Vidur Niti: ಇಂತಹ ಗಂಡನನ್ನು ಪಡೆಯುವ ಈ ಮಹಿಳೆಯರು ತುಂಬಾ ಅದೃಷ್ಟವಂತರು..!

ಸುಂದರ ಜೀವನಕ್ಕೆ ವಿದುರ ನೀತಿ: ಒಳ್ಳೆಯ ಮತ್ತು ಸದ್ಗುಣವಂತ ಪತಿಯನ್ನು ಪಡೆಯುವುದು ಅದೃಷ್ಟದ ವಿಷಯ. ವಿದುರ ನೀತಿಯಲ್ಲಿ ಇಂತಹ ಮಹಿಳೆಯರನ್ನು ಬಹಳ ಅದೃಷ್ಟವಂತರು ಎಂದು ವಿವರಿಸಲಾಗಿದೆ. ಇವರ ಪತಿ ಕೆಲವು ವಿಶೇಷತೆಗಳನ್ನು ಹೊಂದಿರುತ್ತಾರೆ.

ಉತ್ತಮ ಜೀವನಕ್ಕೆ ವಿದುರ ನೀತಿ

ನವದೆಹಲಿ: ಮಹಾರಾಜ ವಿದುರ ಮಹಾಭಾರತದ ಕಾಲದ ಪ್ರಮುಖ ಪಾತ್ರಗಳಲ್ಲಿ ಒಬ್ಬರು. ಅವರು ಮಹಾನ್ ರಾಜಕಾರಣಿ, ವಿವೇಕಯುತ ಮತ್ತು ಬುದ್ಧಿವಂತರಾಗಿದ್ದರು. ಇವರು ರೂಪಿಸಿದ ನೀತಿಗಳು ಯಶಸ್ವಿ ಜೀವನ ನಡೆಸಲು ತುಂಬಾ ಸಹಕಾರಿಯಾಗಿವೆ. ಮಹಾತ್ಮ ವಿದುರನ ನೀತಿಗಳು ‘ವಿದುರ ನೀತಿ’ ಎಂದೇ ಜನಪ್ರಿಯವಾಗಿವೆ ಮತ್ತು ಜೀವನಕ್ಕೆ ಸಂಬಂಧಿಸಿದ ಬಹಳ ಮುಖ್ಯವಾದ ವಿಷಯಗಳನ್ನು ಇದರಲ್ಲಿ ಹೇಳಲಾಗಿದೆ. ವಿದುರ ನೀತಿಯಲ್ಲಿ ಪರಿಪೂರ್ಣ ಪುರುಷನ ಗುಣಲಕ್ಷಣಗಳನ್ನು ವಿವರಿಸಲಾಗಿದೆ ಮತ್ತು ಅಂತಹ ವ್ಯಕ್ತಿಯ ಸಹವಾಸ ಹೊಂದುವ ಮಹಿಳೆಯರು ಅತ್ಯಂತ ಅದೃಷ್ಟಶಾಲಿ ಎಂದು ಹೇಳಲಾಗುತ್ತದೆ. ಒಳ್ಳೆಯ ಗಂಡನ ಲಕ್ಷಣಗಳನ್ನು ತಿಳಿದುಕೊಳ್ಳಿರಿ.

ಉಪಕಾರ: ವಿದುರ ನೀತಿಯ ಪ್ರಕಾರ ಪರೋಪಕಾರಿಯನ್ನು ಭೂಮಿಯಿಂದ ಸ್ವರ್ಗದವರೆಗೆ ಗೌರವಿಸಲಾಗುತ್ತದೆ. ಇಂತಹ ವ್ಯಕ್ತಿಯು ಯಾವಾಗಲೂ ಗೌರವವನ್ನು ಪಡೆಯುತ್ತಾನೆ ಮತ್ತು ಅವನ ಒಳ್ಳೆಯ ಕಾರ್ಯಗಳೇ ಆತನಿಗೆ ಬಹಳಷ್ಟು ಖ್ಯಾತಿಯನ್ನು ತರುತ್ತವೆ. ಇಂತಹ ಗಂಡನನ್ನು ಪಡೆದ ಹೆಂಡತಿ ತುಂಬಾ ಅದೃಷ್ಟಶಾಲಿಯಾಗಿರುತ್ತಾಳೆ.

ಇದನ್ನೂ ಓದಿ: Chanukya Niti : ಮಹಿಳೆಯರ ಈ 4 ದೋಷಗಳು, ಮನೆಯನ್ನೇ ಹಾಳು ಮಾಡುತ್ತವೆ

ಪ್ರಾಮಾಣಿಕತೆ: ಪ್ರಾಮಾಣಿಕವಾಗಿರುವುದು ವ್ಯಕ್ತಿಯ ಉತ್ತಮ ಗುಣ. ಇಂತಹ ಗುಣದವರ ಇಡೀ ಕುಟುಂಬಕ್ಕೆ ಸಮಾಜದಲ್ಲಿ ಗೌರವ ಸಿಗುತ್ತದೆ. ಇವರ ಮಕ್ಕಳು ಸಹ ಅವರನ್ನು ಅನುಸರಿಸುತ್ತಾರೆ, ಸುಸಂಸ್ಕೃತರು ಮತ್ತು ಪ್ರಾಮಾಣಿಕರಾಗುತ್ತಾರೆ. ಇಂತಹ ಒಳ್ಳೆಯ ಗಂಡ ಮತ್ತು ಮಕ್ಕಳನ್ನು ಪಡೆದ ಮಹಿಳೆಯ ಜೀವನವು ಯಾವಾಗಲೂ ಸಂತೋಷದಿಂದ ಕೂಡಿರುತ್ತದೆ. 

ಧಾರ್ಮಿಕ ಮತ್ತು ದಾನ: ದಾನ ನೀಡುವುದು ಹಣದ ಅತ್ಯುತ್ತಮ ಬಳಕೆ ಎಂದು ಹೇಳಲಾಗುತ್ತದೆ. ತನ್ನ ಕುಟುಂಬದ ಅಗತ್ಯಗಳನ್ನು ಪೂರೈಸುವುದರೊಂದಿಗೆ ದಾನ ಮತ್ತು ಧರ್ಮ ಮಾಡುತ್ತಾ ಬದುಕುವ ವ್ಯಕ್ತಿಯ ಪುಣ್ಯವು ಹಲವಾರು ತಲೆಮಾರುಗಳವರೆಗೆ ಇರುತ್ತದೆ. ಆ ಕುಟುಂಬದ ಮೇಲೆ ದೇವ-ದೇವತೆಗಳ ಆಶೀರ್ವಾದ ಯಾವಾಗಲೂ ಇರುತ್ತದೆ ಮತ್ತು ಸಂತೋಷ ಮತ್ತು ಸಮೃದ್ಧಿಗೆ ಎಂದಿಗೂ ಕೊರತೆಯಿರುವುದಿಲ್ಲ. ಇಂತಹ ಪುರುಷನನ್ನು ಪತಿಯಾಗಿ ಪಡೆಯುವುದರಿಂದ ಹೆಣ್ಣಿನ ಬದುಕು ಶ್ರೀಮಂತವಾಗುತ್ತದೆ. ಅಲ್ಲದೇ ಆಕೆ ಭೂಲೋಕದಲ್ಲಿಯೇ ಸ್ವರ್ಗಸದೃಶ ಸುಖವನ್ನು ಅನುಭವಿಸುತ್ತಾಳೆ.

ಇದನ್ನೂ ಓದಿ: ರಾತ್ರಿ ಲೈಟ್ ಆನ್ ಮಾಡಿ ಮಲಗುವುದರಿಂದ ಕಾಡುವುದು ಈ ಸಮಸ್ಯೆಗಳ ಅಪಾಯ