ವಿಮಾನ ಚಾಲನೆ ಮಾಡುತ್ತಿದ್ದಾಗಲೇ ಪೈಲೆಟ್ ಗೆ ಹೃದಯಾಘಾತ..! ಆತ ತಕ್ಷಣ ಮಾಡಿದ್ದೇನು ಗೊತ್ತೇ?

ಸಾಂದರ್ಭಿಕ ಚಿತ್ರ

ನವದೆಹಲಿ: ಬಾಂಗ್ಲಾದೇಶದ ಅಧಿಕೃತ ವಾಹಕವಾದ ಬಿಮಾನ್‌ನ ವಿಮಾನವು ಶುಕ್ರವಾರ ನಾಗ್ಪುರ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಿದೆ.

ಡಾಕಾಗೆ ಹೊರಟಿದ್ದ ಬಿಜಿ 22 ವಿಮಾನವು ಓಮನ್ ಬಂದರು ರಾಜಧಾನಿ ಮಸ್ಕತ್ ನಿಂದ 126 ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದಾಗ ಪೈಲಟ್ ಕ್ಯಾಪ್ಟನ್ ನೌಶಾದ್ ಅನಾರೋಗ್ಯಕ್ಕೆ ತುತ್ತಾದರು.

ಭಾರತೀಯ ವಿಮಾನ ನಿಲ್ದಾಣಗಳ ಪ್ರಾಧಿಕಾರ (AAI) ಮೂಲಗಳು ಕೊಲ್ಕತ್ತಾ ಎಟಿಸಿಯನ್ನು ಸಂಪರ್ಕಿಸಿದ್ದು, ನಂತರ ನಾಗ್ಪುರ ವಿಮಾನ ನಿಲ್ದಾಣದಲ್ಲಿ ವೈದ್ಯಕೀಯ ತುರ್ತು ಲ್ಯಾಂಡಿಂಗ್ ಮಾಡಲು ವಿಮಾನಕ್ಕೆ ಸೂಚನೆ ನೀಡಲಾಗಿದೆ.ಈ ಘಟನೆ ನಡೆದಾಗ ವಿಮಾನವು ಛತ್ತೀಸ್‌ಗಡ್ ಮೇಲೆ ಹಾರುತ್ತಿತ್ತು ಎನ್ನಲಾಗಿದೆ. ಬೆಳಿಗ್ಗೆ 11.37 ರ ಸುಮಾರಿಗೆ ವಿಮಾನವು ಸುರಕ್ಷಿತವಾಗಿ ಇಳಿಯಿತು, ನಂತರ ಪೈಲಟ್ ಅನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಎಂದು ಎಎಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: JOB: AAI ನಲ್ಲಿ 368 ವಿವಿಧ ಹುದ್ದೆಗಳಿಗೆ ಅರ್ಜಿ ಆಹ್ವಾನ: ಡಿ.15 ಕೊನೆ ದಿನ

ವರದಿಗಳ ಪ್ರಕಾರ, ವಿಮಾನದಲ್ಲಿದ್ದ ಎಲ್ಲಾ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ.ಪ್ರಯಾಣಿಕರು ಟರ್ಮಿನಲ್ ನಲ್ಲಿದ್ದರು ಮತ್ತು ಈಗ ಪರ್ಯಾಯ ವಿಮಾನಕ್ಕಾಗಿ ಕಾಯುತ್ತಿದ್ದಾರೆ ಎಂದು ನಾಗ್ಪುರ ವಿಮಾನ ನಿಲ್ದಾಣದ ನಿರ್ದೇಶಕ ಎಂ ಎ ಅಬಿದ್ ರೂಹಿ ಹೇಳಿದರು.

ಇದನ್ನೂ ಓದಿ: 3 ವಿಮಾನ ನಿಲ್ದಾಣಗಳ ಸ್ವಾಧೀನಕ್ಕೆ ಹೆಚ್ಚಿನ ಸಮಯ ಕೋರಿದ ಅದಾನಿ ಗ್ರೂಪ್

ಬಿಮನ್ ಬಾಂಗ್ಲಾದೇಶ ಏರ್‌ಲೈನ್ಸ್ ಇತ್ತೀಚೆಗೆ ಭಾರತದೊಂದಿಗೆ ವಿಮಾನ ಸೇವೆಯನ್ನು ಪುನರಾರಂಭಿಸಿತು. ಕರೋನವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ ಎರಡು ದೇಶಗಳ ನಡುವಿನ ವಿಮಾನ ಪ್ರಯಾಣವನ್ನು ಸರ್ಕಾರಗಳು ದೀರ್ಘ ಅಮಾನತುಗೊಳಿಸಿದ ನಂತರ ಅನುಮತಿಸಲಾಗಿದೆ.