ಸೆ.28ಕ್ಕೆ ʼಸಲಾರ್‌ʼ ಬಿಡುಗಡೆ ಇಲ್ಲ..! ಹೊಂಬಾಳೆ ಫಿಲಂಸ್‌ ಸಂಸ್ಥೆಯಿಂದ ಬಿಗ್‌ ಅನೌನ್ಸ್‌ಮೆಂಟ್‌

Salaar update : ಪ್ರಭಾಸ್ ಅಭಿನಯದ ಸಾಲಾರ್ ಭಾಗ 1 ಸೆಪ್ಟೆಂಬರ್ 28 ರಂದು ಬಿಡುಗಡೆಯಾಗಬೇಕಿತ್ತು. ಆದ್ರೆ ಇದೀಗ ಈ ಕುರಿತು ಚಿತ್ರ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲಂಸ್ ಬಿಗ್‌ ಅಪ್‌ಡೆಟ್‌ ಒಂದನ್ನು ನೀಡಿದ್ದು, ಅಭಿಮಾನಿಗಳಲ್ಲಿ ಕ್ಷಮೆ ಕೇಳಿದೆ.

Prabhas Salaar movie : ರೆಬಲ್‌ ಸ್ಟಾರ್‌ ಪ್ರಭಾಸ್ ಮತ್ತು ಶ್ರುತಿ ಹಾಸನ್ ಅಭಿನಯದ 'ಸಾಲಾರ್ ಭಾಗ 1: ಕದನ ವಿರಾಮ' ಸೆಪ್ಟೆಂಬರ್ 28 ರಂದು ಬಿಡುಗಡೆಯಾಗಬೇಕಿತ್ತು. ಆದರೆ ಸಲಾರ್‌ ನಿಗದಿತ ದಿನದಂದು ಬಿಡುಗಡೆಯಾಗುವುದಿಲ್ಲ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಸಹ ನೆಟ್ಟಿಗರು ಚರ್ಚೆ ಶುರು ಮಾಡಿದ್ದರು. ಇದೀಗ ಸ್ವತಃ ಚಿತ್ರತಂಡ ಸಿನಿಮಾದ ರಿಲೀಸ್‌ ಡೇಟ್‌ ಕುರಿತು ಬಿಗ್‌ ಅನೌನ್ಸ್‌ ಮಾಡಿದೆ.

ಸಲಾರ್‌ ಸಿನಿಮಾ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಸತತ ಸೋಲಿನ ಬಳಿಕ ಪ್ರಭಾಸ್‌ ಫ್ಯಾನ್ಸ್‌ ಈ ಸಿನಿಮಾ ಮೇಲೆ ಬೆಟ್ಟದಷ್ಟು ಆಸೆ ಇಟ್ಟುಕೊಂಡಿದ್ದು, ರೆಬಲ್‌ ಕಮ್‌ಬ್ಯಾಕ್‌ಗಾಗಿ ಕಾಯುತ್ತಿದ್ದಾರೆ.  ಸಿನಿಮಾ ಸೆ.28ರಂದು ರಿಲೀಸ್‌ ಆಗುತ್ತೆ ಅಂತ ಚಿತ್ರತಂಡ ಹೇಳಿತ್ತು. ಆದ್ರೆ ಇದೀಗ ಕಾರಣಾಂತರದಿಂದ ಸಿನಿಮಾ ನಿಗದಿತ ದಿನಕ್ಕೆ ಬಿಡುಗಡೆಯಾಗುತ್ತಿಲ್ಲ.

View this post on Instagram

A post shared by Hombale Films (@hombalefilms)

ಇದನ್ನೂ ಓದಿ: ಬಿಕಿನಿ ಅವತಾರದಲ್ಲಿ ಕಂಗೊಳಿಸಿದ ಐಶ್ವರ್ಯಾ ರೈ ತದ್ರೂಪಿ ಸ್ನೇಹಾ ಉಲ್ಲಾಳ

ಹೌದು.. ಈ ಕುರಿತು ಹೊಂಬಾಳೆ ಫಿಲಂಸ್‌ ತನ್ನ ಅಧಿಕೃತ ಎಕ್ಸ್‌ ಖಾತೆಯಲ್ಲಿ ಹೇಳಿಕೊಂಡಿದೆ.. "#Salaar ಗೆ ಇರುವ ನಿಮ್ಮ ಬೆಂಬಲವನ್ನು ನಾವು ಶ್ಲಾಘಿಸುತ್ತೇವೆ. ಅನಿರೀಕ್ಷಿತ ಸನ್ನಿವೇಶಗಳಿಂದಾಗಿ ನಾವು ಸಿನಿಮಾ ಬಿಡುಗಡೆ ದಿನಾಂಕ ಸೆಪ್ಟೆಂಬರ್ 28 ರಿಂದ ಮೂಂದೂಡುತ್ತಿದ್ದೇವೆ. ನಿಮಗೆ ಅಸಾಧಾರಣವಾದ ಸಿನಿಮೀಯ ಅನುಭವ ನೀಡಲು ನಾವು ಬದ್ಧರಾಗಿರುವುದರಿಂದ ಈ ನಿರ್ಧಾರವನ್ನು ಎಚ್ಚರಿಕೆಯಿಂದ ತೆಗೆದುಕೊಂಡಿದ್ದೇವೆ ಎಂಬುದನ್ನು ದಯವಿಟ್ಟು ಅರ್ಥಮಾಡಿಕೊಳ್ಳಿ. ನಮ್ಮ ತಂಡ ಅತ್ಯುನ್ನತ ಗುಣಮಟ್ಟವನ್ನು ಪೂರೈಸಲು ದಣಿವರಿಯಿಲ್ಲದೆ ಕೆಲಸ ಮಾಡುತ್ತಿದೆ" ಎಂಬ ಬರಹದ ಪೋಸ್ಟ್‌ ಹಂಚಿಕೊಂಡು ಮಾಹಿತಿ ನೀಡಿದೆ.

ಅಲ್ಲದೆ, "ಹೊಸ ಬಿಡುಗಡೆ ದಿನಾಂಕವನ್ನು ಸರಿಯಾದ ಸಮಯದಲ್ಲಿ ಬಹಿರಂಗಪಡಿಸಲಾಗುವುದು... ಧನ್ಯವಾದಗಳು" ಎಂದು ಹೊಂಬಾಳೆ ಫಿಲ್ಮ್ಸ್ ಅಭಿಮಾನಿಗಳಲ್ಲಿ ಕೇಳಿಕೊಂಡಿದೆ. ಕೆಜಿಎಫ್ ಫ್ರಾಂಚೈಸ್ ಖ್ಯಾತಿಯ ಪ್ರಶಾಂತ್ ನೀಲ್ ಸಲಾರ್‌ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ವಿಜಯ್ ಕಿರಗಂದೂರು ಈ ಸಿನಿಮಾವನ್ನು ಹೊಂಬಾಳೆ ಫಿಲಂಸ್‌ ಬ್ಯಾನರ್‌ ಅಡಿಯಲ್ಲಿ ನಿರ್ಮಿಸಿದ್ದಾರೆ. ಚಿತ್ರದ ಸರಣಿಯ ಮೊದಲ ಭಾಗ 'ಸಲಾರ್ ಭಾಗ 1: ಕದನ ವಿರಾಮ' ಬಿಡುಗಡೆಯಾಗಬೇಕಿದೆ. ಚಿತ್ರದಲ್ಲಿ ಪೃಥ್ವಿರಾಜ್ ಸುಕುಮಾರನ್, ಶ್ರುತಿ ಹಾಸನ್, ಈಶ್ವರಿ ರಾವ್, ಜಗಪತಿ ಬಾಬು ಮತ್ತು ಶ್ರೀಯಾ ರೆಡ್ಡಿ ನಟಿಸಿದ್ದಾರೆ.