ಬೆಂಗಳೂರು: ಕೆಜಿಎಫ್ ಫ್ರ್ಯಾಂಚೈಸ್ ಮತ್ತು ಮುಂಬರುವ ಪ್ರಭಾಸ್ ಅಭಿನಯದ ಸಲಾರ್ ತಯಾರಕರಾದ ಹೊಂಬಾಳೆ ಫಿಲ್ಮ್ಸ್ ಗುರುವಾರ ತಮ್ಮ ಹೊಸ ಯೋಜನೆಯನ್ನು ಬಘೀರ ಎಂಬ ಚಿತ್ರದ ಹೆಸರಿನೊಂದಿಗೆ ಘೋಷಿಸಿದ್ದು, ಸ್ಯಾಂಡಲ್ ವುಡ್ ನಟ ಶ್ರೀಮುರಳಿ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ. ವಿಶೇಷವೆಂದರೆ ಈ ಚಿತ್ರದ ಘೋಷಣೆ ಅವರ ಹುಟ್ಟುಹಬ್ಬದಂದೇ ಬಂದಿರುವುದು ಮತ್ತೊಂದು ವಿಶೇಷ ಎನ್ನಲಾಗಿದೆ.
ಇದನ್ನು ಓದಿ: ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೆ 'KGF 2' ತಂಡದಿಂದ ಗಿಫ್ಟ್
. @SRIMURALIII as #Bagheera
Penned a story of valor, for my first true Mass Hero.
Wishing #sriimurali a Happy Birthday.@VKiragandur @DrSuri_dir @hombalefilms pic.twitter.com/7uKtBiENIu— Prashanth Neel (@prashanth_neel) December 17, 2020
ಇನ್ನೊಂದು ಸಂಗತಿ ಎಂದರೆ ಬಘೀರ್ ಚಿತ್ರದ ಕಥೆಯನ್ನು ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಅವರು ಹೆಣೆದಿದ್ದಾರೆ.ಉಗ್ರಂ ಹಾಗೂ ಉಫ್ತಿ ಯಂತಹ ಆಕ್ಷನ್ ಚಿತ್ರಗಳ ನಂತರ ಶ್ರಿಮುರಳಿ ಈಗ ಆಕ್ಷನ್ ಸಿನಿಮಾದ ಐಕಾನ್ ಆಗಿ ಮಿಂಚುತ್ತಿದ್ದಾರೆ. ಉಗ್ರಂ ನಂತರ ಮೊದಲ ಬಾರಿಗೆ ಮತ್ತೆ ಪ್ರಶಾಂತ್ ನೀಲ್ ಮತ್ತು ಶ್ರೀಮುರಳಿ ಒಂದಾಗುತ್ತಿದ್ದಾರೆ.ಈಗಾಗಲೇ ಕೆಜಿಎಫ್ ಸಿನಿಮಾದ ಮೂಲಕ ಪ್ಯಾನ್ ಇಂಡಿಯಾ ಇಮೇಜ್ ಹೆಚ್ಚಿಸಿಕೊಂಡಿರುವ ಪ್ರಶಾಂತ್ ನೀಲ್ ಇತ್ತೀಚಿಗಷ್ಟೇ ಹೊಂಬಾಳೆ ಫಿಲಂಸ್ ಅಡಿಯಲ್ಲಿ ಪ್ರಭಾಸ್ ನಾಯಕತ್ವದ ಸಲಾರ್ ಸಿನಿಮಾವನ್ನು ಘೋಷಿಸಿದ್ದರು.
ಇದನ್ನು ಓದಿ: ಇಂಟರ್ನೆಟ್ ನಲ್ಲಿ ಮುಂದುವರೆದ 'KGF 2 Chapter-2' ನಟ ಯಶ್ ಜಾದೂ, ಲಕ್ಷಾಂತರ ಟ್ವೀಟ್
ಈ ಬಘೀರ್ ಚಿತ್ರವನ್ನು ಸೂರಿ ನಿರ್ದೇಶಿಸಲಿದ್ದಾರೆ. ಚಿತ್ರ ತಯಾರಕರು ಉಳಿದ ಪಾತ್ರವರ್ಗ ಮತ್ತು ಸಿಬ್ಬಂದಿಯನ್ನು ಇನ್ನೂ ಬಹಿರಂಗಪಡಿಸಿಲ್ಲ. ಚಿತ್ರದ ಪೋಸ್ಟರ್ ನಲ್ಲಿ ಅವರು ಪೋಲಿಸ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ ಎನ್ನುವುದು ತಿಳಿದುಬರುತ್ತದೆ.
ಕೆಜಿಎಫ್‌ನ ಪ್ಯಾನ್-ಇಂಡಿಯಾ ಯಶಸ್ಸಿನ ನಂತರ, ಹೊಂಬಲೆ ಫಿಲ್ಮ್ಸ್ ರಾಷ್ಟ್ರಮಟ್ಟದಲ್ಲಿ ಬಿಡುಗಡೆಯಾಗಬಹುದಾದ ಯೋಜನೆಗಳನ್ನು ತಯಾರಿಸುವತ್ತ ಗಮನ ಹರಿಸಿದೆ. ಅವರ ಮುಂಬರುವ ಸಲಾರ್ ಸಹ ಅನೇಕ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.ಹಿಂದಿಯಲ್ಲಿ ಡಬ್ ಮಾಡಿ ಬಿಡುಗಡೆಯಾಗಲಿರುವ ಸಲಾರ್ ಅನ್ನು ಅನಿಲ್ ಥಡಾನಿ ಪ್ರಸ್ತುತಪಡಿಸಲಿದ್ದಾರೆ.
