ಬೆಂಗಳೂರು : ಕೇಂದ್ರ ಸರ್ಕಾರಿ ನೌಕರರು ಶುಭ ಸುದ್ದಿಗಾಗಿ ಕಾಯುತ್ತಿದ್ದಾರೆ. ಸರ್ಕಾರಿ ನೌಕರರು ನೀರೀಕ್ಷಿಸುತ್ತಿರುವ ಸಿಹಿ ಸುದ್ದಿ ಇನ್ನು ಕೆಲವೇ ದಿನಗಳಲ್ಲಿ ಸಿಗಲಿದೆ. ಜುಲೈ ತಿಂಗಳ ಎಐಸಿಪಿಐ ಸೂಚ್ಯಂಕವನ್ನು ಬಿಡುಗಡೆ ಮಾಡಲಾಗಿದೆ. ಇದರ ಆಧಾರದಲ್ಲಿ ಜುಲೈ ತುಟ್ಟಿಭತ್ಯೆ ಶೇ. 3 ರಷ್ಟು ಏರಿಕೆಯಾಗಲಿದೆ ಎಂದು ಹೇಳಲಾಗುತ್ತಿದೆ. ಆದರೆ ಇದು ಶೇ. 4 ರಷ್ಟು ಹೆಚ್ಚಳವಾಗಬೇಕು ಎನ್ನುವ ನಿರೀಕ್ಷೆ ಕೂಡಾ ಇದೆ. ಇನ್ನು ಕೆಲವೇ ದಿನಗಳಲ್ಲಿ ಸರ್ಕಾರ ಈ ಬಗ್ಗೆ ಅಧಿಕೃತವಾಗಿ ಘೋಷಣೆ ಮಾಡಲಿದೆ.
ಎರಡು ಬಾರಿ ತುಟ್ಟಿಭತ್ಯೆ ಹೆಚ್ಚಳ :
ಮಾರ್ಚ್ 2023 ರಲ್ಲಿ, ಸರ್ಕಾರವು ನೌಕರರ ತುಟ್ಟಿಭತ್ಯೆಯನ್ನು ಶೇಕಡಾ 4 ರಷ್ಟು ಹೆಚ್ಚಿಸಿ ಅನುಮೋದನೆ ನೀಡಿತ್ತು. ಈ ಹೆಚ್ಚಳವು ಜನವರಿ 2023 ರಿಂದಲೇ ಅನ್ವಯವಾಗಿತ್ತು. ಅದೇ ರೀತಿ ಈ ಬಾರಿಯೂ ಅಂದರೆ ಜುಲೈ 2023ರಿಂದ ತುಟ್ಟಿಭತ್ಯೆ ಶೇ.4ರಷ್ಟು ಏರಿಕೆಯಾಗಬಹುದು ಎಂದು ಕೂಡಾ ಮೂಲವೊಂದು ತಿಳಿಸಿದೆ. ಜುಲೈ ಡಿಎ ಹೆಚ್ಚಳವನ್ನು ಸೆಪ್ಟೆಂಬರ್ ನಲ್ಲಿ ಘೋಷಣೆ ಮಾಡಲಾಗುವುದು. ಸರ್ಕಾರಿ ನೌಕರರ ತುಟ್ಟಿಭತ್ಯೆಯನ್ನು ವರ್ಷಕ್ಕೆ ಎರಡು ಬಾರಿ ಹೆಚ್ಚಿಸಲಾಗುತ್ತದೆ. ಇದರ ಪ್ರಕಾರ ಮುಂದಿನ ತುಟ್ಟಿಭತ್ಯೆ ಹೆಚ್ಚಳ ಜನವರಿ 2024 ರಂದು ಘೋಷಣೆಯಾಗಲಿದೆ.
ಇದನ್ನೂ ಓದಿ : ಆಧಾರ್ ಕಾರ್ಡ್ ಅಪ್ಡೇಟ್ : ಸೆ .14 ರೊಳಗೆ ಈ ಕೆಲಸ ಮಾಡಿದರೆ ಸಂಪೂರ್ಣ ಉಚಿತ, ಇಲ್ಲವಾದರೆ ನೀಡಬೇಕಾಗುತ್ತದೆ ಹಣ
ಶೇ. 50 ತಲುಪುವುದು ಡಿಎ :
ಇದೆ ಲೆಕ್ಕಾಚಾರದ ಪ್ರಕಾರ ನೋಡುವುದಾದರೆ ಜುಲೈ ತುಟ್ಟಿ ಭತ್ಯೆ ಶೇ 4 ರಷ್ಟು ಏರಿಕೆಯಾದರೆ, ಒಟ್ಟು ಡಿಎ ಶೇ 46 ಕ್ಕೆ ಏರುತ್ತದೆ. ನಂತರ ಮತ್ತೆ ಜನವರಿಯಲ್ಲಿ ಶೇ. 4 ರಷ್ಟು ತುಟ್ಟಿಭತ್ಯೆ ಹೆಚ್ಚಳವಾದರೆ ಸರ್ಕಾರಿ ನೌಕರರ ಡಿಎ ಶೇ. 50 ಕ್ಕೆ ತಲುಪುತ್ತದೆ. ಇದರ ಜೊತೆಗೆ ಸರ್ಕಾರಿ ನೌಕರರ ವೇತನದಲ್ಲಿ ಭಾರೀ ಬದಲಾವಣೆಯಾಗುವುದು ಖಚಿತ.
ಡಿಎ ಹೆಚ್ಚಳ ಹೊಸ ವರ್ಷದಿಂದಲೇ ಜಾರಿಗೆ ಬರಲಿದೆ :
ಹೊಸ ವರ್ಷ 2024 ರ ಪ್ರಾರಂಭದೊಂದಿಗೆ, ಮಾಸಿಕ ವೇತನದ ಆಧಾರದ ಮೇಲೆ ಇನ್‌ಕ್ರಿಮೆಂಟ್ ಲಭ್ಯವಿರುತ್ತದೆ. ಈ ತುಟ್ಟಿಭತ್ಯೆ ಹೆಚ್ಚಳದ ಲಾಭವನ್ನು 7ನೇ ವೇತನ ಶ್ರೇಣಿಯಡಿ ವೇತನ ಪಡೆಯುವ ಕೇಂದ್ರ ಸರ್ಕಾರಿ ನೌಕರರಿಗೆ ನೀಡಲಾಗುವುದು. ವರದಿಗಳ ಪ್ರಕಾರ, ಒಟ್ಟು 1 ಕೋಟಿಗೂ ಹೆಚ್ಚು ಕೇಂದ್ರ ನೌಕರರು ಮತ್ತು ಪಿಂಚಣಿದಾರರು ಈ ಹೆಚ್ಚಳದಿಂದ ನೇರವಾಗಿ ಪ್ರಯೋಜನ ಪಡೆಯಲಿದ್ದಾರೆ.
ಮೂಲ ವೇತನದಲ್ಲಿ ಬದಲಾವಣೆ :
ಒಮ್ಮೆ ಡಿಎ ಶೇ 50 ನ್ನು ತಲುಪಿದರೆ ನಂತರ ಅದನ್ನು ಶೂನ್ಯಕ್ಕೆ ಇಳಿಸಲಾಗುತ್ತದೆ. ತುಟ್ಟಿಭತ್ಯೆ ಶೂನ್ಯವಾದ ನಂತರ, ಮತ್ತೆ ಆ ದರದ ಶೇಕಡಾವಾರು 1, 2 ರಂತೆ ಪ್ರಾರಂಭವಾಗುತ್ತದೆ. ತುಟ್ಟಿಭತ್ಯೆಯು ಶೇಕಡಾ 50 ಕ್ಕೆ ತಲುಪಿದ ನಂತರ, ಅದನ್ನು ಮೂಲ ವೇತನಕ್ಕೆ ಲಿಂಕ್ ಮಾಡಲಾಗುತ್ತದೆ.
ಇದನ್ನೂ ಓದಿ : ಇಂದಿನಿಂದ ಮೋದಿ ಸರ್ಕಾರ ಆರಂಭಿಸಿದೆ ಈ ಅದ್ಬುತ ಯೋಜನೆ, ತಿಂಗಳಿಗೆ 10,000 ಗಳಿಕೆ ಮಾಡುವ ಸುವರ್ಣಾವಕಾಶ!
ಕೇಂದ್ರ ಸರ್ಕಾರಿ ನೌಕರರ ಸಂಬಳ ಎಷ್ಟು ಹೆಚ್ಚಳ? :
ಪ್ರಸ್ತುತ, ಪೇ-ಬ್ಯಾಂಡ್ ಲೆವೆಲ್-1 ಸರ್ಕಾರಿ ನೌಕರರ ಮೂಲ ವೇತನ ರೂ. 18,000. ಇದು ಕನಿಷ್ಠ ಮೂಲ ವೇತನವಾಗಿದೆ. ಆದರೆ, ಇದೇ ಲೆಕ್ಕಾಚಾರದಲ್ಲಿ ತುಟ್ಟಿಭತ್ಯೆ ಶೇ.50 ರಂತೆ ಲೆಕ್ಕ ಹಾಕಿದಾಗ 9 ಸಾವಿರ ರೂ.ಆಗುತ್ತದೆ. ಮೊದಲೇ ಹೇಳಿದ ಹಾಗೆ ತುಟ್ಟಿಭತ್ಯೆ ಶೇಕಡಾ 50 ಕ್ಕೆ ತಲುಪಿದ ನಂತರ ಅದನ್ನು ಶೂನ್ಯಕ್ಕೆ ಇಳಿಸಿ ಮೂಲ ವೇತನಕ್ಕೆ ಸೇರಿಸಲಾಗುತ್ತದೆ. ಅಂದರೆ 18,000 ರೂಪಾಯಿ ಇದ್ದ ಮೂಲ ವೇತನಕ್ಕೆ 9,000 ಸೇರಿ ಅದು 27,000 ರುಪಾಯಿಗೆ ಏರಿಕೆಯಾಗುತ್ತದೆ. ಇದರ ನಂತರ, ತುಟ್ಟಿಭತ್ಯೆಯನ್ನು 27,000 ರೂ. ಮೇಲೆ ಲೆಕ್ಕಹಾಕಲಾಗುತ್ತದೆ.
ಮನೆ ಬಾಡಿಗೆ ಭತ್ಯೆಯಲ್ಲಿಯೂ ಹೆಚ್ಚಳ :
DoPT ಯ ಜ್ಞಾಪಕ ಪತ್ರದ ಪ್ರಕಾರ, ಕೇಂದ್ರ ಸರ್ಕಾರಿ ನೌಕರರಿಗೆ ಮನೆ ಬಾಡಿಗೆ ಭತ್ಯೆಯನ್ನು ತುಟ್ಟಿಭತ್ಯೆ ಹೆಚ್ಚಳದ ಆಧಾರದ ಮೇಲೆ ಪರಿಷ್ಕರಿಸಲಾಗುತ್ತದೆ. ನಗರದ ಪ್ರಕಾರದ ಪ್ರಕಾರ, ಶೇಕಡಾ 27, ಶೇಕಡಾ 18 ಮತ್ತು ಶೇಕಡಾ 9 ರ ದರದಲ್ಲಿ HRA ಅನ್ನು ನೀಡಲಾಗುತ್ತದೆ. 2015 ರಲ್ಲಿ ನೀಡಲಾದ ಜ್ಞಾಪಕ ಪತ್ರದ ಪ್ರಕಾರ, HRA ಅನ್ನು ಕಾಲಕಾಲಕ್ಕೆ ಪರಿಷ್ಕರಿಸಲಾಗುವುದು. ತುಟ್ಟಿಭತ್ಯೆ 50% ದಾಟಿದಾಗ HRA ಕೂಡಾ ಬದಲಾಗುತ್ತದೆ.
HRA 3% ರಷ್ಟು ಹೆಚ್ಚಾಗುತ್ತದೆ :
ಮನೆ ಬಾಡಿಗೆ ಭತ್ಯೆಯಲ್ಲಿ ಮುಂದಿನ ಪರಿಷ್ಕರಣೆಯು 7 ನೇ ವೇತನ ಆಯೋಗದ ಅಡಿಯಲ್ಲಿ 3% ಆಗಿರುತ್ತದೆ. ಈಗಿರುವ ಗರಿಷ್ಠ ದರವಾದ ಶೇ.27ರಿಂದ ಎಚ್‌ಆರ್‌ಎ ಶೇ.30ಕ್ಕೆ ಏರಿಕೆಯಾಗಲಿದೆ. DA 50% ಮೀರಿದಾಗ, HRA 30%, 20% ಮತ್ತು 10% ಕ್ಕೆ ಏರುತ್ತದೆ. X, Y ಮತ್ತು Z ವರ್ಗದ ನಗರಗಳ ಪ್ರಕಾರ ಮನೆ ಬಾಡಿಗೆ ಭತ್ಯೆ ನೀಡಲಾಗುವುದು.
ಇದನ್ನೂ ಓದಿ : ARECANUT TODAY PRICE: ರಾಜ್ಯದ ಮಾರುಕಟ್ಟೆಯಲ್ಲಿ ಅಡಿಕೆ ಧಾರಣೆ ಮತ್ತೆ ಏರಿಕೆ!
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
