ಡಿಎ ಹೆಚ್ಚಳದ ಜೊತೆಗೆ ಮೂಲವೇತನದಲ್ಲಿಯೂ ಬದಲಾವಣೆ !ಸರ್ಕಾರಿ ನೌಕರರ ವೇತನ ಪರಿಷ್ಕರಣೆ ಬಗ್ಗೆ ಹೊಸ ಅಪ್ಡೇಟ್

1 /10

ಕೇಂದ್ರ ಸರ್ಕಾರಿ ನೌಕರರ ನಿರೀಕ್ಷೆ ಇನ್ನೂ ಮುಂದುವರೆದಿದೆ.8ನೇ ವೇತನ ಆಯೋಗದ  ಬಗ್ಗೆ ಸರ್ಕಾರ ಇನ್ನೂ ಯಾವುದೇ ಘೋಷಣೆ ಮಾಡಿಲ್ಲ.ಆದರೆ ಇದೀಗ ಮೂಲ ವೇತನ ಹೆಚ್ಚಳದ ಬಗ್ಗೆ ಪ್ರಮುಖ ಅಪ್ಡೇಟ್ ಬಂದಿದೆ.   

2 /10

ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರ ವೇತನ ಮತ್ತು ಪಿಂಚಣಿ ಪರಿಷ್ಕರಣೆ ಕುರಿತು 8ನೇ  ಆಯಿಗ ರಚನೆ ಬಗ್ಗೆ ಸರ್ಕಾರ ಅಧಿಸೂಚನೆ ಹೊರಡಿಸದಿದ್ದರೂ, ಭತ್ಯೆ ಹೆಚ್ಚಳದೊಂದಿಗೆ ಮೂಲ ವೇತನ ಪರಿಷ್ಕರಣೆಯನ್ನು ಸಂಯೋಜಿಸಲು ಸಮಿತಿ ಶಿಫಾರಸು ಮಾಡುತ್ತದೆ ಎಂದು ನೌಕರರ ಸಂಘಗಳು ಅಭಿಪ್ರಾಯಪಟ್ಟಿವೆ.  

3 /10

ತುಟ್ಟಿಭತ್ಯೆ  50% ದಾಟಿದ ನಂತರ ಮೂಲ ವೇತನವನ್ನು ಸ್ವಯಂಚಾಲಿತವಾಗಿ ಹೆಚ್ಚಿಸಬೇಕು ಎಂದು 7 ನೇ ವೇತನ ಆಯೋಗವು ಶಿಫಾರಸು ಮಾಡಿದೆ ಎಂದು ಕೇಂದ್ರ ಸರ್ಕಾರಿ ನೌಕರರ ಒಕ್ಕೂಟದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಹಾಗಾಗಿ ಈಗ  ವೇತನ ಪರಿಷ್ಕರಣೆ ಮಾಡಬೇಕು ಆಗಿಯೇ ಆಗುತ್ತದೆ ಎನ್ನುವುದು ಅವರ ವಾದ.  

4 /10

7ನೇ ವೇತನ ಆಯೋಗದಲ್ಲಿ ಶಿಫಾರಸ್ಸು ಮಾಡಲಾಗಿತ್ತಾದರೂ, ಸರ್ಕಾರ ಅದನ್ನು ಅಂಗೀಕರಿಸಿಲ್ಲ.ಆದರೆ 8ನೇ ವೇತನ ಆಯೋಗದಲ್ಲಿ ಇದನ್ನು ಶಿಫಾರಸು ಮಾಡುವ ನಿರೀಕ್ಷೆಯಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.   

5 /10

ಡಿಎ 50% ದಾಟಿದ ಕಾರಣ 8 ನೇ ವೇತನ ಆಯೋಗವು ಮೂಲ ವೇತನದಲ್ಲಿ ಹೆಚ್ಚಳವನ್ನು ಶಿಫಾರಸು ಮಾಡುವ ನಿರೀಕ್ಷೆಯಿದೆ ಎಂದು ಅಖಿಲ ಭಾರತ ರೈಲ್ವೇಮೆನ್ ಫೆಡರೇಶನ್ ಅಧ್ಯಕ್ಷ ಶಿವ ಗೋಪಾಲ್ ಮಿಶ್ರಾ ಹೇಳಿದ್ದಾರೆ. 8ನೇ ವೇತನ ಆಯೋಗ ರಚನೆಗೂ ಮುನ್ನ ಈ ಬೇಡಿಕೆಯನ್ನು  ಈಡೇರಿಸಲೆ ಬೇಕು ಎಂದು ಒತ್ತಾಯಿಸಿವೆ.   

6 /10

7 ನೇ ವೇತನ ಆಯೋಗದ ವರದಿಯ ಪ್ರಕಾರ,ಮೂಲ ವೇತನದ 50% ತಲುಪಿದ ನಂತರ ಮನೆ ಬಾಡಿಗೆ ಭತ್ಯೆ ಸೇರಿದಂತೆ ಅನೇಕ ಭತ್ಯೆಗಳು ಸ್ವಯಂಚಾಲಿತವಾಗಿ ಪರಿಷ್ಕರಿಸಲ್ಪಡುತ್ತವೆ.ಆದರೆ,ಮೂಲ ವೇತನದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ.  

7 /10

ಸರ್ಕಾರ ಮತ್ತು ನೌಕರರ ನಡುವಿನ ವಿವಾದಗಳನ್ನು ಪರಿಹರಿಸುವ ಅಧಿಕೃತ ವೇದಿಕೆಯಾದ ರಾಷ್ಟ್ರೀಯ ಕೌನ್ಸಿಲ್-ಜಂಟಿ ಸಲಹಾ ಮಂಡಳಿಯ ಕಾರ್ಯದರ್ಶಿ (ನೌಕರರ ಕಡೆಯಿಂದ ) ಮಿಶ್ರಾ, ಕನಿಷ್ಠ ವೇತನವು ಈಗಾಗಲೇ ಮೂಲ ವೇತನದ 50% ದಾಟಿದೆ ಎಂದು ಸರ್ಕಾರದ ಮುಂದೆ ಬೊಟ್ಟು ಮಾಡಿದ್ದಾರೆ. 8ನೇ ವೇತನ ಆಯೋಗವನ್ನು ಆದಷ್ಟು ಬೇಗ ರಚಿಸಿ ಜಾರಿಗೆ ತರುವಂತೆ ನೌಕರರ ಪರಿಷತ್ತು ಕೇಂದ್ರ ಸಂಪುಟ ಕಾರ್ಯದರ್ಶಿ ಟಿ.ವಿ.ಸೋಮನಾಥನ್ ಅವರಿಗೆ ಮನವಿ ಪತ್ರ ಸಲ್ಲಿಸಿರುವುದಾಗಿಯೂ ಹೇಳಿದ್ದಾರೆ.   

8 /10

ಏಳನೇ ವೇತನ ಆಯೋಗ ರಚನೆಯಾದಾಗ ಮೂಲ ವೇತನವನ್ನು ನಿರ್ಧರಿಸುವ ಫಿಟ್‌ಮೆಂಟ್ ಅಂಶವನ್ನು 3.68ಕ್ಕೆ ಹೆಚ್ಚಿಸಬೇಕು ಎಂದು ನೌಕರರ ಸಂಘಗಳು ಒತ್ತಾಯಿಸಿದ್ದವು.ಆದರೆ, ಅಂದು ಸರ್ಕಾರ ಫಿಟ್‌ಮೆಂಟ್ ಅಂಶವನ್ನು 2.57 ನಿಗದಿಪಡಿಸಿತ್ತು.ಕನಿಷ್ಠ ವೇತನವನ್ನು ರೂ.18,000ಕ್ಕೆ ಹೆಚ್ಚಿಸಲಾಗಿದೆ.

9 /10

8ನೇ ವೇತನ ಆಯೋಗ ಜಾರಿಗೆ ಬಂದಾಗ ಸರ್ಕಾರ ಫಿಟ್‌ಮೆಂಟ್ ಅಂಶವನ್ನು 3.68ಕ್ಕೆ ಹೆಚ್ಚಿಸಬಹುದು ಎಂದು ಹೇಳಲಾಗಿದೆ.ಇದರಿಂದಾಗಿ ಕನಿಷ್ಠ ವೇತನ ಈಗಿರುವ 18 ಸಾವಿರದಿಂದ 34,560 ರೂ.ಗೆ ಏರಬಹುದು.ಇದಲ್ಲದೇ ಗರಿಷ್ಠ ವೇತನವೂ 2.5 ಲಕ್ಷದಿಂದ 4.8 ಲಕ್ಷಕ್ಕೆ ಏರಿಕೆಯಾಗುವ ನಿರೀಕ್ಷೆಯಿದೆ.

10 /10

ಸೂಚನೆ :ಈ ಪೋಸ್ಟ್ ಅನ್ನು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಬರೆಯಲಾಗಿದೆ. ಆ ಮೂಲಕ ವೇತನದ ದರದಲ್ಲಿ ಹೆಚ್ಚಳ ಅಥವಾ ಮುಂದಿನ ವೇತನ ಆಯೋಗದ ಯಾವುದೇ ಗ್ಯಾರಂಟಿ ನೀಡಲಾಗುವುದಿಲ್ಲ. ಇತ್ತೀಚಿನ ಮತ್ತು ನಿಖರವಾದ ಮಾಹಿತಿಗಾಗಿ ಅಧಿಕೃತ ಸರ್ಕಾರಿ ವೆಬ್‌ಸೈಟ್‌ಗಳನ್ನು ಪ್ರವೇಶಿಸಲು ಶಿಫಾರಸು ಮಾಡಲಾಗಿದೆ.