ಕೋಟ್ಲಾದಲ್ಲಿ ಅರುಣ್ ಜೈಟ್ಲಿ ಮೂರ್ತಿ ಸ್ಥಾಪನೆ ವಿಚಾರ, ಬಿಷನ್ ಸಿಂಗ್ ಬೇಡಿ ರಾಜೀನಾಮೆ

file photo

ನವದೆಹಲಿ: ದಿವಗಂತ ಅರುಣ್ ಜೇಟ್ಲಿಯವರ ಪ್ರತಿಮೆಯನ್ನು ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ಸ್ಥಾಪಿಸಲು ದೆಹಲಿ ಮತ್ತು ಜಿಲ್ಲಾ ಕ್ರಿಕೆಟ್ ಅಸೋಸಿಯೇಷನ್ ​​(ಡಿಡಿಸಿಎ ನಿರ್ಧರಿಸಿದ್ದಕ್ಕಾಗಿ ಸ್ಪಿನ್ ದಂತಕಥೆ ಬಿಶನ್ ಸಿಂಗ್ ಬೇಡಿ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ.

2017 ರಲ್ಲಿ ಡಿಡಿಸಿಎ ಪ್ರೇಕ್ಷಕರ ಸ್ಟಾಂಡ್ ಒಂದಕ್ಕೆ ಅವರ ಹೆಸರನ್ನು ನಾಮಕರಣ ಮಾಡಿರುವುದನ್ನು ಹಿಂತೆಗೆದುಕೊಳ್ಳಬೇಕು ಎಂದು ಅವರು ಆಗ್ರಹಿಸಿದರು. ಇದು ಅವರು ಸ್ವಜನಪಕ್ಷಪಾತವನ್ನು ಉತ್ತೇಜಿಸುತ್ತದೆ ಮತ್ತು ನಿರ್ವಾಹಕರನ್ನು ಕ್ರಿಕೆಟ ಆಟಗಾರರಿಗಿಂತ ಹೆಚ್ಚಿಗೆ ಆಧ್ಯತೆ ನೀಡಿದಂತಾಗುತ್ತದೆ ಎಂದು ಆರೋಪಿಸಿದರು, ಬಿಷನ್ ಸಿಂಗ್ ಬೇಡಿ ಅವರು ಈಗ ಡಿಡಿಸಿಎ ಸದಸ್ಯತ್ವವನ್ನು ತ್ಯಜಿಸಿದ್ದಾರೆ.

ಬಿಜೆಪಿ ನೇತೃತ್ವದ ಎನ್‌ಡಿಎ ಸರ್ಕಾರದಲ್ಲಿ ಸಚಿವರಾಗಿದ್ದ ಮತ್ತು ಕಳೆದ ವರ್ಷ ಅನೇಕ ಆರೋಗ್ಯ ಸಮಸ್ಯೆಗಳಿಂದಾಗಿ ನಿಧನರಾದ ದಿವಂಗತ ರಾಜಕಾರಣಿ ಅರುಣ್ ಜೇಟ್ಲಿಯವರ ಪುತ್ರ ಡಿಡಿಸಿಎ ಅಧ್ಯಕ್ಷ ರೋಹನ್ ಜೇಟ್ಲಿಯನ್ನು ಉದ್ದೇಶಿಸಿ ಅವರು ಈ ಪತ್ರವನ್ನು ಬರೆದಿದ್ದಾರೆ.

'ನಾನು ಅಪಾರ ಸಹಿಷ್ಣುತೆ ಮತ್ತು ತಾಳ್ಮೆಯ ಮನುಷ್ಯನೆಂದು ಹೆಮ್ಮೆಪಡುತ್ತೇನೆ...ಆದರೆ ಡಿಡಿಸಿಎ ನನ್ನನ್ನು ನಿಜವಾಗಿಯೂ ಪರೀಕ್ಷಿಸಿದೆ ಮತ್ತು ಈ ಕಠಿಣ ಕ್ರಮ ತೆಗೆದುಕೊಳ್ಳಲು ನನ್ನನ್ನು ಒತ್ತಾಯಿಸಿದೆ.ಆದ್ದರಿಂದ ಅಧ್ಯಕ್ಷರು ನನ್ನ ಹೆಸರಿನ ಸ್ಟಾಂಡ್ ನ್ನು ತಕ್ಷಣದಿಂದ ತೆಗೆಯಲು ನಾನು ವಿನಂತಿಸುತ್ತೇನೆ. ಅಲ್ಲದೆ, ನನ್ನ ಡಿಡಿಸಿಎ ಸದಸ್ಯತ್ವವನ್ನು ನಾನು ತ್ಯಜಿಸುತ್ತೇನೆ' ಎಂದು ಬೇಡಿ ತಮ್ಮ ಪತ್ರದಲ್ಲಿ ಬರೆದಿದ್ದಾರೆ.

ಕ್ರಿಕೆಟ್ ಆಡಳಿತವನ್ನು ತೊರೆಯುವ ಮೊದಲು 1999 ರಿಂದ 2013 ರವರೆಗೆ 14 ವರ್ಷಗಳ ಕಾಲ ಜೇಟ್ಲಿ ಡಿಡಿಸಿಎ ಅಧ್ಯಕ್ಷರಾಗಿದ್ದರು. ಅವರ ಸ್ಮರಣೆಯನ್ನು ಗೌರವಿಸಲು ಕೋಟ್ಲಾದಲ್ಲಿ ಆರು ಅಡಿ ಪ್ರತಿಮೆಯನ್ನು ಸ್ಥಾಪಿಸಲು ಸಂಸ್ಥೆಯು ಯೋಜಿಸಿದೆ.ಮೊಹಿಂದರ್ ಅಮರನಾಥ್ ಅವರೊಂದಿಗೆ ಡಿಡಿಸಿಎ 2017 ರ ನವೆಂಬರ್‌ನಲ್ಲಿ ಬೇಡಿ ನಂತರ ಒಂದು ಸ್ಟ್ಯಾಂಡ್ ಗೆ ಹೆಸರಿಸಿದೆ.