ತಿನಿಸುಗಳನ್ನು ತಯಾರಿಸಿ ಮಾರಾಟ ಮಾಡುತ್ತಾರೆ. ಸಿಹಿತಿಂಡಿಗಳ ಮೇಲೆ ವಿಶೇಷವಾದ ಒಲವು ಹೊಂದಿರುವವರು ಹಬ್ಬ ಹರಿದಿನಗಳಲ್ಲಿ ಸಿಹಿಯನ್ನು ಹೆಚ್ಚು ಸೇವಿಸುತ್ತಾರೆ. ಕೆಲವೇ ದಿನಗಳಲ್ಲಿ ರಕ್ಷಾಬಂಧನ ಹಬ್ಬ ಬರಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಸಹೋದರಿಯರು ತಮ್ಮ ಸಹೋದರರಿಗೆ ರಾಖಿ ಜೊತೆಗೆ ಕೆಲವು ವಿಶೇಷ ಸಿಹಿತಿಂಡಿಗಳನ್ನು ಮನೆಯಲ್ಲಿ ಮಾಡಬಹುದು. ಬಂಗಾಳಿ ಸಿಹಿಯಾದ ಚಮ್‌ಚಮ್‌ ಪಾಕವಿಧಾನವನ್ನು ಇಂದು ಇಲ್ಲಿ ತಿಳಿಯಿರಿ. ಇದು ಬಂಗಾಳದ ವಿಶೇಷ ಸಿಹಿ ತಿನಿಸು. ಇದರ ಹೆಸರೇ ಬಾಯಲ್ಲಿ ನೀರೂರಿಸುತ್ತದೆ. ಇದನ್ನು ಮಾಡುವ ವಿಧಾನದ ಬಗ್ಗೆ ತಿಳಿಯೋಣ...

ಇದನ್ನೂ ಓದಿ :  ಶ್ರಾವಣದಲ್ಲಿ ಉಪವಾಸಕ್ಕೆ ಸಾಬುದಾನ ಪರಾಠ, ರುಚಿ ಜೊತೆ ಆರೋಗ್ಯಕ್ಕೂ ಉತ್ತಮ

ಚಮ್‌ಚಮ್‌ ಮಾಡಲು ಬೇಕಾಗುವ ಸಾಮಾಗ್ರಿಗಳು-

ಹಾಲು - ಒಂದು ಲೀಟರ್
ನಿಂಬೆ ಹಣ್ಣು - ಅರ್ಧ
ಮೈದಾ ಹಿಟ್ಟು - 1 ಟೀ ಸ್ಪೂನ್
ಸಕ್ಕರೆ - 1 ಕಪ್
ನೀರು - ಒಂದೂವರೆ ಕಪ್
ಸ್ವೀಟ್ ಖೋವ - ಸ್ವಲ್ಪ
ಚೆರ್ರಿ ಹಣ್ಣು - ಸ್ವಲ್ಪ 
ಹಾಲಿನ ಪುಡಿ - ಸ್ವಲ್ಪ
ಏಲಕ್ಕಿ ಪುಡಿ  - ಸ್ವಲ್ಪ
ಕೇಸರಿ  - ಸ್ವಲ್ಪ

ಚಮ್‌ಚಮ್‌ ಸಿಹಿ ಖಾದ್ಯ ಮಾಡುವ ವಿಧಾನ-

1. ಒಂದು ಲೀಟರ್ ಹಾಲನ್ನು ಚೆನ್ನಾಗಿ ಕಾಯಿಸಿ, ಅದಕ್ಕೆ ಅರ್ಧ ನಿಂಬೆ ಹಣ್ಣಿನ ರಸವನ್ನು ಸ್ವಲ್ಪ ಸ್ವಲ್ಪ ಹಾಕುತ್ತ ಹಾಲಿಗೆ ಕೈಯಾಡಿಸಿ. ಹಾಲು ಒಡೆಯುವವರೆಗೆ ಈ ರೀತಿ ಮಾಡಿ. ಈಗ ನೀರನ್ನು ಬೇರ್ಪಡಿಸಿ. ಕಾಟನ್‌ ಬಟ್ಟೆಯಲ್ಲಿ ಸೋಸುವ ಮೂಲಕ ನೀರನ್ನು ಸಂಪೂರ್ಣವಾಗಿ ಬೇರ್ಪಡಿಸಿ. 

2. ಈಗ ಒಂದು ಪಾತ್ರೆಯಲ್ಲಿ ನೀರನ್ನು ಬೇರ್ಪಿಸಿದ ಹಾಲಿನ ಪನೀರ್‌ ಮತ್ತು ಮೈದಾ  ಹಿಟ್ಟನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಸ್ವಲ್ಪ ನೀರು ಸೇರಿಸಿ ಮತ್ತು ಹಿಟ್ಟನ್ನು ಬೆರೆಸಿಕೊಳ್ಳಿ.

3. ನಂತರ ಈ ಹಿಟ್ಟನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಕೈಗಳ ಸಹಾಯದಿಂದ ಅಂಡಾಕಾರದಲ್ಲಿ ಮಾಡಿ.

3. ಈಗ ಒಂದು ಬಾಣಲೆಯಲ್ಲಿ 4 ಕಪ್ ನೀರು ಮತ್ತು ಸಕ್ಕರೆಯನ್ನು ಒಟ್ಟಿಗೆ ಹಾಕಿ ಮತ್ತು ಕಡಿಮೆ ಉರಿಯಲ್ಲಿ ಸುಮಾರು 10 ನಿಮಿಷಗಳ ಕಾಲ ಕುದಿಯಲು ಬಿಡಿ. ನಿಧಾನವಾಗಿ ಅದರ ಸಕ್ಕರೆ ಪಾಕ ಸಿದ್ಧವಾಗುತ್ತದೆ.

4. ಈಗ ನಿಧಾನವಾಗಿ ಅಂಡಾಕಾರದ ಚಮ್‌ಚಮ್‌ ಅನ್ನು ಸಿರಪ್‌ನಲ್ಲಿ ಹಾಕಿ ಮತ್ತು 12 ರಿಂದ 15 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಬೇಯಲು ಬಿಡಿ.

5. ಇದರ ನಂತರ, ಬೇಯಿಸಿದ ಚಮ್‌ಚಮ್‌ ಅನ್ನು ಪ್ಲೇಟ್‌ನಲ್ಲಿ ತೆಗೆದುಕೊಂಡು ಅದನ್ನು ತಣ್ಣಗಾಗಲು ಬಿಡಿ.

6. ಇದರ ನಂತರ, ಹಿಸುಕಿದ ಖೋಯಾ, ಸಕ್ಕರೆ, ಹಾಲಿನ ಪುಡಿ, ಏಲಕ್ಕಿ ಪುಡಿ ಮತ್ತು ಕೇಸರಿ ಹಾಲನ್ನು ಒಟ್ಟಿಗೆ ಪ್ಯಾನ್‌ನಲ್ಲಿ ಹಾಕಿ ಮತ್ತು ಅವುಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ.

7. ಈಗ ತಣ್ಣಗಾದ ಚಮ್‌ಚಮ್‌ನ ಮಧ್ಯದಲ್ಲಿ ಚಾಕುವಿನಿಂದ ಕಟ್ ಮಾಡಿ, ನಂತರ ರೆಡಿ ಮಾಡಿದ ಮಿಶ್ರಣವನ್ನು ತುಂಬಿಸಿ.

8. ಇದರ ನಂತರ, ತಯಾರಾದ ಎಲ್ಲಾ ಚಮ್‌ಚಮ್‌ನ್ನು ಚೆರ್ರಿಯಿಂದ ಅಲಂಕರಿಸಿ. ನೀವು ಬಯಸಿದರೆ, ನೀವು ಅದನ್ನು ಫ್ರಿಜ್ನಲ್ಲಿಯೂ ಇಡಬಹುದು.

9. ಈಗ ತಯಾರಿಸಿದ ಚಮ್‌ಚಮ್‌ ಅನ್ನು ಪ್ಲೇಟ್‌ನಲ್ಲಿ ತೆಗೆದುಕೊಂಡು ಬಡಿಸಿ.