ಎಲೈಟ್ ಮಹಿಳಾ ಬಾಕ್ಸಿಂಗ್‌ 16 ರ ಸುತ್ತಿಗೆ ಪ್ರವೇಶ ಪಡೆದ ಹಾಲಿ ಚಾಂಪಿಯನ್‌ ! "ಸವೀಟಿ ಬೂರಾ"

Boxing Federation of India :ಬಾಕ್ಸಿಂಗ್ ಫೆಡರೇಶನ್ ಆಫ್ ಇಂಡಿಯಾದಿಂದ ನಡೆಯುತ್ತಿರುವ ಪ್ರತಿಷ್ಠಿತ ಪಂದ್ಯಾವಳಿಯಲ್ಲಿ 12 ವಿಭಾಗಗಳಲ್ಲಿ ಸ್ಪರ್ಧಿಸುವ 300 ಕ್ಕೂ ಹೆಚ್ಚು ಬಾಕ್ಸರ್‌ಗಳು ಭಾಗವಹಿಸುತ್ತಿದ್ದಾರೆ. ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ಸವೀಟಿ ಬೂರಾ ಮತ್ತು ಪೂಜಾ ರಾಣಿ ಕೊನೆಯ 16ನೇ ಸುತ್ತಿಗೆ ಪ್ರವೇಶ ಪಡೆದರು.

Saweety Boora : ಗ್ರೇಟರ್ ನೋಯ್ಡಾದ GBU ಒಳಾಂಗಣ ಕ್ರೀಡಾಂಗಣದಲ್ಲಿ  7ನೇ ಎಲೈಟ್ ಮಹಿಳಾ ರಾಷ್ಟ್ರೀಯ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ ನಡೆಯುತ್ತಿದೆ. ಶನಿವಾರ (ಡಿಸೆಂಬರ್‌ 23)ರಂದು ನಡೆದ ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ  ಸವೀಟಿ ಬೂರಾ ಮತ್ತು ಪೂಜಾ ರಾಣಿ ಕೊನೆಯ 16ನೇ ಸುತ್ತಿಗೆ ಪ್ರವೇಶ ಪಡೆದರು.

ರಾಷ್ಟ್ರೀಯ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಹಾಲಿ ವಿಶ್ವ ಚಾಂಪಿಯನ್‌ ಆಗಿದ್ದ "ಸವೀಟಿ "ಅವರು 81 ಕೇಜಿ ತೂಕದ ಬಾಕ್ಸಿಂಗ್‌ ಪಂದ್ಯದಲ್ಲಿ  ಆರ್‌ಎಸ್‌ಪಿಬಿ (ರೈಲ್ವೇ ಸ್ಪೋರ್ಟ್ಸ್ ಪ್ರಮೋಷನ್ ಬೋರ್ಡ್‌)ಯ ಅಲ್ಫಿಯಾ ವಿರುಧ್ದ  4-1 ಅಂತರಗಳಿಂದ ಗೆಲುವು ದಾಖಲಿಸಿ 16 ನೇ ಸುತ್ತಿಗೆ ಕ್ವಾಲಿಫೈ ಆದರು.

ಇದನ್ನು ಓದಿ-"ರೋಹಿತ್ " ಮತ್ತು "ವಿರಾಟ್ " T20 ವಿಶ್ವಕಪ್‌ನಲ್ಲಿ ಆಡಬೇಕು: ರವಿ ಬೋಪಾರ ಹೇಳಿಕೆ !

ಎರಡು ಬಾರಿ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕ ವಿಜೇತೆ ಪೂಜಾ ರಾಣಿಯವರು ಕೂಡ 75 ಕೆಜಿ ತೂಕದಲ್ಲಿ  ನಾಗಾಲ್ಯಾಂಡ್‌ನ ರೇಣು ವಿರುದ್ಧ ಗೆದ್ದು 16ನೇ ಸುತ್ತಿಗೆ ಪ್ರೇಶಿಸಿದರು. ಇವರು ಮಾತ್ರವಲ್ಲದೇ 2022 ರ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಕಂಚಿನ ಪದಕ ಗೆದ್ದಂತಹ ಮನೀಶಾ ಮೌನ್ (60 ಕೆಜಿ) ಮತ್ತು ಸನೆಹ್ (70 ಕೆಜಿ) ಹಾಗೂ ಹರಿಯಾಣದ ಇತರ ಬಾಕ್ಸರ್‌ಗಳು  ಕೊನೆಯ-16 ಹಂತವನ್ನು ಪ್ರವೇಶಿಸಿದರು.

 RSPB ಯ ನೂಪುರ್ ತನ್ನ 81 ಕೆಜಿಯ  ರೌಂಡ್-ಆಫ್-16 ಪಂದ್ಯದಲ್ಲಿ ದೆಹಲಿಯ ಹಿಮಾಂಶಿ ಆಂಟಿಲ್ ವಿರುದ್ಧ ಜಯಗಳಿಸಿ ಕ್ವಾರ್ಟರ್ ಫೈನಲ್‌ ಪಾದರ್ಪಣೆ ಮಾಡಿದರು. ಇವರು ಕ್ವಾರ್ಟರ್ ಫೈನಲ್‌ನಲ್ಲಿ ನೂಪುರ್ ಉತ್ತರಾಖಂಡದ ಮೋನಿಕಾ ಸಾಹುನ್ ವಿರುದ್ಧ ಸೆಣಸಾಡಲಿದ್ಧಾರೆ.

ಇದನ್ನು ಓದಿ-ಭಾರತಕ್ಕೆ ಅನೇಕ ಪದಕ ಗೆದ್ದುಕೊಟ್ಟ ಕುಸ್ತಿಪಟು "ಸಾಕ್ಷಿ ಮಲಿಕ್ " ನಿವೃತ್ತಿ ಘೋಷಣೆ !

ಎರಡನೇ ದಿನವೂ ಉತ್ತರ ಪ್ರದೇಶದ ಬಾಕ್ಸರ್‌ಗಳ ಪ್ರಾಬಲ್ಯ ತಮ್ಮ ಪ್ರಾಬಲ್ಯವನ್ನು ಮೆರೆದರು.ಅಪ್ರಜಿತಾ ಮಣಿ 57 ಕೆಜಿ ವಿಭಾಗದಲ್ಲಿಮಹಾರಾಷ್ಟ್ರದ ಆರ್ಯ ಬರ್ತ ಅವರನ್ನು 5-2 ಅಂತರಗಳಿಂದ ಸೋಲಿಸಿದ್ದು, ರಿಂಕಿ ಶರ್ಮಾ 63 ಕೆಜಿ ವಿಭಾಗದಲ್ಲಿ ತಮಿಳುನಾಡಿನ ವಿ ಮೋನಿಶಾರನ್ನು 5-0 ಅಂತರದಲ್ಲಿ ಸೋಲಿಸಿದರು.ಇನ್ನೊಂದು ಕಡೆ  66 ಕೆಜಿ ವಿಭಾಗದಲ್ಲಿ ರೇಖಾ ತೆಲಂಗಾಣದ ಪೂಜಾ ಬಿಸ್ವಾಸ್ ಅವರನ್ನು ಮತ್ತು  75 ಕೆ ವಿಭಾಗದಲ್ಲಿ ದೀಪಿಕಾ ತಮ್ಮ ಎದುರಾಳಿ  ಒಡಿಶಾದ ಸುನೀತಾ ಜೆನಾ ವಿರುಧ್ದ ಜಯಗಳಿಸಿದರು.

ಬಾಕ್ಸಿಂಗ್ ಫೆಡರೇಶನ್ ಆಫ್ ಇಂಡಿಯಾದಿಂದ ನಡೆಯುತ್ತಿರುವ ಪ್ರತಿಷ್ಠಿತ ಪಂದ್ಯಾವಳಿಯಲ್ಲಿ 12 ವಿಭಾಗಗಳಲ್ಲಿ ಸ್ಪರ್ಧಿಸುವ 300 ಕ್ಕೂ ಹೆಚ್ಚು ಬಾಕ್ಸರ್‌ಗಳು ಭಾಗವಹಿಸುತ್ತಿದ್ದಾರೆ. ಬುಧವಾರ ಫೈನಲ್ ಪಂದ್ಯಗಳು ನಡೆಯಲಿದ್ದು, ಪದಕಗಳಿಗೆ ಯಾರೆಲ್ಲ ಮುತ್ತಿಡುತ್ತಾರೆ ಎಂದು ಕಾದು ನೋಡಬೇಕಿದೆ.